ಅರೆಬೆತ್ತಲೆ ಮಹಿಳೆಯರ ಮೇಲೆ ಅಪಾರ್ಟ್ ಮೆಂಟ್ ಚಿತ್ರ ಬಿಡಿಸಿ ಪ್ರಚಾರ!

ಬೀಜಿಂಗ್: ಅರೆಬೆತ್ತಲೆ ಮಹಿಳೆಯರ ಮೇಲೆ ಅಪಾರ್ಟ್ ಮೆಂಟ್ ಚಿತ್ರ ಬಿಡಿಸಿ ಚೀನಾದ ಪ್ರಾಪರ್ಟಿ ಡೆವಲಪರ್ ಗಳು ವಿಲಕ್ಷಣವಾಗಿ ಕಾಂಪ್ಲೆಕ್ಸ್ ಗಳ ಪ್ರಚಾರ ಮಾಡುತ್ತಿದ್ದಾರೆ.

ದಕ್ಷಿಣ ಚೀನಾದ ಗುವಾಂಗ್ಕ್ಸಿ ಝುವಾಂಗ್ ಸ್ವಾಯತ್ತ ಪ್ರದೇಶದ ಪ್ರಾಪರ್ಟಿ ಡೆವಲಪರ್ ನವೆಂಬರ್ 30ರಂದು ಘಟನೆ ನಡೆದಿದೆ. ಈ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಡಲಾಗಿದ್ದು, ಸಾರ್ವಜನಿಕರಿಂದ ಭಾರೀ ಆಕ್ರೋಶ ವ್ಯಕ್ತವಾಗಿದೆ ಎಂದು ವರದಿಯಾಗಿದೆ.

ವಿಡಿಯೋದಲ್ಲಿ ಏನಿದೆ?:
ಪ್ರಾಪರ್ಟಿ ಡೆವಲಪರ್ ಗಳು ಖರೀದಿದಾರರನ್ನು ಸೆಳೆಯಲು ನಾಲ್ವರು ಮಹಿಳೆಯರನ್ನು ಅರೆಬೆತ್ತಲಾಗಿ ಮಾಡಿ. ಅವರ ಬೆನ್ನಿನ ಮೇಲೆ ಅಪಾರ್ಟ್ ಮೆಂಟ್ ಒಳ ನಕ್ಷೆ ಹಾಗೂ ಹೊಸ ವಿನ್ಯಾಸವನ್ನು ಬಿಡಿಸಿ, ಸಾಲಾಗಿ ಕೂರಿಸಲಾಗಿತ್ತು. ಬಳಿಕ ಒಬ್ಬೊರನ್ನೇ ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಡಲಾಗಿತ್ತು. ಗ್ರಾಹಕರು ಇದನ್ನು ನೋಡಿ ಅಪಾರ್ಟ್ ಮೆಂಟ್ ಖರೀದಿಗೆ ಮುಂದಾಗುತ್ತಾರೆ ಎನ್ನುವ ಉದ್ದೇಶದಿಂದ ಹೀಗೆ ಮಾಡಲಾಗಿದೆ.

ಮಹಿಳೆಯ ಮೈ ಮೇಲೆ ಕೇವಲ ಒಂದು ತುಂಡು ಬಟ್ಟೆ, ಎದೆಯ ಭಾಗದಲ್ಲಿ ಚಿಟ್ಟೆ ಮತ್ತು ಹೂವುಗಳ ಚಿತ್ತಾರ ಬಿಡಿಸಿಕೊಂಡಿದ್ದಾರೆ. ಇದು ಸಾರ್ವಜನಿಕರ ಕೋಪಕ್ಕೆ ಕಾರಣವಾಗಿದೆ.

ಇದೊಂದು ಅಶ್ಲೀಲ ಮತ್ತು ಅವಮಾನಕರ ಘಟನೆ ಎಂದು ಸ್ಥಳೀಯರು ಟೀಕಿಸಿದ್ದಾರೆ. ಈ ಕುರಿತು ಅಧಿಕಾರಿಗಳು ತನಿಖೆ ಕೈಗೊಂಡಿದ್ದು, ರಿಯಲ್ ಎಸ್ಟೇಟ್ ಕಚೇರಿಯನ್ನು ಬಂದ್ ಮಾಡಲಾಗಿದೆ ಎಂದು ಚೀನಾದ ಮಾಧ್ಯಮವೊಂದರ ವರದಿ ಮಾಡಿದೆ.

Chinese property developer suspended after racy promotional stunt pic.twitter.com/MXrmIFtNsn

— CGTN (@CGTNOfficial) December 6, 2018

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv