ರೈಲ್ವೇ ನಿಲ್ದಾಣದಲ್ಲಿ ಯುವತಿ ಮೈ ಮೇಲೆ ಕೈ ಹಾಕಿದ ಪೇದೆ: ವಿಡಿಯೋ ವೈರಲ್

ಮುಂಬೈ: ರೈಲ್ವೇ ಸುರಕ್ಷಾ ದಳದ ಪೇದೆಯೊಬ್ಬ ರೈಲ್ವೇ ನಿಲ್ದಾಣದಲ್ಲಿ ಯುವತಿ ಮೈ ಮೇಲೆ ಕೈ ಹಾಕಿದ ಘಟನೆ ಮಹರಾಷ್ಟ್ರದ ಮುಂಬೈನಲ್ಲಿ ನಡೆದಿದೆ.

ಜಹಂಗೀರ್ ಸಸ್ಪೆಂಡ್ ಆದ ಪೇದೆ. ಕಲ್ಯಾಣ್ ರೈಲ್ವೇ ನಿಲ್ದಾಣದಲ್ಲಿ ಜಹಂಗೀರ್ ತನ್ನ ಪಕ್ಕದಲ್ಲಿ ಕುಳಿತಿದ್ದ ಯುವತಿ ಮೈ ಮೇಲೆ ಕೈ ಹಾಕಿದ್ದಾನೆ. ಇದನ್ನು ಗಮನಿಸಿದ ಸ್ಥಳೀಯರು ತಮ್ಮ ಮೊಬೈಲ್‍ನಲ್ಲಿ ವಿಡಿಯೋ ಮಾಡಿ ಅದನ್ನು ಸಾಮಾಜಿಕ ಜಾಲತಾಣದಲ್ಲಿ ಹರಿಯಬಿಟ್ಟಿದ್ದಾರೆ. ಸದ್ಯ ಈ ವಿಡಿಯೋ ವೈರಲ್ ಆಗಿದೆ.

ವಿಡಿಯೋ ವೈರಲ್ ಆಗುತ್ತಿದ್ದಂತೆ ನಾವು ಈ ಘಟನೆ ಬಗ್ಗೆ ವಿಚಾರಣೆ ನಡೆಸಿದ್ದೇವೆ. ಅಲ್ಲದೇ ಪೇದೆಯನ್ನು ಅಮಾನತುಗೊಳಿಸಿದ್ದೇವೆ ಎಂದು ಕೇಂದ್ರ ರೈಲ್ವೆ ವಿಭಾಗೀಯ ಆಯುಕ್ತ ಸಚಿನ್ ಬಾಲೊಡೆ ತಿಳಿಸಿದ್ದಾರೆ.

ಯುವತಿಯ ಮೈ ಮೇಲೆ ಕೈ ಹಾಕುವಾಗ ಅಲ್ಲಿದ್ದ ಸ್ಥಳೀಯರು ಗಮನಿಸಿದ್ದಾರೆ. ಅಲ್ಲದೇ ಆತನ ವಿರುದ್ಧ ರೊಚ್ಚಿಗೆದ್ದು, ಆತನನ್ನು ಅಲ್ಲಿದ್ದ ಸೆಕ್ಯೂರಿಟಿಗೆ ಒಪ್ಪಿಸಿದ್ದರು. ಆದರೆ ಪೇದೆ ಅಲ್ಲಿಂದ ತಪ್ಪಿಸಿಕೊಳ್ಳಲು ಯತ್ನಿಸಿದಾಗ ಅಲ್ಲಿನ ಜನರು ಪೇದೆಯನ್ನು ಥಳಿಸಿದ್ದಾರೆ. ಪೇದೆ ವಿರುದ್ಧ ಯಾರು ಯಾವುದೇ ದೂರನ್ನು ನೀಡಿಲ್ಲ. ವಿಡಿಯೋ ನೋಡಿದ ಬಳಿಕ ಸ್ವತಃ ನಾವೇ ಪೇದೆ ಜಹಂಗೀರ್ ವಿರುದ್ಧ ದೂರು ದಾಖಲಿಸಿಕೊಂಡಿದ್ದೇವೆ ಎಂದು ಬಾಲೊಡೆ ಹೇಳಿದ್ದಾರೆ.

ಪೇದೆ ಯುವತಿಯ ಮೈ ಮೇಲೆ ಕೈ ಹಾಕಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವೈರಲ್ ಆಗುತ್ತಿದೆ.

हर मुसलमान आतंकवादी नहीं होता, और हर पुलिस वाला इसके जैसा नहीं होता.
I trust @MumbaiPolice, they will take action on this one. #KalyanRailwayStation pic.twitter.com/0HNGSUpEK5

— Ajaz Khan (@AjazkhanActor) June 20, 2018