ಬೆಂಗಳೂರು: ಬಿಗ್‍ಬಾಸ್ ಸೀಸನ್-8ಕ್ಕೆ ಎಂಟ್ರಿ ಕೊಟ್ಟಿದ್ದ ಸೋಶಿಯಲ್ ಮೀಡಿಯಾ ಸ್ಟಾರ್‌ಗಳಾದ ಬ್ರೋ ಗೌಡ ಶಮಂತ್ ಹಾಗೂ ರಘು ವೀಡಿಯೋವೊಂದರಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದು, ಈ ಸಲ ಕಪ್ ನಮ್ದೆ ಎಂದಿದ್ದಾರೆ.
ಬಿಗ್‍ಬಾಸ್ ಸೀಸನ್ 8ರ ಬಳಿಕ ಮತ್ತೆ ತಮ್ಮ ಕೆಲಸಗಳತ್ತ ಮರಳಿದ ಬ್ರೋ ಗೌಡ ಶಮಂತ್ ಹಾಗೂ ರಘು ಅಭಿಮಾನಿಗಳಿಗೆ ಮನರಂಜನೆ ನೀಡುವ ಕೆಲಸವನ್ನು ಮುಂದುವರಿಸಿದ್ದಾರೆ. ಹಲವು ದಿನಗಳ ಬಳಿಕ ಇಬ್ಬರೂ ಒಟ್ಟಿಗೆ ವೀಡಿಯೋವೊಂದರಲ್ಲಿ ಕಾಣಿಸಿಕೊಂಡಿದ್ದು ರಾಯಲ್ ಚಾಲೆಂಜರ್ಸ್ ಬೆಂಗಳೂರಿಗೆ ಸಪೋರ್ಟ್ ಮಾಡಿದ್ದಾರೆ.
ಹೌದು, ಐಪಿಎಲ್ ಪಂದ್ಯ ಎಂದರೆ ಅಭಿಮಾನಿಗಳಲ್ಲಿ ಒಂದು ರೀತಿ ಕ್ರೇಜ್. ಕಳೆದ ಬಾರಿ ಕೊರೊನಾದಿಂದ ರದ್ದುಗೊಳಿಸಲಾಗಿದ್ದ ಐಪಿಎಲ್ ಪಂದ್ಯ ಇದೀಗ ಸೆಪ್ಟೆಂಬರ್ 19ರಿಂದ ಮತ್ತೆ ಆರಂಭವಾಗಿದೆ. ಎಂದಿನಂತೆ ಆರ್ಸಿಬಿ ಅಭಿಮಾನಿಗಳು ಈ ಬಾರಿ ಕೂಡ ಈ ಸಲ ಕಪ್ ನಮ್ದೆ ಎಂದು ಹೇಳುತ್ತಿದ್ದಾರೆ. ಇದನ್ನೂ ಓದಿ: ಮದ್ಯಪಾನದ ದೃಶ್ಯ ತೋರಿಸಿದ್ದಕ್ಕೆ ಕಪಿಲ್ ಶರ್ಮಾ ಶೋ ವಿರುದ್ಧ FIR
ಈ ಮಧ್ಯೆ ಬ್ರೋ ಗೌಡ ಶಮಂತ್ ಹಾಗೂ ರಘು ಬೆಟ್ಟದ ಮೇಲೆ ನಿಂತು ವೀಡಿಯೋವೊಂದನ್ನು ಮಾಡಿದ್ದಾರೆ. ವೀಡಿಯೋದಲ್ಲಿ ಯಾವುದಾದರೂ ಬೆಟ್ಟದ ಮೇಲೆ ನಿಂತುಕೊಂಡು ಜೋರಾಗಿ ಕೂಗಿದರೆ ವಾಯ್ಸ್ ಎಕೋ ಹೊಡೆಯುತ್ತದೆ. ಉದಾಹರಣೆಗೆ ರಘು ಎಂದರೆ ಮೂರು ಬಾರಿ ವಾಯ್ಸ್ ಎಕೋ ಹೊಡೆಯುತ್ತದೆ. ಬ್ರೋ ಗೌಡ ಅಥವಾ ಚಿನ್ನಿ ಎಂದರೂ ಪ್ರತಿಧ್ವನಿ ಹೊಡೆಯುತ್ತದೆ. ಅದೇ ಆರ್ಸಿಬಿ ಅಂತ ಹೇಳಿದರೆ ಎಂದು ರಘು ಕೇಳುತ್ತಾರೆ. ಈ ವೇಳೆ ಶಮಂತ್ ಆರ್ಸಿಬಿ, ಈ ಸಲ ಕಪ್ ನಮ್ದೆ ಎಂದು ಕಿರುಚಿದ್ದಾರೆ. ಜೊತೆಗೆ ಈ ವೀಡಿಯೋ ಕೊನೆಯಲ್ಲಿ ಈ ಸಲ ನೋಡೋಣ ಎಂದ ಪದಗಳೊಂದಿಗೆ ಹಿನ್ನೆಲೆಯಲ್ಲಿ ಆರ್ಸಿಬಿ ಸಾಂಗ್ ಬಂದಿದೆ. ಇದನ್ನೂ ಓದಿ: ಬಾಲಿವುಡ್‍ಗೆ ಎಂಟ್ರಿ ಕೊಡ್ತಿದ್ದಾರಾ ನಟ ಗೋವಿಂದ ಪುತ್ರ?
ಒಟ್ಟಾರೆ ಈ ವೀಡಿಯೋ ಬ್ರೋ ಗೌಡ ಮತ್ತು ರಘು ಅಭಿಮಾನಿಗಳಿಗಷ್ಟೇ ಅಲ್ಲದೇ ಆರ್ಸಿಬಿ ಅಭಿಮಾನಿಗಳಿಗೂ ಸಖತ್ ಇಷ್ಟ ಆಗುವುದರಲ್ಲಿ ಡೌಟೇ ಇಲ್ಲ ಎಂದು ಹೇಳಬಹುದಾಗಿದೆ. ಇದನ್ನೂ ಓದಿ: ಗೌಡ್ರ ಕುಟುಂಬದಲ್ಲಿ ಸಂಭ್ರಮ – ನಿಖಿಲ್, ರೇವತಿ ದಂಪತಿಗೆ ಗಂಡು ಮಗು
Leave a Reply