ವಿಮಾನದ ಆಕಾರದಲ್ಲಿ ರೆಡಿಯಾಗ್ತಿದೆ ನ್ಯೂ ಗೆಟಪ್ ರೆಸ್ಟೋರೆಂಟ್

– ವಿಮಾನದಲ್ಲಿ ಸಿಗಲಿದೆ ಎಲ್ಲಾ ರೀತಿಯ ಡಿನ್ನರ್
– ಗ್ರಾಹಕರಿಗೆ ವಿಮಾನದ ಫೀಲ್

ನೆಲಮಂಗಲ: ಬಹು ಎತ್ತರದ ಕಟ್ಟಡ, ವಿವಿಧ ವಿನ್ಯಾಸದ ರೂಪಗಳಲ್ಲಿನ ರೆಸ್ಟೋರೆಂಟ್‍ಗಳನ್ನು ನೋಡಿದ್ದೇವೆ. ಆದರೆ ವಿಮಾನದ ಮಾದರಿಯಲ್ಲಿ ರೆಸ್ಟೋರೆಂಟ್‍ವೊಂದು ಸಿದ್ಧವಾಗುತ್ತಿದೆ.

ಮಾಜಿ ಸೈನಿಕ ರಮೇಶ್ ಕುಮಾರ್ ಅವರ ಬಹುದಿನದ ಕನಸು ಈ ವಿಮಾನ ಮಾದರಿಯ ರೆಸ್ಟೋರೆಂಟ್. ಬೆಂಗಳೂರು ನಗರದ ಹೊರವಲಯದ ನೆಲಮಂಗಲ ರಸ್ತೆಯ ಕುಡುರೆಗೆರೆ ಗ್ರಾಮದ ಬಳಿ ಈ ರೀತಿಯ ವಿಶಿಷ್ಟ ಸೌಲಭ್ಯವನ್ನು ಒಳಗೊಂಡ ವಿಮಾನಗಳನ್ನು ತಯಾರಿಸುತ್ತಿದೆ. ಇತ್ತೀಚಿನ ದಿನಗಳಲ್ಲಿ ವಿಮಾನ ಪ್ರಯಾಣದೊಂದಿಗೆ ವಿಮಾನ ರೆಸ್ಟೋರೆಂಟ್‍ಗಳು ಬಹಳ ಜನಪ್ರಿಯವಾಗುತ್ತಿವೆ. ಜೊತೆಗೆ ಅವುಗಳಿಗೆ ಹೆಚ್ಚಿನ ಬೇಡಿಕೆಯಿದೆ ಎಂದು ತಯಾರಕರು ಹೇಳುತ್ತಾರೆ.

ರಮೇಶ್ ಕುಮಾರ್ ಅವರು ಕನಸು ಯಶಸ್ವಿಯಾಗುತ್ತಿದೆ. ಪ್ರಸ್ತುತ ತಯಾರಗುತ್ತಿರುವ ಏರ್‌ಬಸ್ ಎ-320 ಮಾದರಿಯಲ್ಲಿ ಥೆಟ್ ವಿಮಾನದಲ್ಲಿರುವಂತೆ ಪರಿಚಾರಿಕಿಯರು ಸೇವೆಯನ್ನು ಕೊಡುತ್ತಿದ್ದಾರೆ. ಇಲ್ಲಿಯೂ ಕೂಡ ವಿಮಾನದಲ್ಲಿದ್ದಂತೆ ಕಾಕ್‍ಪಿಟ್, ಆಸನಗಳು, ರತ್ನಗಂಬಳಿಗಳು, ವಿಮಾನದ ಒಳಗೆ ಒಬ್ಬರು ಕೇಳುವ ಸ್ವಲ್ಪ ಸದ್ದು ಮಾಡುವ ಶಬ್ದವೂ ಸಹ ಇದೆ ಎಂದು ರಮೇಶ್ ಕುಮಾರ್ ಹೇಳಿದ್ದಾರೆ.

ತಯಾರಕರಿಗೆ ಒಂದು ದೊಡ್ಡ ಕಾರ್ಯವೆಂದರೆ ವಿಮಾನದ ಸಾಗಣೆ. ಪ್ರಸ್ತುತ ಏರ್‌ಬಸ್ ಎ-320 ಮಾದರಿಯು 123 ಅಡಿ ಉದ್ದವಿದ್ದು, 115 ಅಡಿಗಳಷ್ಟು ರೆಕ್ಕೆಗಳನ್ನು ಹೊಂದಿದೆ. ಇದು ಸಂಪೂರ್ಣ ರೆಡಿಯಾದ ಬಳಿಕ ಗುಜರಾತ್‍ನ ವಡೋದರವರೆಗೆ ಸಾಗಣೆ ಮಾಡಲಾಗುತ್ತದೆ.

ಇಂತಹ ವಿಮಾನ ರೆಸ್ಟೋರೆಂಟ್ ಈಗಾಗಲೇ ಡೆಹ್ರಾಡೂನ್‍ನಲ್ಲಿದೆ. ಇದೀಗ ಇಲ್ಲಿ ತಯಾರಗುತ್ತಿರುವುದ ವಿಮಾನ ಮಾದರಿಯ ರೆಸ್ಟೋರೆಂಟ್ ದೇಶದಲ್ಲಿಯೇ ಎರಡನೇಯ ರೆಸ್ಟೋರೆಂಟ್ ಎಂಬ ಪ್ರಶಂಸೆಗೆ ಪಾತ್ರವಾಗಿದೆ.