ಬೆಂಗಳೂರು: ಯುವತಿಯ ಜೊತೆ ದೇಹ ಸಂಪರ್ಕ ಬೆಳೆಸಿ, ಈಗ ವಯಸ್ಸಿನಲ್ಲಿ 8 ವರ್ಷ ಹಿರಿಯಳಾಗಿರುವ ಯುವತಿಯನ್ನು ವರಿಸಲು ಸಾಧ್ಯವಿಲ್ಲ ಎಂದು ಹೇಳಿರುವ ಆರೋಪವೊಂದು 17 ವರ್ಷದ ಹುಡುಗನ ವಿರುದ್ಧ ಕೇಳಿಬಂದಿದೆ.
ಬೆಂಗಳೂರಿನ ಹುಡುಗಿ ತನಗಿಂತ 8 ವರ್ಷ ಚಿಕ್ಕವನಾಗಿರುವ ಅಪ್ರಾಪ್ತ ಹುಡುಗನೊಂದಿಗೆ ಪ್ರೀತಿಯಲ್ಲಿ ಬಿದ್ದಿದ್ದಳು. ಸುಮಾರು 2 ವರ್ಷಗಳಿಂದ ಪ್ರೀತಿಸುತ್ತಿದ್ದ ಪರಿಣಾಮ ಇದೀಗ 25 ವರ್ಷದ ಹುಡುಗಿ ಗರ್ಭಿಣಿಯಾಗಿದ್ದು, ನನ್ನನ್ನು ಮದುವೆಯಾಗು ಎಂದು ಪ್ರಿಯಕರನ ಹಿಂದೆ ದುಂಬಾಲು ಬಿದ್ದಿದ್ದಾಳೆ.
ಮದುವೆ ವಿಚಾರ ಬಂದಿದ್ದೆ ತಡ ಹುಡುಗ ನಾನು ಇನ್ನೂ ಅಪ್ರಾಪ್ತ. ಹೀಗಾಗಿ 8 ವರ್ಷ ದೊಡ್ಡವಳಾಗಿರುವ ನಿನ್ನನ್ನು ಮದುವೆಯಾಗಲು ಸಾಧ್ಯವಿಲ್ಲ ಎಂದು ಆಕೆಗೆ ಹೇಳಿದ್ದಾನೆ. ಅಷ್ಟೇ ಅಲ್ಲದೇ ಆಕೆ ನನಗೆ ಇಷ್ಟ ಇಲ್ಲ ಎಂದು ಹೇಳಿ ಮನೆಯಲ್ಲಿರುವ ಮಾತ್ರೆಗಳನ್ನು ಸೇವಿಸಿ ಆತ್ಮಹತ್ಯೆಗೆ ಯತ್ನಿಸಿದ್ದಾನೆ.
ಈಗ ಅಪ್ರಾಪ್ತ ಹುಡುಗನ ಪೋಷಕರು ತಿಲಕ್ ನಗರ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ. ಪ್ರಾಥಮಿಕ ತನಿಖೆಯ ವೇಳೆ ಇವರಿಬ್ಬರು ಪ್ರೀತಿಯಲ್ಲಿದ್ದ ವಿಚಾರ ಗೊತ್ತಾಗಿದೆ. ಯುವತಿಯನ್ನು ವೈದ್ಯಕೀಯ ಪರೀಕ್ಷೆ ಒಳಪಡಿಸಲಾಗಿದೆ ಎಂದು ಡಿಸಿಪಿ ಬೋರಲಿಂಗಯ್ಯ ಹೇಳಿದ್ದಾರೆ.
Leave a Reply