ಕೆಎಸ್‌ಆರ್‌ಟಿಸಿ ಬಸ್ಸಿನಲ್ಲಿ ಶುರುವಾಯ್ತು ತಿಗಣೆಗಳ ಕಾಟ

ಬೆಂಗಳೂರು: ಕೆಎಸ್‌ಆರ್‌ಟಿಸಿ ಬಸ್ಸಿನಲ್ಲಿ ತಿಗಣೆಗಳ ಕಾಟ ಶುರುವಾಗಿದ್ದು, ಪ್ರಯಾಣಿಕರು ಆತಂಕಕ್ಕೊಳಗಾಗಿದ್ದಾರೆ.

ಬಸ್ ಹತ್ತಿದ ತಕ್ಷಣ ಸೀಟು ಸಿಕ್ಕಿದೆ ಎಂದು ಎಂದು ಪ್ರಯಾಣಿಕರು ಖುಷಿಯಿಂದ ಮೊಬೈಲ್ ಕೈಗೆತ್ತಿಕೊಂಡು ಕುಳಿತರೆ ಎರಡೇ ಸೆಕೆಂಡ್‍ನಲ್ಲಿ ನಿಮ್ಮ ದೇಹದಲ್ಲಿ ಕೆರೆತ ಶುರುವಾಗುತ್ತೆ. ಏಕೆಂದರೆ ಕೆಎಸ್‌ಆರ್‌ಟಿಸಿ ಬಸ್ಸಿನಲ್ಲಿ ತಿಗಣೆಗಳ ಕಾಟ ಶುರುವಾಗಿದೆ.

ಪ್ರಯಾಣಿಕರೊಬ್ಬರು ಕೆಎಸ್‌ಆರ್‌ಟಿಸಿ ಬಸ್ಸಿನ ಸೀಟಿನಲ್ಲಿ ರಾಶಿ ರಾಶಿ ತಿಗಣೆಗಳು ಓಡಾಡುತ್ತಿರುವ ವಿಡಿಯೋವನ್ನು ಸೆರೆ ಹಿಡಿದಿದ್ದಾರೆ. ಬೆಂಗಳೂರಿನಿಂದ ಮೈಸೂರಿಗೆ ಹೋಗುವ ಬಸ್ ಇದಾಗಿದ್ದು, ಈ ಬಸ್ಸಿನಲ್ಲಿ ತಿಗಣೆಗಳು ಕಾಣಿಸಿಕೊಂಡಿದೆ.

ಪ್ರಯಾಣಿಕ ಸೆರೆ ಹಿಡಿದ ವಿಡಿಯೋ ವೈರಲ್ ಆಗಿದ್ದು, ಕೆಎಸ್‌ಆರ್‌ಟಿಸಿ ಬಸ್ಸಿನಲ್ಲಿ ಪ್ರಯಾಣಿಸುವುದಕ್ಕೆ ಜನರು ಭಯ ಪಡುತ್ತಿದ್ದಾರೆ. ಬಸ್ಸಿನಲ್ಲಿ ಇಷ್ಟು ತಿಗಣೆ ಕಾಣಿಸಿಕೊಂಡರೂ ಔಷಧಿ ಹೊಡೆಸದ ಕೆಎಸ್‌ಆರ್‌ಟಿಸಿ ಅಧಿಕಾರಿಗಳ ವಿರುದ್ಧ ಪ್ರಯಾಣಿಕರು ಗರಂ ಆಗಿದ್ದಾರೆ.