ಮುಂಬೈ ಅಂಡರ್ – 16 ತಂಡದ ನಾಯಕನಿಗೆ 3 ವರ್ಷ ನಿಷೇಧ

– ಸಹ ಆಟಗಾರರ ಮುಂದೆ ನಾಯಕನ ಎಕ್ಸ್ ಪೋಸ್ ಕುಚೇಷ್ಠೆ

ಮುಂಬೈ: ಮುಂಬೈ ಕ್ರಿಕೆಟ್ ಅಸೋಸಿಯೇಶನ್ (ಎಂಸಿಎ) ಸಂಸ್ಥೆ ಅಂಡರ್ 16 ತಂಡದ ನಾಯಕ ಮುಷೀರ್ ಖಾನ್ ಮೇಲೆ 3 ವರ್ಷಗಳ ನಿಷೇಧ ಹೇರಲು ತೀರ್ಮಾನಿಸಿದೆ.

ತಂಡದ ಆಟಗಾರರ ಮುಂದೆ ಅಶ್ಲೀಲವಾಗಿ ವರ್ತಿಸಿರುವ ಆರೋಪದ ಮೇರೆಗೆ ಎಂಸಿಎ ಈ ನಿರ್ಧಾರವನ್ನು ತೆಗೆದುಕೊಂಡಿದೆ. ಆಂಧ್ರಪ್ರದೇಶದಲ್ಲಿ ಡಿಸೆಂಬರ್ ತಿಂಗಳಿನಲ್ಲಿ ನಡೆದ ವಿಜಯ್ ಮರ್ಚೆಂಟ್ ಕ್ವಾರ್ಟರ್ ಫೈನಲ್ ಪಂದ್ಯದ ವೇಳೆ ಘಟನೆ ನಡೆದಿದ್ದು, ಈ ಕುರಿತು ತಂಡದ ಆಟಗಾರು ಮಂಡಳಿಗೆ ದೂರು ನೀಡಿದ್ದರು. ಅಲ್ಲದೇ ಮುಷೀರ್ ಖಾನ್ ಈ ಹಿಂದೆಯೂ ಕೂಡ ಅಸಭ್ಯ ವರ್ತನೆ ತೋರಿದ್ದ ಬಗ್ಗೆ ದೂರುಗಳು ಕೇಳಿ ಬಂದಿತ್ತು.

ಮುಂಬೈ ಸಂಸ್ಥೆಯ ನಿಷೇಧದ ಪರಿಣಾಮವಾಗಿ ಮುಷೀರ್ ಖಾನ್ 2022ರ ವರೆಗೂ ಯಾವುದೇ ತಂಡದ ಪರ ಆಡುವ ಆಗಿಲ್ಲ. ಎಂಸಿಎ ಆಡಳಿತ ಮಂಡಳಿಯ ಈ ನಿರ್ಧಾರವನ್ನು ಕ್ರಿಕೆಟ್ ಕ್ಲಬ್ ಕೂಡ ಸ್ವಾಗತಿಸಿದೆ. ಅಲ್ಲದೇ ಇಂತಹ ಕಠಿಣ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಹಕ್ಕು ಸಂಸ್ಥೆಗೆ ಇದೆ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದೆ. ಈ ನಿರ್ಧಾರ ಕೇವಲ ಅಂಡರ್ 16 ತಂಡದ ಆಟಗಾರರ ಮೇಲೆ ಮಾತ್ರವಲ್ಲದೇ ರಣಜಿ ಆಟಗಾರರ ಮೇಲೂ ಪರಿಣಾಮ ಉಂಟು ಮಾಡಲಿದೆ ಎಂದು ತಿಳಿಸಿದೆ.

ಅಂದಹಾಗೇ ಮುಷೀರ್ ಖಾನ್ ಟೀಂ ಇಂಡಿಯಾ ಯುವ ಆಟಗಾರ ಸರ್ಫರಾಜ್ ಖಾನ್ ಸಹೋದರನಾಗಿದ್ದಾನೆ. ಸರ್ಫರಾಜ್ ಖಾನ್ ಇಂಡಿಯಾ ಅಂಡರ್ 19 ತಂಡ ಹಾಗೂ ಐಪಿಎಲ್ ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವನ್ನು ಪ್ರತಿನಿಧಿಸಿದ್ದರು.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv