ರನೌಟ್ ವೇಳೆ ತಪ್ಪಾಗಿ ಬಾಲ್ ಎಸೆದ ಕೀಪರ್ – ಪಿಚ್ ಬಿಟ್ಟು ಓಡಿದ ಬೌಲರ್

ಲಂಡನ್: ರನೌಟ್ ಮಾಡುವ ಸಂದರ್ಭದಲ್ಲಿ ವಿಕೆಟ್ ಕೀಪರ್ ವಿಕೆಟ್‍ಗೆ ಬಾಲನ್ನು ಎಸೆಯುವ ಬದಲು ತಪ್ಪಾಗಿ ಬೌಲರಿಗೆ ಎಸೆಯುತ್ತಿರುವ ವಿಡಿಯೋ ಈಗ ವೈರಲ್ ಆಗಿದೆ.

ಡರ್ಹಾಮ್ ಮತ್ತು ಯಾರ್ಕ್ ಶೈರ್ ನಡುವಿನ ಟಿ20 ಪಂದ್ಯ ರಿವರ್ಸೈಡ್ ಮೈದಾನದಲ್ಲಿ ನಡೆಯುತಿತ್ತು. ಯಾರ್ಕ್‍ಶೈರ್ ಸ್ಪಿನ್ ಬೌಲರ್ ಕೇಶವ್ ಮಹಾರಾಜ್ ಎಸೆದ ಬಾಲ್ ಬ್ಯಾಟ್ಸ್ ಮನ್ ಪ್ಯಾಡಿಗೆ ಬಡಿದಿತ್ತು. ಈ ವೇಳೆ ಕೇಶವ್ ಮಹಾರಾಜ್ ಅಂಪೈರ್ ಬಳಿ ಮನವಿ ಸಲ್ಲಿಸುತ್ತಿದ್ದಾಗ ಇಬ್ಬರು ಬ್ಯಾಟ್ಸ್ ಮನ್ ರನ್ ಗಳಿಸಲು ಓಡಿದ್ದಾರೆ.

The poor bowler 😂#Blast19 pic.twitter.com/cFjcYc6Ls1

— Vitality Blast (@VitalityBlast) August 24, 2019

ಇಬ್ಬರು ಓಡಲು ಆರಂಭಿಸಿದ್ದನ್ನು ನೋಡಿದ ಕೀಪರ್ ಮುಂದುಗಡೆ ಬಂದು ನಾನ್ ಸ್ಟ್ರೈಕ್ ನಲ್ಲಿರುವ ವಿಕೆಟಿಗೆ ಎಸೆಯುವ ಬದಲು ತಪ್ಪಾಗಿ ಅಲ್ಲಿದ್ದ ಬೌಲರ್ ಗೆ ಹಿಂಭಾಗಕ್ಕೆ ಎಸೆದಿದ್ದಾರೆ. ವೇಗವಾಗಿ ಬಾಲ್ ಬಿದ್ದ ರಭಸಕ್ಕೆ ಕೇಶವ್ ಮಹಾರಾಜ್ ಎಡಗಾಲಿಗೆ ಬಲವಾದ ಪೆಟ್ಟು ಬಿದ್ದಿದೆ. ಬಾಲ್ ಬಿದ್ದ ಕೂಡಲೇ ಅವರು ತೊಡೆಯನ್ನು ಉಜ್ಜಿಕೊಳ್ಳುತ್ತಾ ಓಡುತ್ತಿರುವ ದೃಶ್ಯ ವಿಡಿಯೋದಲ್ಲಿ ಸೆರೆಯಾಗಿದೆ.

ಇದಾದ ನಂತರವೂ ಕೇಶವ್ ಅವರು 4 ಓವರ್ ಕೋಟಾವನ್ನು ಪೂರ್ಣಗೊಳಿಸಿದ್ದಾರೆ. ಆದರೆ ಯಾವುದೇ ವಿಕೆಟ್ ಪಡೆಯಲು ಯಶಸ್ವಿಯಾಗಲಿಲ್ಲ.