ಬೆರಳು ಗಾಯವಾಗಿದ್ದಕ್ಕೆ ನಟಿಯಿಂದ ಮಂಕಿಮಾಸ್ಕ್ ಧರಿಸಿ ಡ್ಯಾನ್ಸ್: ವಿಡಿಯೋ ವೈರಲ್

ಮುಂಬೈ: ಬಾಲಿವುಡ್ ನಟಿ ಅದಾ ಶರ್ಮಾ ಬೆರಳು ನೋವನ್ನು ಮರೆಯಲು ಮಂಕಿಮಾಸ್ಕ್ ಧರಿಸಿ ಮುಕಾಬುಲಾ ಹಾಡಿಗೆ ಸ್ಟೆಪ್ ಹಾಕಿರುವ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ಆಗಿ ವೈರಲ್ ಆಗಿದೆ.

ಈ ವಿಡಿಯೋದಲ್ಲಿ ಅದಾ ಶರ್ಮಾ, ಪ್ರಭುದೇವ್ ಅವರು ಡಾನ್ಸ್ ಮಾಡಿರುವ ಮುಕಾಬುಲಾ ಹಾಡಿಗೆ ಸೀರೆಯನ್ನು ತೊಟ್ಟು ಜೊತೆಗೆ ಮಂಕಿ ಮಾಸ್ಕ್ ಅನ್ನು ಧರಿಸಿ ಹೆಜ್ಜೆ ಹಾಕಿದ್ದಾರೆ. ಡ್ಯಾನ್ಸ್ ಮಾಡಿದ್ದ ವಿಡಿಯೋವನ್ನು ಅದಾ ಶರ್ಮಾ ತನ್ನ ಇನ್ ಸ್ಟಾಗ್ರಾಮ್ ಖಾತೆಯಲ್ಲಿ ಅಪ್ಲೋಡ್ ಮಾಡಿ, ನನ್ನ ಕೈಗಳು ನಿಧಾನವಾಗಿ ಸರಿಯಾಗುತ್ತಿದೆ. ಪ್ರೀತಿ, ಆಶೀರ್ವಾದ ನೀಡಿದ ಎಲ್ಲರಿಗೂ ಧನ್ಯವಾದಗಳು ನಿಮ್ಮ ಪ್ರೀತಿ ನನಗೆ ಶಕ್ತಿ ನೀಡುತ್ತಿದೆ ಎಂದು ಅದಾ ಶರ್ಮಾ ಬರೆದುಕೊಂಡಿದ್ದಾರೆ.

ಬೆರಳಿನ ನೋವು ಜಾಸ್ತಿಯಾಗಿದೆ. ಹಾಗಾಗಿ ಲಂಡನ್ ನಲ್ಲಿರುವ ವ್ಯಕ್ತಿಯೊಬ್ಬರು ಮಂಕಿ ಮಾಸ್ಕ್ ನೀಡಿದ್ದು, ನೋವನ್ನು ಮರೆಯಲು ಮಂಕಿ ಮಾಸ್ಕ್ ಹಾಕಿ ಡಾನ್ಸ್ ಮಾಡಿದ್ದೇನೆಂದು ಅದಾ ಹೇಳಿದ್ದಾರೆ. ಇದು ಪ್ರಭುದೇವ್ ಅವರ ಚಿತ್ರದ ಹಾಡಿಗೆ ಡ್ಯಾನ್ಸ್ ಮಾಡಿದ್ದೇನೆ. ಈ ಹಿಂದೆ ಅವರ ಜೊತೆ ನಟಿಸಲು ಅವಕಾಶ ಸಿಕ್ಕಿದ್ದು, ನನ್ನ ಅದೃಷ್ಟವೆಂದು ಅದಾ ಹೇಳಿದ್ದಾರೆ.

ಈ ಡ್ಯಾನ್ಸ್ ವಿಡಿಯೋವಿಗೆ ಕ್ರೇಜಿ ಅದಾ, ಬ್ಯೂಟಿ, ಅಸ್ಸಮ್ ಡ್ಯಾನ್ಸ್, ಫುಲ್ ಕ್ರೇಜಿ ಗರ್ಲ್, ಎಂದು ಕಮೆಂಟ್ ಮಾಡಿದ್ದಾರೆ. ಈ ವಿಡಿಯೋ 1.34 ಲಕ್ಷ ಲೈಕ್ಸ್ ಪಡೆದುಕೊಂಡಿದ್ದು, 5.81 ಲಕ್ಷ ವ್ಯೂ ಕಂಡಿದೆ.

https://www.instagram.com/p/BoYVnJwHrVY/?taken-by=adah_ki_adah

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv