ಮಹಿಳೆಯ ಸೊಂಟ ಚಿವುಟಿದ, ಯಾಕೆ ಎಂದು ಪ್ರಶ್ನಿಸಿದ್ದಕ್ಕೆ ಕೈ ಮುರಿದ

ಬೆಂಗಳೂರು: ಕಾಮುಕನೊಬ್ಬ ಮಹಿಳೆಯ ಸೊಂಟ ಚಿವುಟಿದ್ದು, ಯಾಕೆ ಚಿವುಟಿದೆ ಎಂದು ಪ್ರಶ್ನೆ ಮಾಡಿದ್ದಕ್ಕೆ ಆಕೆಯ ಕೈಯನ್ನೇ ಮುರಿದಿರುವ ಘಟನೆ ಬೆಂಗಳೂರಿನ ಕೊಡಿಗೇಹಳ್ಳಿಯಲ್ಲಿ ನಡೆದಿದೆ.

ಕಾಮುಕ ಸೊಂಟ ಚಿವುಟಿದಾಗ ಮಹಿಳೆ ಚೀರಿಕೊಂಡಿದ್ದು, ಅದನ್ನು ನೋಡಿದ ಸಾರ್ವಜನಿಕರು ಆತನನ್ನು ಪ್ರಶ್ನಿಸಿದ್ದಾರೆ. ಆದ್ರೆ ಆತ ಪ್ರಶ್ನೆ ಮಾಡಿದ ಸಾರ್ವಜನಿಕನಿಗೆ ಕಲ್ಲು ತೆಗೆದುಕೊಂಡು ತಲೆ ಮೇಲೆ ಹೊಡೆದಿದ್ದಾನೆ. ಸಿಕ್ಕ ಸಿಕ್ಕವರನ್ನೆಲ್ಲಾ ಹೊಡೆಯುತ್ತಿದ್ದ ಕಾಮುಕನಿಗೆ ಸಾರ್ವಜನಿಕರು ಸೇರಿ ಧರ್ಮದೇಟು ನೀಡಿದ್ದಾರೆ.

ಕಾಮುಕ ಮಹಿಳೆಯ ಸೊಂಟವನ್ನು ಚಿವುಟಿ ಮತ್ತು ಅಸಭ್ಯವಾಗಿ ವರ್ತಿಸುತ್ತಿದ್ದ. ಅದನ್ನು ನೋಡಿ ಮಹಿಳೆಯ ಮಗ ಆತನನ್ನು ಪ್ರಶ್ನೆ ಮಾಡಲು ಬಂದಾಗ, ಆಕೆಯ ಮಗನ ತಲೆಗೆ ಹೊಡೆದ. ಆಗ ನಾನು ಹಾಗೂ ನನ್ನ ಜೊತೆ ಇದ್ದ 5-6 ಮಂದಿ ಆತನನ್ನು ಪ್ರಶ್ನಿಸಲು ಹೋದಾಗ ಕಲ್ಲು ಎತ್ತಿಕೊಂಡು ಬರುತ್ತಿದ್ದ. ಮಾತನಾಡಲು ನಾವು ಕರೆದರೆ ಹೊಡೆಯಲು ಬರುತ್ತಿದ್ದ ಎಂದು ಪೆಟ್ಟು ತಿಂದ ಸಾರ್ವಜನಿಕರೊಬ್ಬರು ತಿಳಿಸಿದ್ದಾರೆ.

ಮಹಿಳೆಯ ಸೊಂಟ ಚಿವುಟಿ ಅಸಭ್ಯವಾಗಿ ವರ್ತನೆ ಮಾಡಿದವನ ವಿರುದ್ಧ ಸಾರ್ವಜನಿಕರು ಪೊಲೀಸರಿಗೆ ದೂರು ನೀಡಿದ್ದಾರೆ. ಕೊಡಿಗೇಹಳ್ಳಿ ಪೊಲೀಸ್ ಠಾಣೆಯಲ್ಲಿ ಈ ಬಗ್ಗೆ ಪ್ರಕರಣ ದಾಖಲಾಗಿದೆ.