ಪ್ಲಾಸ್ಟಿಕ್ ಕವರ್ ನಲ್ಲಿ ನವಜಾತ ಹೆಣ್ಣು ಶಿಶುವಿನ ಮೃತ ದೇಹ ಪತ್ತೆ

ರಾಯಚೂರು: ನಗರದ ಮಂಗಳವಾರ ಪೇಟೆಯ ರಾಜಭಕ್ಷ ದರ್ಗಾ ಬಳಿ ಪ್ಲಾಸ್ಟಿಕ್ ಕವರ್ ನಲ್ಲಿ ಸುತ್ತಿರುವ ನವಜಾತ ಹೆಣ್ಣು ಶಿಶುವಿನ ಮೃತ ದೇಹ ಪತ್ತೆಯಾಗಿದೆ.

ನಾಯಿಗಳು ಶಿಶುವನ್ನು ಎಳೆದು ಚರಂಡಿಗೆ ಹಾಕಿದಾಗ ಸಾರ್ವಜನಿಕರ ಗಮನಕ್ಕೆ ಬಂದಿದೆ. ಶಿಶು ಜನಿಸಿ ಒಂದೆರಡು ದಿನಗಳು ಮಾತ್ರ ಆಗಿರಬಹುದು ಎನ್ನಲಾಗಿದೆ. ಹೆಣ್ಣು ಶಿಶು ಕಾರಣಕ್ಕೆ ಬಿಟ್ಟು ಹೋಗಿರುವ ಶಂಕೆ ವ್ಯಕ್ತವಾಗಿದ್ದು, ಸರ್ಕಾರಿ ಆಸ್ಪತ್ರೆಯಲ್ಲಿ ಹೆರಿಗೆಯಾಗಿರುವ ಗುರುತುಗಳಿವೆ.

ಶಿಶು ಜನಿಸುವಾಗಲೇ ಸಾವನ್ನಪ್ಪಿತ್ತಾ ಅಥವಾ ದರ್ಗಾ ಬಳಿ ಬಿಟ್ಟು ಹೋದಾಗ ಸಾವನ್ನಪ್ಪಿದೆಯಾ ಎಂದು ತಿಳಿದು ಬಂದಿಲ್ಲ. ಸದರಬಜಾರ್ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದ್ದು, ಸಾರ್ವಜನಿಕರು ಮಗುವಿನ ಶವವನ್ನು ಪೊಲೀಸರಿಗೆ ಒಪ್ಪಿಸಿದ್ದಾರೆ.