ಬೆಂಗ್ಳೂರಲ್ಲಿ ವಿದೇಶಿ ಪ್ರಜೆಯಿಂದ ಕಿಡ್ನಿ ಮಾರಾಟ ಜಾಲ

ಬೆಂಗಳೂರು: ವಿದೇಶಿ ಪ್ರಜೆಯೊಬ್ಬ ಬೆಂಗಳೂರಲ್ಲಿ ಕಿಡ್ನಿ ಮಾರಾಟ ಮಾಡಿ ಮೂರು ಕೋಟಿ ರೂ. ದುಡ್ಡು ಮಾಡಿರೋ ಬಗ್ಗೆ ಬೆಳಕಿಗೆ ಬಂದಿದೆ.

ನೈಜೀರಿಯಾ ಪ್ರಜೆ ಡೇವಿಡ್ ಉಜ್ಮಾ ಉಭಾ ಬೆಂಗಳೂರಲ್ಲಿ ಕಿಡ್ನಿ ಕೊಡಿಸುತ್ತಾನಂತೆ. ಕೊತ್ತನೂರಿನ ನಾಗೇನಹಳ್ಳಿಯಲ್ಲಿ ವಾಸ ಮಾಡುತ್ತಿರೋ ಇವನು ಕಿಡ್ನಿ ಮಾರಾಟ ಜಾಲ ನಡೆಸುತ್ತಿದ್ದ ಅನ್ನೋ ಮಾಹಿತಿಯ ಆಧಾರದ ಮೇಲೆ ಕೊತ್ತನೂರು ಪೊಲೀಸರು ಈತನನ್ನ ವಶಕ್ಕೆ ಪಡೆದಿದ್ದಾರೆ.

ಖಚಿತ ಮಾಹಿತಿ ಆಧಾರದ ಮೇಲೆ ಈತ ಬಾಡಿಗೆಗೆ ಇದ್ದ ಮನೆ ಮೇಲೆ ರೇಡ್ ಮಾಡಿದ ಪೊಲೀಸರು, ಕಿಡ್ನಿ ಮಾರಾಟ ಜಾಲದ ಹಲವಾರು ದಾಖಲೆಗಳನ್ನು ವಶ ಪಡಿಸಿಕೊಂಡಿದ್ದಾರೆ. ಅಲ್ಲದೇ ಈ ರಾಕೆಟ್‍ನಲ್ಲಿ ಹಲವಾರು ಮಂದಿಯಿದ್ದು ವಿಚಾರಣೆಗಾಗಿ ಈತನನ್ನು ಪೊಲೀಸ್ ಕಸ್ಟಡಿಗೆ ಕೂಡ ಪಡೆಯಲಾಗಿದೆ.

ಪ್ರತಿಷ್ಠಿತ ಆಸ್ಪತ್ರೆಗಳಲ್ಲಿ ಕಿಡ್ನಿಯನ್ನು ಕಸಿ ಮಾಡೋದಾಗಿ ಹಲವಾರು ಮಂದಿಯಿಂದ ಹಣ ಪಡೆದಿದ್ದಾನೆ. ಅಲ್ಲದೇ ಪ್ರತಿಷ್ಠಿತ ಆಸ್ಪತ್ರೆಗಳ ರೆಕಾಡ್ರ್ಸ್ ಕೂಡ ಈತನ ಮನೆಯಲ್ಲಿ ಪತ್ತೆಯಾಗಿದ್ದು, ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.