ಏಷ್ಯಾಕಪ್ ಸೋಲು – ಪಾಕಿಸ್ತಾನ ಕಾಲೆಳೆದ ವಾಸಿಮ್ ಜಾಫರ್

ದುಬೈ: ಏಷ್ಯಾಕಪ್-2022ರ ಟೂರ್ನಿಯಲ್ಲಿ ತನ್ನ ಮೊದಲ ಪಂದ್ಯದಲ್ಲೇ ಭಾರತದ ಎದುರು ಸೋಲನುಭವಿಸಿದ ಪಾಕಿಸ್ತಾನ ತಂಡದ ವಿರುದ್ಧ ಜನ ಹಿಗ್ಗಾಮುಗ್ಗಾ ಟ್ರೋಲ್ ಮಾಡ್ತಿದ್ದಾರೆ.

Special Win from Team India, @hardikpandya7, @BhuviOfficial, @imjadeja all superb 👏🏽 Here's video representation of Pakistan's performance through the game 😄 #INDvPAK pic.twitter.com/QuM4uDsaHd

— Wasim Jaffer (@WasimJaffer14) August 28, 2022

ಕಳೆದ ಎರಡು ದಿನಗಳಿಂದಲೂ ಟೀಂ ಇಂಡಿಯಾದ ಗೆಲುವನ್ನು ಇಡೀ ದೇಶದ ಜನ ಸಂಭ್ರಮಿಸುತ್ತಿದ್ದಾರೆ. ಡೆತ್ ಓವರ್‌ನಲ್ಲಿ ಟೀಂ ಇಂಡಿಯಾದ ಪ್ರದರ್ಶನದ ರೋಚಕತೆಯನ್ನೇ ಗುನುಗುತ್ತಾ, ಜಾಲತಾಣಗಳಲ್ಲೂ ನೆಚ್ಚಿನ ಕ್ರಿಕೆಟಿಗರ ಫೋಟೋಗಳನ್ನು ಹಂಚಿಕೊಳ್ಳುತ್ತಿದ್ದಾರೆ. ಮತ್ತೊಂದೆಡೆ ಟ್ರೋಲಿಗರು ತಮ್ಮ-ತಮ್ಮ ಟ್ರೋಲ್ ಪೇಜ್‌ಗಳಲ್ಲಿ ಕ್ಯಾಪ್ಷನ್‌ಗಳನ್ನು ಹಾಸ್ಯಾಸ್ಪದ ಹೇಳಿಕೆಗಳನ್ನು ದಾಖಲಿಸುವ ಮೂಲಕ ಟ್ರೋಲ್‌ಗೆ ಗುರಿ ಮಾಡುತ್ತಿದ್ದಾರೆ.

ಅಂತೆಯೇ ಆಗಾಗ್ಗೆ ಹಾಸ್ಯಾಸ್ಪದ ವೀಡಿಯೋಗಳನ್ನು ಹರಿಯಬಿಡುತ್ತಿದ್ದ ಮಾಜಿ ಕ್ರಿಕೆಟಿಗ ವಾಸಿಮ್ ಜಾಫರ್, ಟ್ವಿಟ್ಟರ್‌ನಲ್ಲಿ ವೀಡಿಯೋವೊಂದನ್ನು ಪೋಸ್ಟ್ ಮಾಡುವ ಮೂಲಕ ಪಾಕಿಸ್ತಾನ ತಂಡದ ಕಾಲೆಳೆದಿದ್ದಾರೆ. ಭಾರತದ ಎದುರು ಪಾಕಿಸ್ತಾನ ನೀಡಿದ ಪ್ರದರ್ಶನದ ಬಗ್ಗೆ ಹಾಸ್ಯ ತರಿಸುವ ಈ ವೀಡಿಯೋ ಈಗ ಭಾರೀ ಸದ್ದು ಮಾಡುತ್ತಿದೆ.

ಜೊತೆಗೆ ಜಾಫರ್ `ಇದು ಟೀಂ ಇಂಡಿಯಾದ ಈ ವಿಶೇಷ ಗೆಲುವು, ಹಾರ್ದಿಕ್ ಪಾಂಡ್ಯ ಆಲ್‌ರೌಂಡರ್ ಆಟ, ಭುವನೇಶ್ವರ್ ಬೌಲಿಂಗ್ ಹಾಗೂ ಜಡೇಜಾ ಬ್ಯಾಟಿಂಗ್ ಎಲ್ಲವೂ ಅದ್ಭುತವಾಗಿದೆ. ಈ ಪಂದ್ಯದಲ್ಲಿ ಪಾಕಿಸ್ತಾನ ನೀಡಿದ ಪ್ರದರ್ಶನ ಹೇಗಿತ್ತು ಎಂಬುದರ ವೀಡಿಯೋ ಪ್ರತಿ ತುಣುಕು’ ಇಲ್ಲಿದೆ ಎಂದು ಬರೆದುಕೊಂಡಿದ್ದಾರೆ.

ಏಷ್ಯಾಕಪ್ ಟೂರ್ನಿಯಲ್ಲಿ ಇತ್ತೀಚೆಗೆ ನಡೆದ ಇಂಡೋ-ಪಾಕ್ ಮ್ಯಾಚ್‌ನಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಪಾಕಿಸ್ತಾನ 19.5 ಓವರ್‌ಗಳಲ್ಲಿ ತನ್ನೆಲ್ಲಾ ವಿಕೆಟ್‌ಗಳನ್ನು ಕಳೆದುಕೊಂಡು 147 ರನ್‌ಗಳನ್ನು ಗಳಿಸಿತ್ತು. ಅಲ್ಪ ಮೊತ್ತದ ಗುರಿ ಬೆನ್ನತ್ತಿದ ಭಾರತ 19.4 ಓವರ್‌ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 148 ರನ್‌ಗಳಿಸಿ ಗೆಲುವು ಸಾಧಿಸಿತು.

Live Tv
[brid partner=56869869 player=32851 video=960834 autoplay=true]