ಬೆಂಗಳೂರು: ಶಿಕ್ಷಣ ಇಲಾಖೆ ಮೇಲೆ ಮಹಾಮಾರಿ ಕೊರೊನಾ ಬಿಗ್ ಎಫೆಕ್ಟ್ ನೀಡಿದೆ. ಕೊರೊನಾದಿಂದಾಗಿ ಸಾವಿರಾರು ಮಕ್ಕಳು ಶಾಲೆ ಬಿಟ್ಟಿದ್ದಾರೆ. 34,411 ವಿದ್ಯಾರ್ಥಿಗಳು ಶಾಲೆಯಿಂದ ದೂರ ಉಳಿದಿದ್ದು, ಕೂಲಿ ಕೆಲಸ, ಬಾಲ್ಯ ವಿವಾಹ, ಗುಳೆ ಹೋಗಿದ್ದಾರೆ ಎಂಬ ಮಾಹಿತಿ ಪಬ್ಲಿಕ್ ಟಿವಿಗೆ ಲಭ್ಯವಾಗಿದೆ.
ಬೆಂಗಳೂರಿನಲ್ಲಿಯೇ ಅತಿ ಹೆಚ್ಚು ಮಕ್ಕಳು ಶಾಲೆಯಿಂದ ದೂರ ಉಳಿದಿದ್ದಾರೆ. ಬೆಂಗಳೂರು ಉತ್ತರ, ದಕ್ಷಿಣ, ಬಿಬಿಎಂಪಿ ವ್ಯಾಪ್ತಿಯಲ್ಲಿ ಹೆಚ್ಚು ಮಕ್ಕಳು ಶಾಲೆಗೆ ಬರುತ್ತಿಲ್ಲ. ಬೆಂಗಳೂರು ವ್ಯಾಪ್ತಿಯಲ್ಲಿ 7135 ವಿದ್ಯಾರ್ಥಿಗಳು ಶಾಲೆಯಿಂದ ಹೊರಗೆ ಇದ್ದು, 6-14 ವರ್ಷದ 2,529 ವಿದ್ಯಾರ್ಥಿಗಳು ಶಾಲೆಯಿಂದ ಡ್ರಾಪ್ ಔಟ್ ಅಗಿದ್ದಾರೆ. 14-16 ವರ್ಷದ 4,606 ವಿದ್ಯಾರ್ಥಿಗಳು ಶಾಲೆಗೆ ಬರುತ್ತಿಲ್ಲ. 7135 ವಿದ್ಯಾರ್ಥಿಗಳ ಪೈಕಿ 615 ವಿದ್ಯಾರ್ಥಿಗಳು ಮಾತ್ರ ಮತ್ತೆ ಸ್ಕೂಲ್‍ಗೆ ವಾಪಸ್ ಆಗುತ್ತಿದ್ದಾರೆ. ಉಳಿದ ಮಕ್ಕಳನ್ನ ಶಾಲೆಗೆ ಕರೆ ತರುವಲ್ಲಿ ಶಿಕ್ಷಣ ಇಲಾಖೆ ವಿಫಲವಾಗಿದೆ. ಇದನ್ನೂ ಓದಿ: ನಿಲ್ದಾಣವಿದ್ದರೂ ಸ್ಟಾಪ್ ಕೊಡಲ್ಲ: ಕೆಎಸ್‌ಆರ್‌ಟಿಸಿ ವಿರುದ್ಧ ಕಾಲೇಜು ವಿದ್ಯಾರ್ಥಿಗಳ ಆಕ್ರೋಶ
ಅತಿ ಹೆಚ್ಚು ಶಾಲೆ ಬಿಟ್ಟ ಮಕ್ಕಳು:
ಬೆಂಗಳೂರು – 7,135
ಕಲಬುರಗಿ – 2,129
ಬೀದರ್ – 2,609
ಯಾದಗಿರಿ – 1,608
ಚಿತ್ರದುರ್ಗ – 1,587
ಧಾರವಾಡ – 1,463
ರಾಯಚೂರು – 1,966
ವಿಜಯಪುರ – 1,152
ಶಿವಮೊಗ್ಗ – 1,046
ಕೊಪ್ಪಳ – 1,159
ಬಳ್ಳಾರಿ – 1,279
ಬೆಳಗಾವಿ – 1,265
Leave a Reply