ಬೆಂಗಳೂರು: ನವರಸ ನಾಯಕ ಜಗ್ಗೇಶ್ ತಮ್ಮ ಮಗನ ಹುಟ್ಟುಹಬ್ಬಕ್ಕೆ ವಿಶೇಷವಾಗಿ ಶುಭಾಶಯವನ್ನು ಕೋರಿದ್ದಾರೆ. ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಜಗ್ಗೇಶ್ ಅವರು ತಮ್ಮ ಮಗ ಗುರುರಾಜ್ ಫೋಟೋವನ್ನು ಹಂಚಿಕೊಂಡು ಆ ಕುರಿತಾಗಿ ಬರೆದುಕೊಂಡಿದ್ದಾರೆ.
View this post on Instagram
ಪೋಸ್ಟ್ ನಲ್ಲಿ ಏನಿದೆ?: 1987 ನಾನು ಅಪ್ಪನಾದ ದಿನ. ಕೈಯಲ್ಲಿ ಬಿಡಿಗಾಸಿಲ್ಲ. ಕಾಡಿಬೇಡಿದರೂ ಕೆಲಸವಿಲ್ಲ. ಅಪ್ಪನ ಮುಂದೆ ಸೋತೆ ಎಂದು ನಿಲ್ಲಲು ಸ್ವಾಭಿಮಾನ ಅಡ್ಡಬಂತು. ಹಣ ಇಲ್ಲದವ ಹೆಣಕ್ಕೆ ಸಮವೆಂದು ಅಂದು ನಾನು ಅರಿತ ಜಗದ ಪಾಠವಾಗಿದೆ. ಆಗ ನಾನು ಗುರುರಾಯರ ಮುಂದೆ ಮಂತ್ರಾಲಯದಲ್ಲಿ ನಿಂತಿದ್ದೆ ಎಂದು ಬರೆದುಕೊಂಡಿದ್ದಾರೆ.
ನನ್ನವರಾರು ನನಗಿಲ್ಲ, ನೀನಲ್ಲದೆ ಬೇರೆ ಗತಿಯಿಲ್ಲ, ನನ್ನಲಿ ಏಕೆ ಕೃಪೆಯಿಲ್ಲ, ಗುರುರಾಯನೆ ನೀನೆ ನನಗೆಲ್ಲ ಎಂದು ಬೇಡಿಕೊಂಡಿದ್ದೆ. ನಂತರ ನನ್ನ ಬದುಕಲ್ಲಿ ನಡೆದುದ್ದೆಲ್ಲವೂ ರಾಯರ ವಿಸ್ಮಯವಾಗಿದೆ. ಈ ವಿಷಯವನ್ನು ಹೇಳಲು ಕಾರಣ 87ರಲ್ಲಿ ಹುಟ್ಟಿದ ಮಗ ಗುರುರಾಜನಿಗೆ ಇಂದು 35ನೇ ಹುಟ್ಟುಹಬ್ಬದ ಸಂಭ್ರಮ. ಅಂದು ನನ್ನ ಕಷ್ಟಕಾಲದಲ್ಲಿ ಹುಟ್ಟಿದ ಮಗ ಗುರುರಾಜನಿಗೆ ಇಂದು ನನ್ನ ಮುದ್ದಿನ ಮೊಮ್ಮಗ ಅರ್ಜುನನಿಗೆ ಅಪ್ಪನಾಗಿದ್ದಾನೆ. ಹುಟ್ಟುಹಬ್ಬದ ಶುಭಾಶಯ ಮಗನೆ ಎಂದು ಬರೆದುಕೊಂಡು ಬಾಲ್ಯದಿಂದ ಇಲ್ಲಿಯವರೆಗೂ ಜೊತೆಯಾಗಿ ತೆಗೆಸಿಕೊಂಡಿರುವ ಫೋಟೋವನ್ನು ಹಂಚಿಕೊಂಡಿದ್ದಾರೆ. ಇದನ್ನೂ ಓದಿ: ಕತ್ರಿನಾ ಕೈಫ್ ವಜ್ರ ಖಚಿತ ಮಾಂಗಲ್ಯ ಸರದ ಬೆಲೆ ಎಷ್ಟು ಗೊತ್ತಾ?
ಜಗ್ಗೇಶ್ ಅವರು ತಮ್ಮ ಮಗನಿಗೆ ವಿಭಿನ್ನವಾಗಿ ಶುಭ ಕೋರಿರುವುದರ ಜೊತೆಗೆ ಭಾವನಾತ್ಮಕವಾದ ಆ ಸಾಲುಗಳಿಗೆ ನೆಟ್ಟಿಗರು ಮೆಚ್ಚುಗೆ ಸೂಚಿಸಿ ಕಾಮೆಂಟ್ ಮಾಡುತ್ತಿದ್ದಾರೆ. ಚಿತ್ರರಂಗದಲ್ಲಿ ಏನೇ ಆಗು-ಹೋಗುಗಳಿದ್ದರೂ ನಟ ಜಗ್ಗೇಶ್ ಧ್ವನಿ ಎತ್ತುತ್ತಾರೆ. ಜಗ್ಗೇಶ್ ಅವರ ಸಿನಿಮಾಗಳ ಮೂಲಕ ಮಾತ್ರವಲ್ಲ, ಸಾಮಾಜಿಕ ಜಾಲತಾಣದ ಮೂಲಕ ಜನರ ಜೊತೆಗೆ ಸದಾ ಕನೆಕ್ಟ್ ಆಗಿ ಇರುತ್ತಾರೆ. ತಮ್ಮ ಬದುಕಿನ ಹಲವು ವಿಚಾರಗಳನ್ನು ಆಗಾಗ ರಿವೀಲ್ ಮಾಡುತ್ತಾ ಇರುತ್ತಾರೆ. ಇತ್ತೀಚೆಗೆ ಪ್ರೀಮಿಯಂ ಪದ್ಮಿನಿ, ಕಾಳಿದಾಸ ಕನ್ನಡ ಮೇಸ್ಟ್ರು ಹೀಗೆ ಅನೇಕ ಸಿನಿಮಾದಲ್ಲಿ ನಟಿಸಿದ್ದಾರೆ. ಸದ್ಯ ರಂಗನಾಯಕಿ ಚಿತ್ರಿಕರಣದಲ್ಲಿ ಜಗ್ಗೇಶ್ ಬ್ಯುಸಿಯಾಗಿದ್ದಾರೆ. ಇದನ್ನೂ ಓದಿ: ಕರುನಾಡ ರತ್ನ ಅಪ್ಪು ದನಿಯಾಗಿದ್ದ ‘ಹರೀಶ ವಯಸ್ಸು 36’ ಚಿತ್ರದ ಹಾಡಿಗೆ ಸಿನಿರಸಿಕರ ಮೆಚ್ಚುಗೆ..!
Leave a Reply