ಮುಂಬೈ: 15ನೇ ಆವೃತ್ತಿ ಐಪಿಎಲ್ಗೆ ಈಗಾಗಲೇ ಎರಡು ತಂಡಗಳು ಸೇರ್ಪಡೆಗೊಂಡು ತಂಡಗಳ ಸಂಖ್ಯೆ 10ಕ್ಕೆ ಏರಿಕೆ ಕಂಡಿದೆ. ಆದರೆ ಇದೀಗ ಹೊಸದಾಗಿ ಸೇರ್ಪಡೆಗೊಂಡ ಅಹಮದಾಬಾದ್ ತಂಡ 2022ರ ಐಪಿಎಲ್‍ನಿಂದ ಹೊರಬೀಳುವ ಆತಂಕ ಎದುರಾಗಿದೆ.
ಮುಂದಿನ ಆವೃತ್ತಿ ಐಪಿಎಲ್‍ಗಾಗಿ ಈಗಾಗಲೇ ರಿಟೈನ್ ಪಟ್ಟಿ ಮತ್ತು ಆಟಗಾರರ ಮೆಗಾ ಹರಾಜಿಗೆ ಎಲ್ಲಾ ತಂಡಗಳು ಸಿದ್ಧತೆ ನಡೆಸುತ್ತಿದೆ. ಈ ನಡುವೆ ಬಿಸಿಸಿಐ ತಂಡಗಳ ಸಂಖ್ಯೆಯನ್ನು ಹೆಚ್ಚಿಸಿ ಇದೀಗ 10ಕ್ಕೆ ಏರಿಕೆ ಕಂಡಿದೆ. ಹೊಸದಾಗಿ ಲಕ್ನೋ ಮತ್ತು ಅಹಮದಾಬಾದ್ ತಂಡ ಸೇರ್ಪಡೆಗೊಂಡಿದೆ. ಆದರೆ ಇದೀಗ ಸಿವಿಸಿ ಕ್ಯಾಪಿಟಲ್‌ ಕ್ಯಾಪಿಟಲ್ಸ್ ಒಡೆತನದ ಅಹಮದಾಬಾದ್ ತಂಡಕ್ಕೆ ಕಂಟಕವೊಂದು ಎದುರಾಗಿದ್ದು, ಸಿವಿಸಿ ಕ್ಯಾಪಿಟಲ್ಸ್ ಕ್ರೀಡಾ ಬೆಟ್ಟಿಂಗ್ ಸಂಸ್ಥೆಗಳಲ್ಲಿ ಪಾಲು ಹೊಂದಿದ್ದು, ಇದು ಅಹಮದಾಬಾದ್ ತಂಡಕ್ಕೆ ಮುಳ್ಳಾಗಿದೆ. ಇದನ್ನೂ ಓದಿ: ಐಪಿಎಲ್ಗೆ ಅಹಮದಾಬಾದ್, ಲಕ್ನೋ ಎಂಟ್ರಿ
ಬೆಟ್ಟಿಂಗ್ ಸಂಸ್ಥೆಯೊಂದಿಗೆ ನೇರ ಸಂಪರ್ಕವಿರುವ ಸಿವಿಸಿ ಸಂಸ್ಥೆ ವಿರುದ್ಧ ಇದೀಗ ಎಲ್ಲೆಡೆ ಆಕ್ರೋಶ ಕೇಳಿಬರುತ್ತಿದೆ. ಈ ನಡುವೆ ಬಿಸಿಸಿಐ ಸಿವಿಸಿ ಮಾಲೀಕತ್ವದ ತಂಡವನ್ನು ಐಪಿಎಲ್‍ನಲ್ಲಿ ಆಡಿಸಲು ಒಪ್ಪಿಕೊಳ್ಳಲಿದೆಯೇ ಇಲ್ಲವೇ ಎಂಬ ಪ್ರಶ್ನೆ ಎದ್ದಿದೆ. ಮುಂದಿನ ದಿನಗಳಲ್ಲಿ ಈ ಬಗ್ಗೆ ಸ್ಪಷ್ಟ ನಿರ್ಧಾರ ಹೊರಬೀಳುವ ಸಾಧ್ಯತೆ ಇದೆ. ಇದನ್ನೂ ಓದಿ: ನ್ಯೂಜಿಲೆಂಡ್‍ಗೆ 284 ರನ್ ಟಾರ್ಗೆಟ್ ನೀಡಿದ ಭಾರತ – ರೋಚಕ ಘಟ್ಟ ತಲುಪಿದ ಮೊದಲ ಟೆಸ್ಟ್
Leave a Reply