ಒಂಟಿಮನೆಯಲ್ಲಿ ಶುರುವಾಯ್ತು ವೈಷ್ಣವಿ, ರಘು ಕುಚುಕುಚು

ಬಿಗ್ ಬಾಸ್ ಮನೆಯಲ್ಲಿ ಅರವಿಂದ್, ದಿವ್ಯಾ ಉರುಡುಗ ಕುರಿತಾಗಿ ದೊಡ್ಡ ಚರ್ಚೆ ನಡೆಯುತ್ತಿದೆ. ಅವರ ರೀತಿ ನಾವು ಕುಚುಕುಚು ಮಾಡೋಣ ಅಂತ ರಘು ಗೌಡ ಅವರು ವೈಷ್ಣವಿಗೆ ಹೇಳಿದ್ದಾರೆ.

ಬಿಗ್ ಬಾಸ್ ಮನೆಯಲ್ಲಿ ಪ್ರತಿದಿನ ಒಂದಲ್ಲ ಒಂದು ಟಾಸ್ಕ್ ನೀಡಲಾಗುತ್ತದೆ. ಅಂತೆಯೇ ಹಾಸ್ಟೆಲ್ ಜೀವನಕ್ಕೆ ಸಂಬಂಧಪಟ್ಟಂತೆ ಟಾಸ್ಕ್ ನೀಡಲಾಗಿತ್ತು. ಹುಡುಗರ ಹಾಸ್ಟೆಲ್, ಹುಡುಗಿಯರ ಹಾಸ್ಟೆಲ್ ಎಂದು ವಿಭಾಗಿಸಿ ಅದಕ್ಕೆ ವಾರ್ಡನ್ ಕೂಡ ಮಾಡಲಾಗಿತ್ತು. ಹಾಸ್ಟೆಲ್‍ನಲ್ಲಿ ನಡೆಯುವಂತೆ ಹುಡುಗರು, ಹುಡುಗಿಯರು ನಡೆದುಕೊಳ್ಳಬೇಕಾಗಿತ್ತು. ಆಗ ಕೆಪಿ ಅರವಿಂದ್, ದಿವ್ಯಾ ಇನ್ನಷ್ಟು ಹತ್ತಿರವಾಗಿದ್ದಾರೆ. ಇವರನ್ನು ನೋಡಿದ ರಘು ವೈಷ್ಣವಿಗೆ ನಾವು ಹಾಗೇ ಕುಚುಕುಚು ಮಾಡುವ ಎಂದು ಹೇಳಿದ್ದಾರೆ.

ದಿವ್ಯಾ , ಅರವಿಂದ್ ಪಕ್ಕಾ ಪ್ರೇಮಿಗಳು ಎಂಬಂತೆ ಮಾತನಾಡಿಕೊಂಡು ವರ್ತಿಸುತ್ತಿದ್ದಾರೆ. ಇದನ್ನು ರಘು ಗೌಡ ಹಾಗೂ ವೈಷ್ಣವಿ ನೋಡಿದ್ದಾರೆ. ಆಗ ನಾವು ಅದನ್ನೇ ಮಾಡೋಣ ಎಂದು ಹೇಳಿದ್ದಾರೆ. ಆಗ ವೈಷ್ಣವಿ ನಾವು ಹಾಗೇ ಮಾಡಲು ಸಾಧ್ಯವಿಲ್ಲ, ವಾರ್ಡನ್ ನೋಡಿದ್ರೆ ಬೈಯ್ತಾರೆ ಎಂದು ಹೇಳಿದ್ದಾರೆ. ಈ ವೇಳೆ ಕ್ಯಾಮೆರಾ ಇದೆ ಅಂತಾನಾ? ಎಂದು ಹೇಳಿದ್ದಾರೆ. ಈ ವೇಳೆ ವೈಷ್ಣವಿ ಜೋರಾಗಿ ನಕ್ಕಿದ್ದಾರೆ.

ನಿಮ್ಮದು ಯಾವ ಊರು, ಇವತ್ತು ಯಾಕೆ ನನ್ನ ಜೊತೆ ಮಾತನಾಡ್ತಿದ್ದೀರಾ? ಎಂದು ವೈಷ್ಣವಿ ಅವರಿಗೆ ರಘು ಹೇಳಿದ್ದಾರೆ. ಈ ವೇಳೆ ವೈಷ್ಣವಿ ನಗುತ್ತಲೇ ಮಾತನಾಡಿದ್ದಾರೆ. ಬಿಗ್‍ಬಾಸ್ ನೀಡಿರುವ ಟಾಸ್ಕ್ ಮಾತ್ರ ಸಖತ್ ಮಜಾವನ್ನು ಕೊಟ್ಟಿದ್ದಂತೂ ಹೌದು. ಸ್ಪರ್ಧಿಗಳು ತಮ್ಮ ಪಾತ್ರಗಳನ್ನು ನಿರ್ವಹಿಸುತ್ತಾ ಮಜಾವನ್ನು ಕೊಡುತ್ತಿದ್ದಾರೆ.