ಮಾವ, ಅಳಿಯನ ಕಿತ್ತಾಟಕ್ಕೆ ರಣರಂಗವಾಯ್ತು ಬಿಗ್‍ಬಾಸ್ ಮನೆ

ಬಿಗ್‍ಬಾಸ್ ಮನೆ ದಿನದಿಂದದಿನಕ್ಕೆ ರೋಚಕತೆಯನ್ನು ಪಡೆದುಕೊಳ್ಳುತ್ತಿದೆ. ಇಂದು ಖಾಸಗಿ ವಾಹಿನಿ ತನ್ನ ಇನ್‍ಸ್ಟ್ರಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿರುವ ಪ್ರೋಮೋದಲ್ಲಿ ಮಾವ, ಅಳಿಯನ ಮಧ್ಯೆ ಹೊಡೆದಾಡಿಕೊಳ್ಳುವ ರೀತಿಯಲ್ಲಿ ಜಗಳವಾಗಿದೆ.

ಹೌದು ಮೊದಲ ದಿನದಿಂದಲು ಮಾವ, ಅಳಿಯ ಎಂದು ಪ್ರಸಿದ್ಧರಾಗಿರುವ ಪ್ರಶಾಂತ್ ಸಂಬರ್ಗಿ ಮತ್ತು ಮಂಜುಪಾವಗಡ ಇಬ್ಬರು ಮಾತಿಗೆ ಮಾತು ಆಡಿಕೊಂಡಿದ್ದಾರೆ. ವೈಯಕ್ತಿಕ ವಿಚಾರಗಳನ್ನು ಎಳೆದುಕೊಂಡು ಸ್ಪರ್ಧಿಗಳು ಅಸಭ್ಯವಾಗಿ ಮಾತನಾಡಿಕೊಂಡಿದ್ದಾರೆ. ಈ ಪ್ರೋಮೋವನ್ನು ನೋಡಿದ ಅಭಿಮಾನಿಗಳು ಇಂದಿನ ಎಪಿಸೋಡ್‍ಗಾಗಿ ಕಾಯುತ್ತಾ ಕುಳಿತಿರುವುದಂತೂ ಸತ್ಯವಾಗಿದೆ.

ಸ್ವಿಮ್ಮಿಂಗ್ ಪುಲ್‍ನಲ್ಲಿ ಪ್ರಶಾಂತ್ ಸಂಬರ್ಗಿ, ಚಕ್ರವರ್ತಿ ಚಂದ್ರಚೂಡ ಹಾಡು ಹೇಳುತ್ತಿದ್ದರು. ಈ ವೇಳೆ ಅಲ್ಲಿಯೇ ಇದ್ದ ದಿವ್ಯಾ ಸುರೇಶ್ ಸ್ವಲ್ಪ ಸೌಂಡ್ ಕಡಿಮೆ ಮಾಡಿ ಎಂದು ಹೇಳಿದ್ದಾರೆ. ಈ ವೇಳೆ ಪ್ರಶಾಂತ್ ಸಂಬರ್ಗಿ ನಮಗೇನು ಹೇಳುತ್ತಿಯಾ ನಿನ್ನ ಡೌಗೆ ಹೇಳು ಎಂದು ಮಂಜುಗೆ ಹೇಳಿದ್ದಾರೆ. ಈ ವೇಳೆ ಸಿಟ್ಟೆಗೆದ್ದ ದಿವ್ಯಾ ನಿಮಗೆ ಅದನ್ನೆಲ್ಲಾ ಮಾತನಾಡುವ ಯಾವ ಹಕ್ಕು ಇಲ್ಲ ಎಂದು ಹೇಳಿದ್ದಾರೆ.

ಈ ವೇಳೆ ಅಲ್ಲಿಗೆ ಬಂದ ಮಂಜು ಮಾವ ನನಗೆ ನೇರವಾಗಿ ಹೇಳು ಯಾಕೆ ಹೀಗೆ ಮಾತನಾಡುತ್ತೀಯಾ ಎಂದು ಹೇಳಿದ್ದಾರೆ. ನನಗೆ ಮಾವ ಅನ್ನಬೇಡಾ ಎಂದು ಸಂಬರ್ಗಿ ಹೇಳಿದ್ದಾರೆ. ಈ ವೇಳೆ ಮಂಜು ಮತ್ತು ಸಂಬರ್ಗಿ ಮಧ್ಯೆ ಜೋರಾದ ಜಗಳವಾಗಿದೆ. ಇಂದು ಪ್ರಸಾರವಾಗಲಿರುವ ಈ ಎಪಿಸೋಡ್‍ನಲ್ಲಿ ನೋಡಬಹುದಾಗಿದೆ.