ಥ್ಯಾಂಕ್ ಯು ಹೇಳಿದ ಯಥರ್ವ್ – ವೀಡಿಯೋ ಹಂಚಿಕೊಂಡ ರಾಧಿಕಾ

ಬೆಂಗಳೂರು: ಸ್ಯಾಂಡಲ್‍ವುಡ್ ರಾಕಿಂಗ್ ಜೋಡಿ ಯಶ್ ಮತ್ತು ರಾಧಿಕಾ ಪಂಡಿತ್ ಮಕ್ಕಳ ವೀಡಿಯೋಗಳು ಸೋಶಿಯಲ್ ಮೀಡಿಯಾದಲ್ಲಿ ಅಗಾಗ ಸದ್ದು ಮಾಡುತ್ತಿರುತ್ತವೆ. ಇಂದು ಮುದ್ದು ಮಗನ ವೀಡಿಯೋ ಹಂಚಿಕೊಂಡಿರುವ ರಾಧಿಕಾ ಪಂಡಿತ್, ಒಬ್ಬರಿಂದ ಸಹಾಯ ಅಥವಾ ವಸ್ತುಗಳನ್ನ ಪಡೆದಾಗ ಪ್ರತಿಯಾಗಿ ಏನು ಹೇಳಬೇಕು ಅನ್ನೋದರ ಪಾಠ ಹೇಳಿದ್ದಾರೆ.

ಅಮ್ಮನಿಂದ ಪಾಠ ಕಲಿತಿರುವ ಯಥರ್ವ್ ಮುದ್ದು ಮುದ್ದಾಗಿ ಥ್ಯಾಂಕ್ ಯು ಹೇಳಿರೋದನ್ನ ವೀಡಿಯೋದಲ್ಲಿ ಕಾಣಬಹುದಾಗಿದೆ. ಮೊದಲಿಗೆ ಮಗನಿಗೆ ಊಟ ನೀಡುವ ಅಮ್ಮ, ಕನ್ನಡದಲ್ಲಿ ಪ್ರತಿಯಾಗಿ ಏನು ಹೇಳ್ಬೇಕು ಅಂದಾಗ, ಯಥರ್ವ್ ಥ್ಯಾಂಕ್ ಯೂ ಅಂತ ಹೇಳ್ತಾನೆ. ಇನ್ನು ಬೊಂಬೆ ನೀಡಿದಾಗ ಇಂಗ್ಲಿಷ್ ನಲ್ಲಿ ಏನು ಹೇಳಬೇಕೆಂದಾಗ ಸಹ ಥ್ಯಾಂಕೂ ಅಂತ ಹೇಳ್ತಾನೆ. ಅದೇ ರೀತಿಯಲ್ಲಿ ಕೊಂಕಣಿಯಲ್ಲಿ ಕೇಳಿದಾಗಲೂ ಯಥರ್ವ್ ಥ್ಯಾಂಕೂ ಹೇಳಿದ್ದಾನೆ.

ಫೇಸ್‍ಬುಕ್ ನಲ್ಲಿ ವೀಡಿಯೋ ಶೇರ್ ಮಾಡಿಕೊಂಡಿರುವ ರಾಧಿಕಾ ಪಂಡಿತ್, ಈ ಎರಡು ಪದಗಳನ್ನ ಯಾವಾಗಲೂ ಅಂಡರ್ ಎಸ್ಟಿಮೇಟ್ ಮಾಡಬೇಡಿ. ಈ ಎರಡು ಪುಟ್ಟ ಪದಗಳು ಮ್ಯಾಜಿಕ್ ಕ್ರಿಯೇಟ್ ಮಾಡುತ್ತೇವೆ ಎಂದು ಬರೆದು ಹಾರ್ಟ್ ಎಮೋಜಿ ಹಾಕಿಕೊಂಡಿದ್ದಾರೆ.

ಕೆಲ ದಿನಗಳ ಹಿಂದೆ ಯಶ್ ಪುತ್ರ ಯಥರ್ವ್ ನ ಜೊತೆ ಆಟ ಆಡುತ್ತಿರುವ ವೀಡಿಯೋ ಹಂಚಿಕೊಂಡಿದ್ದರು. ಯಥರ್ವ್ ತನ್ನ ತೊದಲು ಮಾತುಗಳಿಂದ ಅಪಾಪೀನ್ ಎಂದು ಹೇಳುತ್ತಾನೆ. ನಂತರ ಅದೇನು ಅಂತ ಕೈಯಲ್ಲಿ ಸನ್ನೆ ಮಾಡಿ ಹೇಳಿದ್ದ. ಯಥರ್ವ್ ಹೇಳುವ ಅಪಾಪೀನ್ ಅಂದ್ರೆ ಏರೋಪ್ಲೇನ್ ಅಂತ ಯಶ್ ಹೇಳಿದ್ದರು. ಇದೀಗ ಐರಾ ಮತ್ತು ಯಥರ್ವ್ ಥ್ಯಾಂಕ್ ಯೂ ಹೇಳಿರುವ ವೀಡಿಯೋ ವೈರಲ್ ಆಗ್ತಿದೆ.