ನೀವು ನನಗೆ ಚುಚ್ಚಿರುವ ಅನುಭವವೇ ಆಗಿಲ್ಲ – ಲಸಿಕೆ ಪಡೆದ ನಂತರ ನರ್ಸ್ ಜೊತೆ ಮೋದಿ ಮಾತು

ನವದೆಹಲಿ: ಇಂದಿನಿಂದ ದೇಶಾದ್ಯಂತ ಜನ ಸಾಮಾನ್ಯರಿಗೆ ಕೊರೊನಾ ಲಸಿಕೆ ನೀಡಲಾಗುತ್ತಿದ್ದು, ಪ್ರಧಾನಿ ನರೇಂದ್ರ ಮೋದಿ ಇಂದು ಬೆಳಗ್ಗೆ ದೆಹಲಿಯ ಏಮ್ಸ್ ಆಸ್ಪತ್ರೆಗೆ ತೆರಳಿ ಲಸಿಕೆ ಪಡೆದುಕೊಂಡಿದ್ದಾರೆ.

ಕೇರಳ ಮತ್ತು ಪುದುಚೇರಿಯ ದಾದಿಯರಾದ ರೋಸಮ್ಮ ಅನಿಲ್ ಮತ್ತು ಪಿ ನಿವೇದಾ ಮೋದಿಯವರಿಗೆ ಲಸಿಕೆಯನ್ನು ಹಾಕಿದ್ದಾರೆ. ಈ ವೇಳೆ ಮೋದಿಯವರು ಇಬ್ಬರ ಜೊತೆಯಲ್ಲಿ ಮಾತನಾಡಿದ್ದಾರೆ.

Inspired and humbled by Hon’ble PM’s remarkable commitment to build an Aatmanirbhar Bharat.
Yes, we all shall fight #COVID-19 together and emerge victorious.@DrKrishnaElla @SuchitraElla @TelanganaCMO @KTRTRS @HydLifeSciences @Eatala_Rajender @MinisterKTR https://t.co/eOjaQQpqYm

— BharatBiotech (@BharatBiotech) March 1, 2021

ನೀವು ನನಗೆ ಚುಚ್ಚಿರುವ ಅನುಭವವೇ ಆಗಿಲ್ಲ (ಲಗಾ ಭಿಯಾ ಔರ್ ಪಥಾ ಬಿ ನಹೀನ್ ಚಲಾ) ಎಂದು ಹೇಳಿದ್ದಾರೆ. ನನಗೆ ಮೋದಿ ಅವರನ್ನು ನೋಡಿ ತುಂಬಾ ಸಂತೋಷವಾಯಿತ್ತು. ಮೋದಿ ಅವರು ಬರುತ್ತಾರೆ ಲಸಿಕೆಯನ್ನು ತೆಗೆದುಕೊಳ್ಳಲು ಎಂದು ಮೊದಲೇ ತಿಳಿದಿತ್ತು. ಲಸಿಕೆ ಕೊಡುವ ವೇಳೆ ನಮ್ಮೊಂದಿಗೆ ಮಾತನಾಡಿದ್ದಾರೆ. ಎಲ್ಲಿಂದ ಬಂದಿದ್ದೇವೆ ಎಂದು ಅವರು ಕೇಳಿದರು ಎಂದು ನರ್ಸ್ ಪಿ ನಿವೇದಿತಾ ಹೇಳಿದ್ದಾರೆ.

ಮೋದಿಯವರು ನಮ್ಮ ಜೊತೆಗೆ ಮಾತನಾಡಿದರು. ನಮಗೆ ತುಂಬಾ ಸಂತೋಷವಾಗಿದೆಎಂದು ನರ್ಸ್ ರೋಸಮ್ಮ ಅನೀಲ್ ಹೇಳಿದ್ದಾರೆ.

Took my first dose of the COVID-19 vaccine at AIIMS.

Remarkable how our doctors and scientists have worked in quick time to strengthen the global fight against COVID-19.

I appeal to all those who are eligible to take the vaccine. Together, let us make India COVID-19 free! pic.twitter.com/5z5cvAoMrv

— Narendra Modi (@narendramodi) March 1, 2021

ಮೋದಿಯವರು ಹೈದರಾಬಾದ್‍ನ ಭಾರತ್ ಬಯೋಟೆಕ್ ಕಂಪನಿಯ ಕೊವಾಕ್ಸಿನ್ ಲಸಿಕೆಯನ್ನು ಪಡೆದುಕೊಂಡಿದ್ದಾರೆ. ಲಸಿಕೆ ಪಡೆದ ಬಳಿಕ ಟ್ವೀಟ್ ಮಾಡಿದ ಅವರು, ಏಮ್ಸ್ ನಲ್ಲಿ ನನ್ನ ಮೊದಲ ಡೋಸ್ ಕೋವಿಡ್-19 ಲಸಿಕೆ ತೆಗೆದುಕೊಂಡೆ. ಕೋವಿಡ್-19 ವಿರುದ್ಧದ ಹೋರಾಟವನ್ನು ಬಲಪಡಿಸಲು ನಮ್ಮ ವೈದ್ಯರು ಮತ್ತು ವಿಜ್ಞಾನಿಗಳು ತ್ವರಿತ ಸಮಯದಲ್ಲಿ ಹೇಗೆ ಕೆಲಸ ಮಾಡಿದ್ದಾರೆ ಎಂಬುದು ಗಮನಾರ್ಹವಾಗಿದೆ. ಲಸಿಕೆ ತೆಗೆದುಕೊಳ್ಳುವಂತೆ ನಾನು ಎಲ್ಲರಿಗೂ ಮನವಿ ಮಾಡುತ್ತೇನೆ ಎಂದು ಪ್ರಧಾನಿ ಟ್ವೀಟ್ ನಲ್ಲಿ ಬರೆದುಕೊಂಡು ಲಸಿಕೆಯನ್ನು ಪಡೆಯುವಂತೆ ಮನವಿ ಮಾಡಿದ್ದಾರೆ.

ಇಂದಿನಿಂದ 60 ವರ್ಷಕ್ಕಿಂತ ಮೇಲ್ಪಟ್ಟ ವ್ಯಕ್ತಿಗಳಿಗೆ ಮತ್ತು 45 ವರ್ಷ ಮೇಲ್ಪಟ್ಟ 2ಕ್ಕಿಂತ ಹೆಚ್ಚು ರೋಗಗಳಿಂದ ಬಳಲುತ್ತಿರುವ ರೋಗಿಗಳಿಗೆ ಲಸಿಕೆ ಪಡೆಯಲು ಸರ್ಕಾರ ಅನುಮತಿ ನೀಡಿದೆ.