ಕ್ಯಾನ್ಸರ್ ರೋಗಿಗಳಿಗೆ ಕೂದಲು ದಾನ- 2ರ ಬಾಲಕನಿಂದ ಮಾನವೀಯತೆ ಕಾರ್ಯ

ಅಬುಧಾಬಿ: 2 ವರ್ಷದ ಬಾಲಕ ತನ್ನ ಕೇಶರಾಶಿಯನ್ನು ಕ್ಯಾನ್ಸರ್ ರೋಗಿಗಳಿಗೆ ದಾನ ಮಾಡಿ ಮಾನವೀಯತೆ ಮೆರೆದಿರುವ ಘಟನೆ ನಡೆದಿದೆ.

ತಕ್ಷ್ ಜೈನ್(2) ಕೂದಲು ದಾನ ಮಾಡಿದ ಬಾಲಕ. ಫ್ರೆಂಡ್ಸ್ ಆಫ್ ಕ್ಯಾನ್ಸ್‍ರ್ ಪೇಷೆಂಟ್ ಹೆಸರಿನ ಚ್ಯಾರಿಟಿ ಕೂದಲು ದಾನ ಮಾಡಿ ಎನ್ನುವ ಆಂದೋಲನವನ್ನು ಆರಂಭಿಸಿತ್ತು. ಈ ಆಂದೋಲನಕ್ಕೆ ಪುಟ್ಟ ಬಾಲಕ ತನ್ನ ಕೇಶವನ್ನು ದಾನ ಕೊಡುವ ಮೂಲಕವಾಗಿ ಬೆಂಬಲ ಸೂಚಿಸಿದ್ದಾನೆ.

ಭಾರತ ಮೂಲದ ತಕ್ಷ್ ಯುಎಇ ನಲ್ಲಿ ಕ್ಯಾನ್ಸರ್ ರೋಗಿಗಳಿಗೆ ಕೂದಲನ್ನು ದಾನ ಮಾಡಿ ಎಲ್ಲರ ಮೆಚ್ಚುಗೆಗೆ ಪಾತ್ರನಾಗುವ ಮೂಲಕ ಮಾದರಿಯಾಗಿದ್ದಾನೆ. ಕ್ಯಾನ್ಸರ್ ರೋಗಿಗಳಿಗೆ ಕೂದಲು ನೀಡಿದ ಸಣ್ಣ ವಯಸ್ಸಿನ ಬಾಲಕ ಎಂಬ ಹೆಗ್ಗಳಿಕೆಗೆ ಪಾತ್ರನಾಗಿದ್ದಾನೆ.

2019ರಲ್ಲಿ ತಕ್ಷ್ ಸಹೋದರಿ ಕ್ಯಾನ್ಸರ್ ರೋಗಿಗಳಿಗೆ ಕೂದಲು ದಾನ ಮಾಡಿದ್ದಳು. ಇದರಿಂದ ಸ್ಫೂರ್ತಿ ಪಡೆದ ತಕ್ಷ್ ನಾನು ಕೂದಲು ನೀಡುತ್ತೇನೆ ಎಂದು ಹೇಳುತ್ತಿದ್ದನು. ಸದ್ಯ ಬಾಲಕ ಕೂದಲು ದಾನ ಮಾಡಿದ್ದು, ಇದರಿಂದ ನಮಗೆ ಖುಷಿ ತಂದಿದೆ ಎಂದು ತಕ್ಷ್ ಪೋಷಕರು ಹೇಳಿದ್ದಾರೆ.