ಆಡುತ್ತಾ ನೀರು ತುಂಬಿದ ಗುಂಡಿಗೆ ಬಿದ್ದ ನಾಲ್ವರು ಗೆಳತಿಯರು

-ಇಬ್ಬರ ಸಾವು, ಇನ್ನಿಬ್ಬರ ರಕ್ಷಣೆ
-ಗ್ರಾಮದಲ್ಲಿ ಸೂತಕದ ಛಾಯೆ

ಪಾಟ್ನಾ: ಆಡುತ್ತಾ ನೀರು ತುಂಬಿದ ಗುಂಡಿಗೆ ಬಿದ್ದ ಇಬ್ಬರು ಬಾಲಕಿಯರು ಸಾವನ್ನಪ್ಪಿರುವ ಘಟನೆ ಬಿಹಾರದ ಖಗರಿಯಾದ ಗೋಗರಿ ಠಾಣಾ ವ್ಯಾಪ್ತಿಯ ಮುಶ್ಕಿಪುರನಲ್ಲಿ ನಡೆದಿದೆ. ಗುಂಡಿಗೆ ಬಿದ್ದಿದ್ದ ನಾಲ್ವರು ಬಾಲಕಿಯರ ಪೈಕಿ ಇಬ್ಬರು ಬದುಕುಳಿದಿದ್ದಾರೆ.

13 ವರ್ಷದ ಕಾಶಿಯಾ ಮತ್ತು ನರ್ಗಿಸ್ ಮೃತ ಬಾಲಕಿ ಯರು. ನರ್ಗಿಸ್ ತನ್ನ ಮೂವರು ಗೆಳತಿಯರು ರಸ್ತೆ ಬದಿಯಲ್ಲಿ ನೀರು ನಿಂತಿದ್ದ ಪ್ರದೇಶದಲ್ಲಿ ಆಟ ಆಡುತ್ತಿದ್ದರು. ಈ ವೇಳೆ ನರ್ಗಿಸ್ ಕಾಲು ಜಾರಿ ಗುಂಡಿಗೆ ಬಿದ್ದಿದ್ದಾಳೆ. ನರ್ಗಿಸ್ ರಕ್ಷಣೆಗೆ ಇನ್ನುಳಿದ ಮೂವರು ಗೆಳತಿಯರು ಗುಂಡಿಗೆ ಧುಮುಕಿದ್ದಾರೆ.

ಬಾಲಕಿಯರು ಧ್ವನಿ ಕೇಳಿದ ಸ್ಥಳೀಯರು ಗುಂಡಿಗೆ ಧಮುಕಿ ಇಬ್ಬರನ್ನ ಹೊರ ತಂದಿದ್ದಾರೆ. ಆದ್ರೆ ಕಾಶಿಯಾ ಮತ್ತು ನರ್ಗಿಸ್ ನೀರಿನಲ್ಲಿ ಮುಳುಗಿದ್ದರು. ಕೊನೆಗೆ ಸ್ಥಳೀಯರು ಮೀನುಗಾರರ ಸಹಾಯದ ಮೂಲಕ ಶೋಧ ಕಾರ್ಯ ನಡೆಸಿ ಬಾಲಕಿಯರ ಮೃತದೇಹಗಳನ್ನು ಗುಂಡಿಯಿಂದ ಹೊರ ತೆಗೆಯಲಾಗಿದೆ.

ಗ್ರಾಮದಲ್ಲಿ ಸೂತಕ ಛಾಯೆ ಆವರಿಸಿದ್ದು, ಕುಟುಂಬಸ್ಥರ ಆಕ್ರಂದನ ಮುಗಿಲು ಮುಟ್ಟಿದೆ. ಗೊಗರಿ ಠಾಣೆಯ ಸಿಓ ರವೀಂದ್ರನಾಥ್ ಮೃತ ಬಾಲಕಿಯರ ಕುಟುಂಬಕ್ಕೆ ತಲಾ 4 ಲಕ್ಷ ರೂ. ಪರಿಹಾರ ನೀಡಲಾಗುವುದು ಎಂದು ಹೇಳಿದ್ದಾರೆ.