ಉಡುಪಿಯಲ್ಲಿ ಮುಂಗಾರು ತುಸು ಚುರುಕು- ಜಿಲ್ಲೆಯಲ್ಲಿ 27 ಮಿಲಿ ಮೀಟರ್ ಸರಾಸರಿ ಮಳೆ

ಉಡುಪಿ: ಜಿಲ್ಲೆಯಾದ್ಯಂತ ಇಂದು ಸಾಧಾರಣ ಮಳೆಯಾಗಿದೆ. ಜಿಲ್ಲೆಯಲ್ಲಿ ಸರಾಸರಿ 27 ಮಿಲಿ ಮೀಟರ್ ಮಳೆ ಬಿದ್ದಿದೆ. ಕರಾವಳಿ ಜಿಲ್ಲೆ ಉಡುಪಿಯಲ್ಲಿ ಕಳೆದ ಎರಡು ದಿನಗಳಿಂದ ಮುಂಗಾರು ಕೊಂಚ ಚುರುಕು ಪಡೆದಿದೆ.

ಸಮುದ್ರ ತೀರದ ತಾಲೂಕುಗಳಲ್ಲಿ ಕೊಂಚ ಹೆಚ್ಚು ಮಳೆ ಸುರಿದಿದೆ. ಉಡುಪಿ ತಾಲೂಕಿನಲ್ಲಿ 32 ಮಿಲಿಮೀಟರ್ ಮಳೆಯಾಗಿದೆ. ಕುಂದಾಪುರ ತಾಲ್ಲೂಕಿನಲ್ಲಿ 34 ಮಿಲಿ ಮೀಟರ್ ಮಳೆ ಬಿದ್ದಿದೆ. ಕಾರ್ಕಳ ತಾಲ್ಲೂಕಿನಲ್ಲಿ 14 ಮಿಲಿ ಮೀಟರ್ ಮಳೆ ಸುರಿಯುವ ಮೂಲಕ ಅತಿ ಕಡಿಮೆ ಮಳೆ ದಾಖಲಾಗಿದೆ. ಉಡುಪಿ ಜಿಲ್ಲೆಯಾದ್ಯಂತ ಇಂದು 27 ಮಿಲಿ ಮೀಟರ್ ಮಳೆ ಸರಾಸರಿ ದಾಖಲಾಗಿದೆ.

ಮೂರು ಮಳೆ ತಾಲೂಕಿನಲ್ಲಿ ಯಾವುದೇ ಅನಾಹುತಗಳಿಲ್ಲ ಎಂದು ಉಡುಪಿ ಜಿಲ್ಲಾ ಹವಾಮಾನ ಇಲಾಖೆ ಮಾಹಿತಿ ನೀಡಿದೆ. ಜಿಲ್ಲೆಯಾದ್ಯಂತ ಮೂರು ದಿನ ಎಲ್ಲೋ ಅಲರ್ಟ್ ಘೋಷಿಸಲಾಗಿದೆ. ಇಂದು ಕೂಡ ಎಲ್ಲೋ ಅಲರ್ಟ್ ಇದ್ದರೂ ಧಾರಾಕಾರ ಮಳೆ ಬಿದ್ದಿಲ್ಲ. ಎಲ್ಲೋ ಅಲರ್ಟ್ ಪ್ರಕಾರ ಸುಮಾರು 60 ರಿಂದ 70 ಮಿಲಿಮೀಟರ್ ನಷ್ಟು ಮಳೆಯಾಗಬೇಕು. ಜಿಲ್ಲೆಯಲ್ಲಿ ಕೋಡಿ ಗ್ರಾಮದಲ್ಲಿ 81 ಮಿಲಿ ಮೀಟರ್ ಮಳೆ ದಾಖಲಾಗಿದೆ.

ಬ್ರಹ್ಮಾವರ ತಾಲೂಕು ಸಾಸ್ತಾನದ ಕೃಷಿಕ ಮೈಕಲ್ ರೋಡ್ರಿಗಸ್ ಮಾತನಾಡಿ, ಈ ವರ್ಷ ಮಳೆ ಸಮ ಪ್ರಮಾಣದಲ್ಲಿ ಬರುತ್ತಿದೆ. ಬೇಸಾಯ ಮತ್ತು ಕೃಷಿಗೆ ಮುಂಗಾರು ಪೂರಕವಾಗಿದೆ. ಬಿತ್ತನೆ, ನಾಟಿ ಕಾರ್ಯ ನಡೆಯುತ್ತಿದ್ದು ಇದೇ ವಾತಾವರಣ ಮುಂದುವರಿದರೆ ಕೃಷಿ ಕೈ ಹಿಡಿಯಲಿದೆ ಎಂದರು.