ಗ್ಯಾರೇಜ್‍ಗೆ ಆಕಸ್ಮಿಕ ಬೆಂಕಿ- ಐದು ಬೈಕ್‍ಗಳು ಭಸ್ಮ

ರಾಯಚೂರು: ಆಕಸ್ಮಿಕವಾಗಿ ಬೆಂಕಿ ಹೊತ್ತಿಕೊಂಡು ಗ್ಯಾರೇಜ್ ನಲ್ಲಿದ್ದ ಐದು ಬೈಕ್ ಗಳು ಸುಟ್ಟು ಭಸ್ಮವಾಗಿರುವ ಘಟನೆ ರಾಯಚೂರಿನ ಎಲ್.ಬಿ.ಎಸ್ ನಗರದಲ್ಲಿ ನಡೆದಿದೆ.

ಶೇಕ್ ಮಿಯಾನ್ ಬಾಬು ಎಂಬವರಿಗೆ ಸೇರಿದ ಗ್ಯಾರೇಜ್ ನಲ್ಲಿ ಮಧ್ಯರಾತ್ರಿ ಎರಡು ಗಂಟೆಗೆ ಬೆಂಕಿ ಹೊತ್ತಿಕೊಂಡಿದ್ದು, ಬೈಕ್ ಗಳು ಭಸ್ಮವಾಗಿವೆ. ಗ್ಯಾರೇಜ್ ಪಕ್ಕದವರು ಮಾಲೀಕನಿಗೆ ಮಾಹಿತಿ ನೀಡಿದ್ದಾರೆ. ಆದ್ರೆ ಬೆಂಕಿ ನಂದಿಸಲು ಸಾಧ್ಯವಾಗಿಲ್ಲ.

ಗ್ಯಾರೇಜ್ ಒಳಗಿದ್ದ ಐದು ಬೈಕ್ ಗಳು, ವಿವಿಧ ಮೆಕಾನಿಕ್ ಸಾಮಾನುಗಳು ಸೇರಿ ಲಕ್ಷಾಂತರ ರೂಪಾಯಿ ವಸ್ತುಗಳು ಬೆಂಕಿಗಾಹುತಿಯಾಗಿವೆ. ಬಳಿಕ ಅಗ್ನಿ ಶಾಮಕದಳ ಸಿಬ್ಬಂದಿ ಬೆಂಕಿ ನಂದಿಸಿದ್ದು, ಅಕ್ಕ ಪಕ್ಕಕ್ಕೆ ಬೆಂಕಿ ಹಬ್ಬುವುದನ್ನ ತಡೆದಿದ್ದಾರೆ. ಈ ಸಂಬಂಧ ಮಾರ್ಕೆಟ್ ಯಾರ್ಡ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.