-ಅದೃಶ್ಯನಾದ್ರೆ ಧೋನಿ ಮನೆಗೆ ಹೋಗ್ತೀನಿ
ನವದೆಹಲಿ: ಕ್ರಿಕೆಟ್ ಟೀಂ ಇಂಡಿಯಾದ ಸ್ಪಿನ್ನರ್ ಆಟಗಾರ ಯುಜವೇಂದ್ರ ಚಹಲ್ ಲೈವ್ ನಲ್ಲಿಯೇ ನೀವು ಇನ್ನೂ ಸಿಂಗಲ್ ಅನ್ನೋ ಪ್ರಶ್ನೆ ಎದುರಾಗಿದೆ. ಪ್ರಶ್ನೆಗೆ ಜಾಣತನದಿಂದ ಉತ್ತರಿಸಿರೋ ಚಹಲ್, ನಾನು ರಾತ್ರಿ ಒಂದು ಗಂಟೆವರೆಗೂ ಪಬ್ ಜೀ ಆಡುತ್ತೇನೆ ಎಂದು ಹೇಳಿದ್ದಾರೆ.
ಲಾಕ್‍ಡೌನ್ ಹಿನ್ನೆಲೆಯಲ್ಲಿ ಎಲ್ಲ ಪಂದ್ಯಗಳು ಸ್ಥಗಿತಗೊಂಡಿವೆ. ಎಲ್ಲ ಆಟಗಾರರು ಮನೆಗಳಲ್ಲಿ ಕುಟುಂಬಸ್ಥರ ಜೊತೆ ಸಮಯ ಕಳೆಯುತ್ತಿದ್ದಾರೆ. ಕೆಲ ಕ್ರಿಕೆಟಿಗರು ಅಭಿಮಾನಿಗಳಿಗಾಗಿ ಸೋಶಿಯಲ್ ಮೀಡಿಯಾದಲ್ಲಿ ಲೈವ್ ಬರೋ ಮೂಲಕ ಹೊಸ ಹೊಸ ವಿಷಯಗಳನ್ನು ಹಂಚಿಕೊಳ್ಳುತ್ತಿದ್ದಾರೆ. ಲಾಕ್‍ಡೌನ್ ಆರಂಭಗೊಂಡ ದಿನದಿಂದಲೂ ಚಹಲ್ ಟಿಕ್‍ಟಾಕ್, ಇನ್‍ಸ್ಟಾಗ್ರಾಂನಲ್ಲಿ ಸಖತ್ ಆ್ಯಕ್ಟೀವ್ ಆಗಿದ್ದಾರೆ. ಟಿಕ್ ಟಾಕ್ ವಿಡಿಯೋಗಳ ಮೂಲಕ ತನ್ನ ಗೆಳೆಯರ ಕಾಲನ್ನು ಎಳೆಯುತ್ತಿದ್ದಾರೆ.
ಇನ್‍ಸ್ಟಾಗ್ರಾಂನಲ್ಲಿ ಗೆಳೆಯರ ಜೊತೆ ಚಹಲ್ ಲೈವ್ ಬಂದಿದ್ರು. ಚಹಲ್ ಆಪ್ತರಾಗಿರುವ ಗೆಳೆತಿಯರು ಲೈವ್ ನಲ್ಲಿ ಗೆಳೆಯನಿಗೆ ಫನ್ನಿ ಫನ್ನಿ ಪ್ರಶ್ನೆಗಳನ್ನ ಕೇಳುತ್ತಿದ್ದರು. ಈ ವೇಳೆ ಒಬ್ಬರು ನೀವು ಇನ್ನೂ ಸಿಂಗಲ್ ಆಗಿದ್ದೀರಾ ಎಂದು ಪ್ರಶ್ನೆ ಮಾಡಿದ್ರು. ಲೈವ್ ನಲ್ಲಿ ದಿಢೀರ್ ಅಂತಾ ಎದುರಾದ ಪ್ರಶ್ನೆಗೆ ನಗುತ್ತಾ ಉತ್ತರಿಸಿದ ಚಹಲ್, ಹೌದು ನಾನು ಸಿಂಗಲ್. ನಾನು ಇನ್ನೂ ರಾತ್ರಿ ಒಂದು ಗಂಟೆವರೆಗೂ ಪಬ್ ಜಿ ಆಡುತ್ತೇನೆ. ಎಂಗೇಜ್ ಆದವರು ಯಾರು ಅಷ್ಟೊತ್ತು ಪಬ್ ಜಿ ಆಡಲ್ಲ ಎಂದಿದ್ದಾರೆ.
ಒಂದು ವೇಳೆ ಅದೃಶ್ಯನಾದ್ರೆ ಏನ್ ಮಾಡ್ತೀರಿ ಪ್ರಶ್ನೆಗೆ ಉತ್ತರಿಸಿದ ಚಹಲ್, ಮಹೇಂದ್ರ ಸಿಂಗ್ ಧೋನಿಯವರ ಮನೆಗೆ ಹೋಗುತ್ತೇನೆ. ಲಾಕ್‍ಡೌನ್ ಸಮಯದಲ್ಲಿ ಧೋನಿ ಏನು ಮಾಡುತ್ತಿದ್ದಾರೆ ಎಂಬುದನ್ನು ತಿಳಿದುಕೊಂಡು ಬರುತ್ತೇನೆ ಎಂದು ಹೇಳಿದ್ದಾರೆ.
Leave a Reply