ರಕ್ಷಿತ್ ಶೆಟ್ಟಿ ಜೊತೆ ಬ್ರೇಕಪ್ ಗಾಸಿಪ್ – ರಶ್ಮಿಕಾ ಸ್ಪಷ್ಟನೆ!

ಬೆಂಗಳೂರು: ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ ಜೊತೆ ಬ್ರೇಕಪ್ ಗಾಸಿಪ್‍ಗೆ ಕಿರಿಕ್ ಬೆಡಗಿ ರಶ್ಮಿಕಾ ಮಂದಣ್ಣ ಸ್ಪಷ್ಟನೆ ನೀಡಿದ್ದಾರೆ.

ರಶ್ಮಿಕಾ ಅಭಿನಯದ ‘ಗೀತಾ ಗೋವಿಂದಂ’ ಚಿತ್ರ ಬಿಡುಗಡೆಯಾಗಿದೆ. ಈ ಚಿತ್ರದ ಯಶಸ್ಸಿನ ಖುಷಿಯಲ್ಲಿರುವ ರಶ್ಮಿಕಾ, ನಾನು ಹಾಗೂ ರಕ್ಷಿತ್ ಖುಷಿಯಾಗಿದ್ದೇವೆ. ನಮ್ಮಿಬ್ಬರ ನಡುವೆ ಯಾವ ಸಮಸ್ಯಯೂ ಇಲ್ಲ ಎಂದು ಬ್ರೇಕಪ್ ಸುದ್ದಿಗಳಿಗೆ ಸ್ಪಷ್ಟನೆ ನೀಡಿದ್ದಾರೆ.

ನಮ್ಮಿಬ್ಬರ ಬ್ರೇಕಪ್ ಆಗಿದೆ ಎಂಬ ಸುದ್ದಿಯನ್ನು ಕೇಳಿ ರಕ್ಷಿತ್ ಹಾಗೂ ನಾನು ನಗುವುದನ್ನು ನಿಲ್ಲಿಸಲಿಲ್ಲ. ನಾವಿಬ್ಬರು ಖುಷಿಯಾಗಿ ಉತ್ತಮ ಸಂಬಂಧವನ್ನು ಹೊಂದಿದ್ದೇವೆ. ಹಾಗಾಗಿ ಈ ಬ್ರೇಕಪ್ ಸುದ್ದಿಯನ್ನು ನಾವು ಗಂಭೀರವಾಗಿ ತೆಗೆದುಕೊಂಡಿಲ್ಲ ಎಂದು ರಶ್ಮಿಕಾ ತಿಳಿಸಿದ್ದಾರೆ.

ನನಗೆ ಹಾಗೂ ರಕ್ಷಿತ್ ಶೆಟ್ಟಿಗೆ ಒಟ್ಟಿಗೆ ಕಾಲ ಕಳೆಯಲು ಸಮಯವಿಲ್ಲ. ನಮ್ಮ ನಿಶ್ಚಿತಾರ್ಥದ ಮೊದಲು ನಾವು ಒಟ್ಟಿಗೆ ಓಡಾಡಲಿಲ್ಲ. ಅಲ್ಲದೇ ನಾವಿಬ್ಬರು ಡೇಟ್ ಕೂಡ ಮಾಡಲಿಲ್ಲ. ಈಗ ನಮ್ಮ ನಿಶ್ಚಿತಾರ್ಥ ಆದ ಕಾರಣ ನಾವು ಒಟ್ಟಿಗೆ ಕಾಲ ಕಳೆಯುತ್ತಿದ್ದೇವೆ. ನಾವಿಬ್ಬರು ಒಬ್ಬರಿಗೊಬ್ಬರು ತುಂಬಾ ಪ್ರೀತಿಸುತ್ತೇವೆ ಎಂದು ಹೇಳಿದ್ದಾರೆ.

ನನ್ನ ಹಾಗೂ ರಕ್ಷಿತ್ ಮದುವೆ ಸದ್ಯಕ್ಕಿಲ್ಲ ನಾವಿಬ್ಬರು ಹೊಸ ಹೊಸ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದೇವೆ. ನಿಶ್ಚಿತಾರ್ಥದ ವೇಳೆ ಎರಡು ವರ್ಷ ಮದುವೆ ಆಗಬಾರದು ಎಂದು ಮಾತನಾಡಿಕೊಂಡಿದ್ದೇವೆ. ಸದ್ಯ ನಮ್ಮಿಬ್ಬರ ನಡುವೆ ಉತ್ತಮ ಸಂಬಂಧವಿದೆ ಎಂದು ರಶ್ಮಿಕಾ ಮದುವೆ ಬಗ್ಗೆ ಮಾತಾಡಿದ್ದಾರೆ.

ಗೀತಾ ಗೋವಿಂದಂ ಚಿತ್ರದ ಲಿಪ್ ಲಾಕ್ ಸೀನ್ ಲೀಕ್ ಆಗಿದ್ದರ ಬಗ್ಗೆ ರಶ್ಮಿಕಾ ಮಾತನಾಡಿ ನನಗೆ ತುಂಬಾ ಬೇಸರವಾಗಿದೆ. ಚಿತ್ರರಂಗದಲ್ಲಿ ಗಾಸಿಪ್ ಹಾಗೂ ಟ್ರೋಲ್‍ಗಳು ಸಹಜವಾಗಿರುತ್ತದೆ. ಈ ಸಮಸ್ಯೆ ಚಿತ್ರರಂಗದಲ್ಲಿರುವ ಎಲ್ಲರಿಗೂ ಎದುರಾಗುತ್ತದೆ ಎಂದು ತಿಳಿಸಿದ್ದಾರೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv