ಬೆಂಗಳೂರು: ಇಂದು ಸ್ನೇಹಿತರ ದಿನಾಚರಣೆ. ಸ್ನೇಹಿತರೆಲ್ಲರೂ ತಮ್ಮ ತಮ್ಮ ಗೆಳೆಯ-ಗೆಳತಿಯರಿಗೆ ಸ್ನೇಹ ದಿನದ ಶುಭಾಶಯವನ್ನು ತಿಳಿಸುತ್ತಿದ್ದಾರೆ. ಪ್ರಿಯಾ ಸುದೀಪ್ ಕೂಡ ತಮ್ಮ ಪತಿ ಸುದೀಪ್ ಅವರಿಗೆ ಶುಭಾಶಯವನ್ನು ತಿಳಿಸಿದ್ದಾರೆ.
ನಟ ಸುದೀಪ್ ಅವರ ಪತ್ನಿ ಪ್ರಿಯಾ ಅವರು ತಮ್ಮಿಬ್ಬರ 25ನೇ ವರ್ಷದ ಸ್ನೇಹದ ಸಂಭ್ರಮದಲ್ಲಿದ್ದು, ಟ್ವೀಟ್ ಮಾಡುವುದರ ಮೂಲಕ ಸುದೀಪ್ ಅವರಿಗೆ ಶುಭಾಶಯವನ್ನು ತಿಳಿಸಿದ್ದಾರೆ. ಸುದೀಪ್ ಮತ್ತು ಪ್ರಿಯಾ ಅವರು ಸ್ನೇಹಿತರಾಗಿದ್ದು, ನಂತರ ಸ್ನೇಹ ಪ್ರೀತಿಯಾಗಿ ಇಬ್ಬರು ದಾಂಪತ್ಯ ಜೀವನಕ್ಕೆ ಪಾದಾರ್ಪಣೆ ಮಾಡಿದ್ದರು. ಆದರೆ ಇಂದಿಗೂ ಅವರಿಬ್ಬರ ಸ್ನೇಹ ಹಾಗೆಯೇ ಇದೆ. ಇಂದು ತಮ್ಮ ಸ್ನೇಹ – ಪ್ರೀತಿಯನ್ನು ನೆನಪಿಸಿಕೊಂಡು ತಮ್ಮ ಸಂತಸವನ್ನು ಟ್ವಿಟ್ಟರ್ ನಲ್ಲಿ ಹಂಚಿಕೊಂಡಿದ್ದಾರೆ.
ಪ್ರಿಯಾ ಸುದೀಪ್ ಅವರು ಸುದೀಪ್ ಜೊತೆಗಿನ ಫೋಟೋ ಹಾಕಿ “ಗೆಳೆಯ ಸುದೀಪ್ ಮತ್ತು ನನ್ನ ಸ್ನೇಹ ಇಂದಿಗೆ 25 ವರ್ಷವನ್ನು ಪೂರೈಸಿದೆ. ನಾವಿಬ್ಬರು ಮದುವೆಯಾಗಿದ್ದರು ಕೂಡ ನಮ್ಮ ಸ್ನೇಹ ಹಾಗೇಯೆ ಇದೆ. ಮದುವೆ ನಮ್ಮ ಸ್ನೇಹವನ್ನು ಹಾಳು ಮಾಡಿಲ್ಲ. ತುಂಬಾ ಸಂತೊಷವಾಗುತ್ತಿದೆ” ಎಂದು ಬರೆದು ಟ್ವೀಟ್ ಮಾಡಿದ್ದಾರೆ.
ಪ್ರಿಯಾ ಸುದೀಪ್ ಮಾಡಿದ ಟ್ವೀಟಿಗೆ ಅಭಿಮಾನಿಗಳು ಸಂತಸದಿಂದ ನಿಮ್ಮ ಸ್ನೇಹ ಹೀಗೆ ಇರಲಿ ಎಂದು ಶುಭ ಹಾರೈಸಿದ್ದಾರೆ. ಸುದೀಪ್ ಮತ್ತು ಪ್ರಿಯಾ ಅವರು 2001ರಲ್ಲಿ ಮದುವೆಯಾಗಿದ್ದಾರೆ.
To my buddy @KicchaSudeep !This year marks 25 years of our friendship and I’m glad even marriage didn’t ruin that 💖😄😝 pic.twitter.com/T7RcxwLyLf
— Priya Sudeep/ಪ್ರಿಯ (@iampriya06) August 5, 2018
Leave a Reply