ಆಮಿರ್ ಖಾನ್ ನಿಂದಾಗಿ ನನ್ನ ಹೃದಯವೇ ಒಡೆದು ಹೋಗಿತ್ತು: ರಾಣಿ ಮುಖರ್ಜಿ

ಮುಂಬೈ: ಬಾಲಿವುಡ್ ಮಿಸ್ಟರ್ ಪರ್ಫೆಕ್ಟ್ ಆಮಿರ್ ಖಾನ್ ನಿಂದಾಗಿ ಹಿಂದೆ ನನ್ನ ಹೃದಯವೇ ಒಡೆದು ಹೋಗಿತ್ತು ಎಂದು ನಟಿ ರಾಣಿ ಮುಖರ್ಜಿ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ.

ಆಮಿರ್ ಖಾನ್ ಜೊತೆ ಹಲವು ಸಿನಿಮಾಗಳಲ್ಲಿ ನಟಿಸಿರುವ ರಾಣಿ ಮುಖರ್ಜಿ ಇತ್ತೀಚೆಗೆ ಖಾಸಗಿ ಮಾಧ್ಯಮವೊಂದಕ್ಕೆ ವಿಶೇಷ ಸಂದರ್ಶನ ನೀಡಿದ್ದರು. ಈ ವೇಳೆ ನಾನು ಚಿಕ್ಕವಳಿದ್ದಾಗಿನಿಂದಲೂ ಆಮಿರ್ ಖಾನ್‍ರ ದೊಡ್ಡ ಅಭಿಮಾನಿ. ಆಮಿರ್ ಅಭಿನಯದ ‘ಖಯಾಮತ್ ಸೇ ಖಯಾಮತ್ ತಕ್’ ಚಿತ್ರ ನನ್ನ ಮೆಚ್ಚಿನ ಸಿನಿಮಾ.

ಆಮಿರ್ ಖಾನ್ ಮತ್ತು ಜೂಹಿ ಚಾವ್ಲಾ ಜೊತೆಯಾಗಿ ‘ಲವ್ ಲವ್ ಲವ್’ ಚಿತ್ರದಲ್ಲಿ ನಟಿಸುತ್ತಿದ್ದರು. ಈ ವೇಳೆ ನಾನು ಆಮಿರ್ ಆಟೋಗ್ರಾಫ್ ಪಡೆದುಕೊಳ್ಳಲು ಶೂಟಿಂಗ್ ಸೆಟ್ ಗೆ ಹೋಗಿದ್ದೆ. ಅಲ್ಲಿ ಚಿತ್ರವೊಂದರ ಆ್ಯಕ್ಷನ್ ಸೀನ್ ಶೂಟ್ ನಡೆಯುತ್ತಿತ್ತು. ಜನರ ಗುಂಪಿನ ನಡುವೆ ನಿಂತಿದ್ದ ನಾನು ಆಟೋಗ್ರಾಫ್ ಪಡೆಯಲು ಕಷ್ಟಪಡುತ್ತಿದ್ದೆ. ನನ್ನ ಬುಕ್ ಮೇಲೆ ಡೀಯರ್ ಆಮಿರ್ ಖಾನ್ ಅಂತಾ ಬರೆದಿದ್ದೆ, ಆದ್ರೆ ಇದನ್ನು ಯಾವುದು ಗಮನಿಸದೇ, ಕೈಗೆ ಸಿಕ್ಕ ಬುಕ್‍ನಲ್ಲಿ ಆಟೋಗ್ರಾಫ್ ಹಾಕಿಕೊಟ್ಟರು. ಈ ವೇಳೆ ನನ್ನನ್ನು ನೋಡದೇ ಆಮಿರ್ ಆಟೋಗ್ರಾಫ್ ಹಾಕಿದ್ದರಿಂದ ಅಂದು ನನ್ನ ಹೃದಯವೇ ಒಡೆದು ಹೋಗಿತ್ತು ಎಂದು ಬಾಲ್ಯದ ದಿನಗಳನ್ನು ನೆನಪು ಮಾಡಿಕೊಂಡರು.

ಕೆಲವು ವರ್ಷಗಳ ನಂತರ ನಾನು ‘ಗುಲಾಮ್’ ಸಿನಿಮಾದಲ್ಲಿ ನಾನು ಆಮಿರ್ ಜೊತೆ ನಟಿಸುವ ಅವಕಾಶ ಸಿಕ್ಕಾಗ ಹಳೆಯ ಘಟನೆಯನ್ನು ಅವರಿಗೆ ನೆನಪಿಸಿದೆ ಅಂತಾ ಅಂದರು. ಮಂಗಲ ಪಾಂಡೆ, ತಲಾಶ್ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ಅಮೀರ್ ಖಾನ್ ಮತ್ತು ರಾಣಿ ಮುಖರ್ಜಿ ಜೊತೆಯಾಗಿ ನಟಿಸಿದ್ದಾರೆ.