ಹೈ ಪ್ರೊಫೈಲ್ ಸೆಕ್ಸ್ ರ‌್ಯಾಕೆಟ್ – ನಗ್ನವಾಗಿ ಸಿಕ್ಕಿ ಬಿದ್ದ 12 ಜೋಡಿ

ರಾಯ್ಪುರ: ರಾಯ್ಪುರದ ಬೋರಿಯಾಕಲಾದಲ್ಲಿ ವೇಶ್ಯಾವಾಟಿಕೆ ದಂಧೆ ಮೇಲೆ ದಾಳಿ ಮಾಡಿದ್ದು, 12 ಮಂದಿಗೂ ಹೆಚ್ಚು ಹುಡುಗಿಯರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಭಾನುವಾರ ರಾತ್ರಿ ನಗರದ ಪ್ರಸಿದ್ಧ ಪ್ರದೇಶದಲ್ಲಿ ನಡೆಯುತ್ತಿದ್ದ ವೇಶ್ಯಾವಾಟಿಕೆ ದಂಧೆ ಮೇಲೆ ಪೊಲೀಸರು ಮಾರುವೇಷದಲ್ಲಿ ದಾಳಿ ನಡೆಸಿದ್ದಾರೆ. ಈ ವೇಳೆ ವೇಶ್ಯಾವಾಟಿಕೆಯಲ್ಲಿ ತೊಡಗಿದ್ದ ಹುಡುಗ ಮತ್ತು ಹುಡುಗಿಯನ್ನು ನಗ್ನ ಸ್ಥಿತಿಯಲ್ಲಿ ಬಂಧಿಸಿದ್ದಾರೆ.

ಪೊಲೀಸರು ಬಂಧಿಸಿದ ಹುಡುಗಿಯರು ಮುಂಬೈ ಹಾಗೂ ಕೊಲ್ಕತ್ತಾದವರಾಗಿದ್ದು, ಇವರೆಲ್ಲಾ ರಾಯ್ಪುರಕ್ಕೆ ಒಂದು ತಿಂಗಳ ಒಪ್ಪಂದದ ಮೇಲೆ ಮೇರೆಗೆ ಬಂದಿದ್ದರು ಎನ್ನಲಾಗಿದೆ. ಈ ಹುಡುಗಿಯರು ಈಗಾಗಲೇ 28 ದಿನಗಳನ್ನು ಪೂರೈಸಿದ್ದರು. ಆದರೆ ಕೊನೆಯ ದಿನ ಹುಡುಗಿಯರು ಗ್ರಾಹಕರ ಜೊತೆಗಿದ್ದ ವೇಳೆ ಪೊಲೀಸರು ದಾಳಿ ಮಾಡಿದಾಗ ಸಿಕ್ಕಿಬಿದ್ದಿದ್ದಾರೆ.

ಪೊಲೀಸರು ಮಾಹಿತಿ ಬಂದ ಪ್ರಕಾರ ಬೋರಿಯಾಕಲಾದ ವಸತಿ ಬೋರ್ಡ್ ಕಾಲೊನೀಯ ಒಂದು ಮನೆಯ ಮೇಲೆ ದಾಳಿ ಮಾಡಿದ್ದಾರೆ. ಸುತ್ತಾಮುತ್ತಾ ಪೊಲೀಸರು ಮುತ್ತಿಗೆ ಹಾಕಿದ್ದರಿಂದ ಎಲ್ಲರೂ ರೆಡ್ ಹ್ಯಾಂಡ್ ಆಗಿ ಸಿಕ್ಕಿಬಿದ್ದಿದ್ದಾರೆ. ಮಹಿಳೆಯೊಬ್ಬಳು ಬಾಡಿಗೆ ಮನೆಯಲ್ಲಿ ವೇಶ್ಯಾವಾಟಿಕೆ ದಂಧೆ ಮಾಡುತ್ತಿದ್ದಳು.

ಈ ತಂಡ ತಮ್ಮದೆ ಆಗ ವ್ಯಾಟ್ಸಪ್ ಗುಂಪನ್ನು ಸೃಷ್ಟಿಸಿದ್ದು, ಅದರಲ್ಲಿ ಮುಂಬೈ, ದೆಹಲಿ ಮತ್ತು ಕೊಲ್ಕತ್ತಾ ಸೇರಿದಂತೆ ಇತರೆ ನಗರಗಳ ಯುವತಿಯರ ಫೋಟೋಗಳು ಮತ್ತು ದರಗಳು ಹಾಕಲಾಗುತ್ತಿತ್ತು. ನಂತರ ಗ್ರಾಹಕರನ್ನು ಇಷ್ಟಪಟ್ಟ ಹುಡುಗಿಯನ್ನ ಬೋರಿಯಾಕಲಾಕ್ಕೆ ಕರೆಸಿಕೊಳ್ಳಲಾಗುತ್ತಿತ್ತು.

ಬಂಧಿತ ಹುಡುಗಿಯರಿಂದ 61,000 ನಗದು, 8 ಮೊಬೈಲ್ ಫೋನ್ ಗಳು, ಟ್ಯಾಬ್ಲೆಟ್, ಕಾಂಡೋಮ್ ಮತ್ತು ಅಕೌಂಟಿಂಗ್ ಡೈರಿಯನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ. ಗ್ರಾಹಕರು ಮತ್ತು ಹುಡುಗಿಯರರ ವಿರುದ್ಧ ದೂರು ದಾಖಲಿಸಿಕೊಂಡು ಎಲ್ಲರನ್ನು ನ್ಯಾಯಾಲಯದ ಮುಂದೆ ಹಾಜರುಪಡಿಸಲಾಗಿದ್ದು, ಸದ್ಯ ಯುವತಿಯರನ್ನು ನ್ಯಾಯಾಂಗ ಬಂಧನದಲ್ಲಿ ಇರಿಸಲಾಗಿದೆ.

ಮುಂಬೈ, ದೆಹಲಿ ಮತ್ತು ಕೋಲ್ಕತಾದಿಂದ ಹುಡುಗಿಯರನ್ನು ಕರೆಸಿಕೊಂಡು ಈ ದಂಧೆ ನಡೆಸುತ್ತಿದ್ದ ದಲ್ಲಾಳಿ ತಪ್ಪಿಸಿಕೊಂಡಿದ್ದಾನೆ. ಜಾರ್ಖಂಡ್ ನ ಮಹಿಳೆಯೊಬ್ಬರಿಂದ ಬ್ರೋಕರ್ ಬಗ್ಗೆ ಮಾಹಿತಿ ಪಡೆದಿದ್ದೇವೆ. ಆತನ ಪತ್ತೆಗೆ ನಾವು ಬಲೆ ಬೀಸಿದ್ದು, ಶೀಘ್ರವೇ ಆತನನ್ನು ಬಂಧಿಸುವುದಾಗಿ ಪೊಲೀಸರು ತಿಳಿಸಿದ್ದಾರೆ.