ಮುಂಬೈ: ಬಾಲಿವುಡ್‍ನ ಕ್ಯೂಟ್ ಆ್ಯಂಡ್ ಯಂಗ್ ಜೋಡಿ ಎಂದೇ ಕರೆಸಿಕೊಳ್ಳುವ ಸಿದ್ದಾರ್ಥ್ ಮಲ್ಹೋತ್ರಾ ಮತ್ತು ಆಲಿಯಾ ಭಟ್ ಇಬ್ಬರ ನಡುವೆ ಬ್ರೇಕಪ್ ಆಗಿದೆ ಎಂಬ ಸುದ್ದಿ ಹರಿದಾಡುತ್ತಿದೆ. ಬ್ರೇಕಪ್ ಬಳಿಕ ಸಿದ್ದಾರ್ಥ್ ಬೇರೊಬ್ಬ ಯುವತಿಯೊಂದಿಗೆ ಡೇಟಿಂಗ್‍ನಲ್ಲಿದ್ದಾರೆ ಎನ್ನುವ ಮತ್ತೊಂದು ಸುದ್ದಿ ವೈರಲ್ ಆಗಿದೆ.
`ಸ್ಟೂಡೆಂಟ್ ಆಫ್ ದಿ ಇಯರ್’ ಚಿತ್ರದ ಮೂಲಕ ಚಿತ್ರರಂಗಕ್ಕೆ ಇಬ್ಬರು ಪಾದಾರ್ಪಣೆ ಮಾಡಿದ್ದರು. ನಂತರ ಇಬ್ರೂ ಹಲವು ಸಿನಿಮಾಗಳಲ್ಲಿ ನಟಿಸುವ ಮೂಲಕ ತಮ್ಮ ಚಾಪನ್ನು ಬಾಲಿವುಡ್ ನಲ್ಲಿ ಮೂಡಿಸುತ್ತಿದ್ದಾರೆ. ಆದ್ರೆ ಇತ್ತೀಚೆಗೆ ಆಲಿಯಾ ಭಟ್ ಜೊತೆ ನಟಿಸಲು ಬಂದಿದ್ದ ಜಾಹಿರಾತಿನ ಆಫರ್‍ನ್ನು ಸಿದ್ದಾರ್ಥ್ ತಿರಸ್ಕರಿಸಿದ್ದಾರೆ ಅಂತಾ ಎನ್ನಲಾಗಿದೆ.
ಖಾಸಗಿ ಕಾರ್ಯಕ್ರಮಗಳಲ್ಲಿ ಜೊತೆಯಾಗಿ ಕಾಣಿಸಿಕೊಳ್ಳುತ್ತಿದ್ದ ಆಲಿಯಾ ಮತ್ತು ಸಿದ್ದಾರ್ಥ್ ದೂರವಾಗಿದ್ದಾರೆ. ಜನವರಿ 12 ರಂದು ಶಾರೂಖ್ ಖಾನ್ ಮನೆಯಲ್ಲಿ ನಡೆದಿದ್ದ ಪಾರ್ಟಿಯಲ್ಲಿ ಇಬ್ಬರೂ ಅಂತರವನ್ನು ಕಾಯ್ದುಕೊಂಡಿದ್ದರು ಅಂತ ವರದಿಯಾಗಿದೆ.
ಶಾರೂಖ್ ಖಾನ್ ನಿವಾಸದಲ್ಲಿ ಪಾರ್ಟಿಯಲ್ಲಿ ಸಿದ್ದಾರ್ಥ್ ಜೊತೆ ಹೊಸ ಗೆಳತಿ ಸಹ ಬಂದಿದ್ದರು. ಕಾರಿನಿಂದ ಕೆಳಗೆ ಕೇವಲ ಸಿದ್ದಾರ್ಥ್ ಹೊರ ಬಂದರೆ ವಿನಃ ಗೆಳತಿ ಮಾತ್ರ ಬರಲಿಲ್ಲ. ಸಿದ್ದಾರ್ಥ್ ಗೆಳತಿ ಯಾರೆಂಬುದೂ ಇದೂವರೆಗೂ ರಿವೀಲ್ ಆಗಿಲ್ಲ. ಸಿದ್ದಾರ್ಥ್ ಮತ್ತು ಆಲಿಯಾ ನಡುವೆ ಎಲ್ಲವೂ ಸರಿ ಇಲ್ಲ ಎನ್ನುವುದು ಮಾತ್ರ ಕೆಲ ದಿನಗಳಿಂದ ತಿಳಿದು ಬಂದಿದೆ.
Leave a Reply