ಬೇಕರಿ ಕೇಕ್ ನಲ್ಲಿ ಹುಳ-ಹುಪ್ಪಟೆ, ಗ್ರಾಹಕ ಕಂಗಾಲು

ಮಂಗಳೂರು: ಬೇಕರಿಗಳಲ್ಲಿ ಖರೀದಿಸಿ ತಂದ ಪ್ಯಾಕೇಜ್ಡ್ ಉತ್ಪನ್ನಗಳನ್ನ ಒಂದೆರಡು ದಿನವಾದ್ರೂ ಮನೆಯಲ್ಲಿಟ್ಟುಕೊಂಡು ಸೇವಿಸಬಹುದು ಅಂದ್ಕೊಂಡಿರ್ತೀವಿ. ಆದ್ರೆ ಗ್ರಾಹಕರೊಬ್ಬರು ಖರೀದಿಸಿದ ಕಪ್ ಕೇಕ್ ಪ್ಯಾಕೆಟ್‍ನಲ್ಲಿ ಹುಳ ಕಂಡುಬಂದ ಘಟನೆ ಮಂಗಳೂರಿನಲ್ಲಿ ನಡೆದಿದೆ.

ಮಂಗಳೂರಿನ ಉರ್ವ ಸ್ಟೋರ್ ಬಳಿಯಿರುವ ಬೇಕರಿಯಲ್ಲಿ ಗ್ರಾಹಕ ದೀಪಕ್ ಸುವರ್ಣ ಎಂಬವರು ಕಪ್ ಕೇಕ್ ಖರೀದಿಸಿದ್ದರು. ತಯಾರಿಸಿದ ದಿನಾಂಕ ಸೆಪ್ಟೆಂಬರ್ 12 ಅಂತಾ ನಮೂದಿಸಿದ್ದಲ್ಲದೆ 15 ದಿನಗಳ ಕಾಲ ಬಳಕೆಗೆ ಯೋಗ್ಯ ಅನ್ನುವುದನ್ನೂ ಪ್ಯಾಕೆಟ್ ಮೇಲೆ ಹಾಕಲಾಗಿದೆ. ಹೀಗಿದ್ದರೂ ತಯಾರಿಸಿದ ದಿನಾಂಕದ ನಾಲ್ಕೇ ದಿನದಲ್ಲಿ ಹುಳ ಕಾಣಿಸಿದೆ.

ಮಂಗಳೂರಿನಲ್ಲಿ ಹೆಸರು ಗಳಿಸಿರುವ ನರನ್ಸ್ ಕಂಪೆನಿಯ ಕಪ್ ಕೇಕ್ ನಲ್ಲಿ ಇಂತಹ ಹುಳ ಕಂಡುಬಂದಿದೆ.