ಮೈಸೂರು: ನೀವು ಚಿಕನ್ ಪ್ರೀಯರೇ? ಹಾಗಾದರೆ ನೀವು ಈ ಸುದ್ದಿಯನ್ನು ತಪ್ಪದೆ ನೋಡಬೇಕು. ಮಾಂಸದ ಅಂಗಡಿಯಿಂದ ಅದರಲ್ಲೂ ಬ್ರ್ಯಾಂಡ್ ಇರುವ ಮಾಂಸದ ಅಂಗಡಿಯಿಂದ ತಂದ ಮಾಂಸವನ್ನು ಸರಿಯಾಗಿ ಗಮನಿಸದೆ ಇದ್ದರೆ ನಿಮ್ಮ ಕಥೆ ಮುಗಿಯಿತು.
ಮಾಂಸದ ಜೊತೆಗೆ ಹುಳದ ಮಾಂಸವು ನಿಮ್ಮ ಹೊಟ್ಟೆ ಸೇರುತ್ತೆ. ಹಸಿ ಮಾಂಸದಲ್ಲಿ ಹುಳ ಕಂಡು ಗ್ರಾಹಕಿಯೊಬ್ಬರು ಬೆರಗಾಗಿಬಿಟ್ಟಿದ್ದಾರೆ. ಹುಳಗಳ ಸಮೇತ ಚಿಕನ್ ಅಂಗಡಿಗೆ ಬಂದು ತರಾಟೆಗೆ ತೆಗೆದುಕೊಂಡಿದ್ದಾರೆ. ಮೈಸೂರಿನ ಟಿಕೆ ಲೇಔಟ್‍ನ ವಿಜಯ್ ಚಿಕನ್ ಸ್ಟಾಲ್‍ನಲ್ಲಿ ಮಹಿಳೆಗೆ ಇಂತಹ ಹುಳ ಇರುವ ಮಾಂಸ ನೀಡಲಾಗಿದೆ.
ಈ ಘಟನೆಯಿಂದ ಎಚ್ಚೆತ್ತು ಚಿಕನ್ ಅಂಗಡಿ ನೌಕರರು ಗ್ರಾಹಕರಲ್ಲಿ ಕ್ಷಮೆಯಾಚಿಸಿದ್ದಾರೆ. ಮೂರು ದಿನಗಳ ಹಿಂದೆ ಈ ಘಟನೆ ನಡೆದಿದ್ದು, ಈ ವಿಚಾರವನ್ನು ಆಹಾರ ಇಲಾಖೆ ಅಧಿಕಾರಿಗಳ ಗಮನಕ್ಕೆ ತರುತ್ತೇನೆ ಎಂದು ಗ್ರಾಹಕಿ ತಿಳಿಸಿದ್ದಾರೆ.
Leave a Reply