ಬೆರ್ನ್: ಒನ್ ಫಾರ್ಮುಲಾದ ಮಾಜಿ ಮುಖ್ಯಸ್ಥ ಬರ್ನಿ ಎಕ್ಲೆಸ್ಟೋನ್ ತಮ್ಮ 89ನೇ ವಯಸ್ಸಿನಲ್ಲಿ ತಂದೆಯಾಗಿದ್ದಾರೆ. 44 ವರ್ಷದ ಪತ್ನಿ ಫೆಬಿಯಾನಾ ಫ್ಲೊಸಿ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ಬರ್ನಿ ಇದೇ ಅಕ್ಟೋಬರ್ ನಲ್ಲಿ 90ನೇ ವರ್ಷಕ್ಕೆ ಕಾಲಿಡಲಿದ್ದಾರೆ.
ಬಿರ್ನಿಗೆ ಇದು ಮೂರನೇ ಮದುವೆಯಾಗಿದ್ದು, ಇಬ್ಬರಿಂದಲೂ ವಿಚ್ಛೇಧನ ಪಡೆದುಕೊಂಡಿದ್ದಾರೆ. ಮೂವರು ಹೆಣ್ಣು ಮಕ್ಕಳು 5 ಮೊಮ್ಮಕ್ಕಳನ್ನು ಬಿರ್ನಿ ಹೊಂದಿದ್ದಾರೆ. ಮೊದಲ ಗಂಡು ಮಗುವಿಗೆ ತಂದೆಯಾದ ಖುಷಿಯಲ್ಲಿ ಮಾತನಾಡಿದ ಬರ್ನಿ, ನಮಗೂ ಒಬ್ಬ ಮಗನಿದ್ದಾನೆ. ಅವನ ಹೆಸರು ಏಸ್. ನನಗೆ ತುಂಬಾನೇ ಖುಷಿಯಾಗ್ತಿದೆ ಎಂದು ಹೇಳಿಕೊಂಡಿದ್ದಾರೆ. ಬರ್ನಿ ಪತ್ನಿ ಫೆಬಿಯಾನಾ, ಹೆರಿಗೆ ಸೂಸುತ್ರವಾಗಿ ಆಯ್ತು. ಮಗುವನ್ನು ಕರುಣಿಸಿದ ದೇವರಿಗೆ ಧನ್ಯವಾದ ಹೇಳುತ್ತೇನೆ ಎಂದಿದ್ದಾರೆ.
ಬಿರ್ನಿ 2009ರಲ್ಲಿ ಮೋಟರ್ಸ್ ಸ್ಪೋರ್ಟ್ಸ್ ಕೌನ್ಸಿಲ್ ನಲ್ಲಿ ಫೆಬಿಯಾನಾರನ್ನ ಭೇಟಿಯಾಗಿದ್ದರು. ಎರಡನೇ ಪತ್ನಿ ಸ್ಲವಿಕಾರಿಗೆ ವಿಚ್ಛೇಧನ ನೀಡಿದ ಬಳಿಕ 2012ರಲ್ಲಿ ಫೆಬಿಯಾನಾ ಮತತು ಬರ್ನಿ ಮದುವೆಯಾಗಿದ್ದರು.
Leave a Reply