ಜಮೀನಿನಿಂದ ಮನೆಗೆ ಕಳುಹಿಸಿದ ಅಜ್ಜಿ – ಶವವಾಗಿ ಬಾಲಕಿ ಪತ್ತೆ

ಹಾವೇರಿ: ಅನುಮಾನಾಸ್ಪದ ರೀತಿಯಲ್ಲಿ ಏಳು ವರ್ಷದ ಬಾಲಕಿ ಮೃತದೇಹ ಪತ್ತೆಯಾದ ಘಟನೆ ಜಿಲ್ಲೆಯ ಬ್ಯಾಡಗಿ ತಾಲೂಕು ಕಾಗಿನೆಲೆ ಗ್ರಾಮದ ಬಳಿ ನಡೆದಿದೆ.

ಮೃತ ಬಾಲಕಿಯನ್ನ ತೈಸಿನ್ ಕಲ್ಲಾಪುರ(7) ಎಂದು ಗುರುತಿಸಲಾಗಿದೆ. ಶನಿವಾರ ಅಜ್ಜಿಯೊಂದಿಗೆ ಬಾಲಕಿ ಜಮೀನಿಗೆ ತೆರಳಿದ್ದಳು. ಅಜ್ಜಿ ವಾಪಸ್ ಕಳಿಸಿದ್ದರಿಂದ ಬಾಲಕಿ ಮನೆಗೆ ಮರಳುವಾಗ ಈ ಘಟನೆ ನಡೆದಿದೆ.

ತೈಸಿನ್‍ಗೆ ನಾಯಿ ಕಚ್ಚಿ ಸಾವನ್ನಪ್ಪಿರುವ ಶಂಕೆ ವ್ಯಕ್ತಪಡಿಸಲಾಗಿದೆ. ಯಾಕೆಂದರೆ ಬಾಲಕಿಯ ಮೈ ಮೇಲೆ ಕಚ್ಚಿರುವ ಗಾಯದ ಗುರುತುಗಳು ಹೆಚ್ಚಾಗಿವೆ. ಬಾಲಕಿಯ ಮೇಲೆ ನಾಯಿ ದಾಳಿ ಮಾಡಿದೆಯಾ ಅಥವಾ ಮತ್ತೆ ಬೇರೆ ಪ್ರಾಣಿ ದಾಳಿ ಮಾಡಿದಿಯಾ ಗೊತ್ತಿಲ್ಲ. ಪೊಲೀಸ್ ಅಧಿಕಾರಿಗಳು ಸೂಕ್ತ ತನಿಖೆ ಮಾಡಬೇಕು. ಅಲ್ಲದೆ ಬೀದಿ ನಾಯಿಗಳನ್ನ ಗ್ರಾಮಪಂಚಾಯ್ತಿಯವರು ಹಿಡಿಯಬೇಕು ಎಂದು ಸ್ಥಳೀಯರು ಆಗ್ರಹಿಸಿದ್ದಾರೆ.

ಬಾಲಕಿಯ ಸಾವು ಮಾತ್ರ ಸಾಕಷ್ಟು ಅನುಮಾನಾಸ್ಪದವಾಗಿದೆ. ಮೇಲ್ನೋಟಕ್ಕೆ ನಾಯಿ ದಾಳಿ ಮಾಡಿರುವ ಶಂಕೆ ವ್ಯಕ್ತಪಡಿಸಲಾಗಿದೆ. ಈ ಘಟನೆ ಕಾಗಿನಲೆ ಪೊಲೀಸ್ ಠಾಣೆಯ ವ್ಯಾಪ್ತಿಯಲ್ಲಿ ನಡೆದಿದೆ.

 ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv, ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv