80ನೇ ವಯಸ್ಸಿನಲ್ಲಿ ತಂದೆಯಾದ ಅಜ್ಜ – ವಿಶ್ವದ ಹಿರಿಯ ತಾಯಿ ಹೆಗ್ಗಳಿಕೆ ಪಾತ್ರವಾದ ಮಹಿಳೆ

ಶ್ರೀನಗರ: 65 ವರ್ಷದ ಮಹಿಳೆ ಆರೋಗ್ಯವಂತ ಮಗುವಿಗೆ ಜನ್ಮ ನೀಡಿರುವ ಅಪರೂಪದ ಘಟನೆ ಕಾಶ್ಮೀರದ ಪೂಂಚ್ ಜಿಲ್ಲೆಯಲ್ಲಿ ನಡೆದಿದೆ.

ಬಾಕ್ಸಿಂಗ್ ಡೇ ದಿನದಂದು ಮಗು ಜನಿಸಿದ್ದು, ವಿಶೇಷವೆಂದರೆ 80 ವರ್ಷ ವಯಸ್ಸಿನಲ್ಲಿ ಹಕೀಮ್ ದಿನ್ ತಂದೆಯಾಗಿದ್ದಾರೆ. ಈಗಾಗಲೇ ಈ ದಂಪತಿಗೆ 10 ವರ್ಷದ ಮಗನಿದ್ದಾನೆ ಎಂದು ಮಾಧ್ಯಮವೊಂದು ವರದಿ ಮಾಡಿದೆ. ಆದರೆ ಮಹಿಳೆಯ ಹೆಸರನ್ನು ತಿಳಿಸಿಲ್ಲ.

ಇಳಿ ವಯಸ್ಸಿನಲ್ಲಿ ತಾಯಿಯಾಗಿರುವ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಮಹಿಳೆ ಇದು ದೇವರ ಬೆಲೆ ಬಾಳುವ ಉಡುಗೊರೆಯಾಗಿದ್ದು, ವಿಶ್ವದ ಹಿರಿಯ ತಾಯಿ ಎಂದು ಕರೆಯಿಸಿಕೊಳ್ಳಲು ಸಂತಸವಾಗುತ್ತದೆ ಎಂದು ತಿಳಿಸಿದ್ದಾರೆ.

ಮಹಿಳೆ ಬುಧವಾರ ಪೂಂಚ್ ಜಿಲ್ಲೆಯ ಆಸ್ಪತ್ರೆ ದಾಖಲಾಗಿದ್ದು, ಮಾಧ್ಯಹ್ನದ ವೇಳೆಗೆ ಮಗುವಿಗೆ ಜನ್ಮ ನೀಡಿದ್ದಾರೆ. ಸಾಮಾನ್ಯವಾಗಿ ಭಾರತೀಯ ಮಹಿಳೆಯಲ್ಲಿ 47 ವರ್ಷಕ್ಕೆ ಋತುಬಂಧ ನಿಲ್ಲುತ್ತದೆ. ಒಮ್ಮೆ ಋತು ಬಂಧ ನಿಂತಲ್ಲಿ ಮತ್ತೆ ತಾಯಿ ಆಗುಲು ಸಾಧ್ಯವಿಲ್ಲ. ಆದರೆ ಅಪರೂಪ ಎಂಬಂತೆ ಈ ಘಟನೆ ನಡೆದಿದೆ ಎಂದು ಕಾಶ್ಮೀರದ ತಜ್ಞ ವೈದ್ಯರು ಮಾಧ್ಯಮಗಳಿಗೆ ಮಾಹಿತಿ ನೀಡಿದ್ದಾರೆ.

ಸಾಮಾನ್ಯವಾಗಿ 50 ವರ್ಷ ಬಳಿಕ ಮಹಿಳೆಯರು ತಾಯಿ ಆಗಲು ಬಯಸಿದರೆ, ಅಂತಹವರಿಗೆ ಐವಿಎಫ್ ಚಿಕಿತ್ಸೆ ವಿಧಾನದ ಮೂಲಕ ಮಕ್ಕಳನ್ನು ಪಡೆಯುವ ಅವಕಾಶವಿದೆ. ಆದರೆ ಈ ಪ್ರಕರಣದಲ್ಲಿ ಮಹಿಳೆ ನೈಸರ್ಗಿಕವಾಗಿ ಗರ್ಭಿಣಿಯಾಗಿದ್ದಾರೆ. ಈ ಹಿಂದೆ ಸ್ಪೇನ್ ದೇಶದ ಮಾರಿಯಾ ಡೆಲ್ ಕಾರ್ಮೆನ್ ಬೊಸಾಡಾ ಡಿ ಲಾರಾ ಎಂಬ ಮಹಿಳೆ ಐವಿಎಫ್ ಚಿಕಿತ್ಸೆಯ ಮೂಲಕ ತಮ್ಮ 66 ನೇ ವಯಸ್ಸಿನಲ್ಲಿ ಅವಳಿ ಮಕ್ಕಳಿಗೆ ಜನ್ಮ ನೀಡಿದ್ದರು. ಈ ಮೂಲಕ ವಿಶ್ವ ಹಿರಿಯ ತಾಯಿ ಎಂಬ ಹೆಗ್ಗಳಿಕೆ ಪಡೆದಿದ್ದರು.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv