ಬ್ರಿಟನ್: 44 ವರ್ಷದ ತಂದೆ ತನ್ನ 4 ವರ್ಷದ ಮಲ ಮಗನ ಪಾಸ್‍ಪೋರ್ಟ್ ಬಳಸಿ ಯುಕೆಯಿಂದ ಪೊಲ್ಯಾಂಡ್ ವರೆಗೂ ಪ್ರಯಾಣಿಸಿರುವ ಘಟನೆ ಬ್ರಿಟನ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಬೆಳಕಿಗೆ ಬಂದಿದೆ.
ಮ್ಯಾಥ್ಯೂ ಸುಟೊನ್ ಎಂಬವನು ಮಗನ ಪಾಸ್‍ಪೋರ್ಟ್ ನಿಂದ ಪ್ರಯಾಣಿಸಿದ ವ್ಯಕ್ತಿ. ನನ್ನ ಪಾಸ್‍ಪೋರ್ಟ್ ತರುವ ಬದಲು ನನ್ನ ಮಗನ ಪಾಸ್‍ಪೋರ್ಟ್ ತಂದಿರುವೆ ಎಂದು ಸುಟೊನ್ ಎಸ್‍ಡಬ್ಲ್ಯೂಎನ್‍ಎಸ್ ಬಳಿ ತನ್ನ ತಪ್ಪನ್ನು ಒಪ್ಪಿಕೊಂಡಿದ್ದಾನೆ.
ಸುಟೊನ್ ತನ್ನ ಕುಟುಂಬದ ಜೊತೆ ಪ್ರವಾಸಕ್ಕೆ ಪ್ಲಾನ್ ಮಾಡಿದ್ದನು. ಅದರಂತೆ ವಿಜ್ ವಿಮಾನದಲ್ಲಿ ಪೊಲ್ಯಾಂಡ್‍ನ ಪೊಜ್ನಾನ್‍ಗೆ ಪ್ರಯಾಣ ಮಾಡುತ್ತಿದ್ದರು. ಈ ವೇಳೆ ವಿಮಾನದ ಭದ್ರತಾ ಸಿಬ್ಬಂದಿ ಪಾಸ್‍ಪೋರ್ಟ್ ಕೇಳಿದಾಗ ತನ್ನ ಪಾಸ್‍ಪೋರ್ಟ್ ತರುವ ಬದಲು ತನ್ನ 4 ವರ್ಷದ ಮಲಮಗನ ಪಾಸ್‍ಪೋರ್ಟ್ ತಂದಿದ್ದಾರೆ. ಇದನ್ನು ತಿಳಿದ ಸಿಬ್ಬಂದಿಗಳು ಸುಟೊನ್ ಅನ್ನು ವಿಚಾರಣೆ ನಡೆಸಿದ್ದಾರೆ.
ತಕ್ಷಣವೇ ಸುಟೊನ್ ತನ್ನ ಮನೆಗೆ ಫೋನ್ ಮಾಡಿ ತನ್ನ ಪಾಸ್‍ಪೋರ್ಟ್ ಫೋಟೋ ಕಳುಹಿಸವಂತೆ ಹೇಳಿದ್ದಾರೆ. ಬಳಿಕ ಸಿಬ್ಬಂದಿಗೆ ತನ್ನ ಡ್ರೈವಿಂಗ್ ಲೈಸನ್ಸ್ ಹಾಗೂ ಫೋಟೊವನ್ನು ತೋರಿಸಿ ಬಿಡಿಸಿಕೊಂಡಿರುವುದಾಗಿ ಸುಟೊನ್ ತಿಳಿಸಿದರು.
ಈ ಘಟನೆಯಿಂದಾಗಿ ವಿಮಾನ ಭದ್ರತಾ ಸಿಬ್ಬಂದಿ ಅಧಿಕಾರಿಗಳ ಬಗ್ಗೆ ತೀವ್ರ ವಿರೋಧ ವ್ಯಕ್ತವಾಗಿದೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv
Leave a Reply