400 ರೂ.ಗಾಗಿ ಗೆಳೆಯನ ಕೊಲೆ – ಸಿಸಿಟಿವಿ ಕ್ಯಾಮೆರಾದಲ್ಲಿ ಭಯಾನಕ ದೃಶ್ಯ ಸೆರೆ

– ಲೋಹದ ಪೈಪ್‍ನಿಂದ ಹೊಡೆದು ಕೊಂದ

ಮುಂಬೈ: ನಾಲ್ಕನೂರು ಸಾಲ ಹಿಂದಿರುಗಿಸದ ಗೆಳೆಯನನ್ನ ಆತನ ಸ್ನೇಹಿತನೇ ಕೊಲೆಗೈದಿರುವ ಘಟನೆ ಮಹಾರಾಷ್ಟ್ರದ ಥಾಣಾ ಜಿಲ್ಲೆಯ ಉಲ್ಲಾಸ ನಗರದಲ್ಲಿ ಮಂಗಳವಾರ ನಡೆದಿದೆ.

ಫಾಯಿಮ್ ಶೇಖ್ ಗೆಳೆಯ ಸೋನು ಗುಪ್ತಾನಿಂದ ಕೊಲೆಯಾದ ಯುವಕ. ಸೋನು ಬಳಿ ಫಾಯಿಮ್ ಸಾಲವಾಗಿ 400 ರೂ. ಪಡೆದುಕೊಂಡಿದ್ದನು. ಮಂಗಳವಾರ ಸೋನು ತನ್ನ ಹಣ ಹಿಂದಿರುಗಿಸುವಂತೆ ಕೇಳಿದ್ದಾನೆ. ಆದ್ರೆ ಫಾಯಿಮ್ ಹಣ ನೀಡಲ್ಲ ಎಂದು ಹೇಳಿದ್ದರಿಂದ ಇಬ್ಬರ ನಡುವೆ ಜಗಳ ಆರಂಭಗೊಂಡಿದೆ. ಗಲಾಟೆಯನ್ನು ದೂರದಲ್ಲಿದ್ದ ಗೆಳೆಯರು ಗಮನಿಸಿ ಇಬ್ಬರ ಜಗಳ ಇತ್ಯರ್ಥಕ್ಕೆಗೊಳಿಸಲು ಆಗಮಿಸಿದ್ದಾರೆ.

ಗೆಳೆಯರು ಬರೋ ವೇಳೆಗೆ ಸೋನು ಸ್ಥಳದಲ್ಲಿದ್ದ ಲೋಹದ ಪೈಪ್ ನಿಂದ ಫಾಯಿಮ್ ಮೇಲೆ ಹಲ್ಲೆ ನಡೆಸಿದ್ದಾನೆ. ಹೊಡೆತದ ತೀವ್ರತೆಗೆ ಫಾಯಿಮ್ ಸ್ಥಳದಲ್ಲಿಯೇ ಸಾವನ್ನಪ್ಪಿದ್ದಾನೆ. ಕೊಲೆಯ ದೃಶ್ಯಗಳು ಸ್ಥಳದಲ್ಲಿದ್ದ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿವೆ. ಪೊಲೀಸರು ಸೋನು ಗುಪ್ತಾನನ್ನ ಬಂಧಿಸಿದ್ದು, ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.