ಬ್ಲೂ ವೇಲ್‌ಗೆ ಭಾರತದಲ್ಲಿ ಮತ್ತೊಬ್ಬ ವ್ಯಕ್ತಿ ಬಲಿ

ಚೆನ್ನೈ: ತಮಿಳುನಾಡಿನ 22 ವರ್ಷದ ಇಂಜಿನಿಯರ್ ಬ್ಲೂ ವೇಲ್ ಗೇಮ್‍ನ ಪ್ರಭಾವಕ್ಕೆ ಒಳಗಾಗಿ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಕಡಲೂರು ಜಿಲ್ಲೆಯಲ್ಲಿ ನಡೆದಿದೆ.

ಶೇಷಾದ್ರಿ ಆತ್ಮಹತ್ಯೆಗೆ ಶರಣಾದ ವ್ಯಕ್ತಿ. ಮಂಗಳವಾರ ರಾತ್ರಿ ಮನೆಯಲ್ಲಿ ಯಾರು ಇಲ್ಲದ ವೇಳೆ ಶೇಷಾದ್ರಿ ಆತ್ಮಹತ್ಯೆಯನ್ನು ಮಾಡಿಕೊಂಡಿದ್ದಾನೆ. ಶೇಷಾದ್ರಿ ಪುದುಚೆರಿಯಲ್ಲಿರುವ ಮೆಟ್ಟುಕುಪ್ಪಂನ ಖಾಸಗಿ ಕಾರ್ಖಾನೆಯಲ್ಲಿ ಉದ್ಯೋಗಿಯಾಗಿದ್ದ.

ಆತನಲ್ಲಿ ಇದ್ದ ಪುಸ್ತಕ ಮತ್ತು ಗೇಮ್ ಆಡಿದ ಮೊಬೈಲನ್ನು ವಶಪಡಿಸಿಕೊಳ್ಳಲಾಗಿದೆ. ಈ ಘಟನೆ ಕುರಿತು ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.

ಕಳೆದ ವರ್ಷ ಬ್ಲೂ ವೇಲ್ ಆನ್‍ಲೈನ್ ಗೇಮ್ಸ್ ಭಾರತವನ್ನು ಪ್ರವೇಶಿಸಿದೆ. ಅನಾಮಧೇಯ ನಿಯಂತ್ರಣದಲ್ಲಿ ಈ ಆಟವಿದ್ದು, ಅವರು ಹೇಳಿದ್ದನ್ನು ಮಾಡವಂತೆ ಒತ್ತಡ ಹೇರಲಾಗುತ್ತದೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv