ಹೆಂಡ್ತಿಗೆ ಫೋನ್ ಮಾಡ್ಬೇಕು ಅಂತ ಲವ್ವರ್‌ಗೆ ಕಾಲ್ – ತಗ್ಲಾಕ್ಕೊಂಡ ವೈಭವ್

ಬೆಂಗಳೂರು: ಸ್ಯಾಂಡಲ್‍ವುಡ್‍ನಲ್ಲಿ ಡ್ರಗ್ಸ್ ಮಾಫಿಯಾ ಪ್ರಕರಣದ ಆರೋಪಿಯಾಗಿರುವ ವೈಭವ್ ಜೈನ್ ಹೆಂಡತಿಗೆ ಫೋನ್ ಮಾಡಬೇಕು ಎಂದು ಲವ್ವರ್‌ಗೆ ಕಾಲ್ ಮಾಡಿ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾನೆ. ಇದನ್ನೂ ಓದಿ: ವೈಭವ್ ಜೈನ್ ವೈಭವಕ್ಕೆ ತುಪ್ಪದ ಹುಡ್ಗಿ ಫುಲ್ ಸೈಲೆಂಟ್

ಡ್ರಗ್ಸ್ ಕೇಸ್ ಆರೋಪಿ ವೈಭವ್‌ನನ್ನು ಸಿಸಿಬಿ ಪೊಲೀಸರು ಬಂಧಿಸಿ ವಿಚಾರಣೆ ನಡೆಸುತ್ತಿದ್ದರು. ಈ ವೇಳೆ ಹೆಂಡತಿಗೆ ಫೋನ್ ಮಾಡಬೇಕು ಎಂದು ಹೇಳಿ ಸಿಕ್ಕಿಬಿದ್ದಿದ್ದಾನೆ. ಇವತ್ತು ನಾನು ಮದುವೆಯಾದ ದಿನ. ಹೀಗಾಗಿ ನನ್ನ ಪತ್ನಿಗೆ ಫೋನ್ ಮಾಡಿ ಶುಭಾಶಯ ತಿಳಿಸಬೇಕು. ದಯವಿಟ್ಟು ನಿಮ್ಮ ಫೋನ್ ಕೊಡಿ ಸಾರ್ ಎಂದು ಪೊಲೀಸರ ಬಳಿ ಮೊಬೈಲ್ ಕೇಳಿದ್ದನು. ಇದಕ್ಕೆ ಒಪ್ಪಿದ ಪೊಲೀಸರು ಆತನಿಗೆ ಫೋನ್ ಕೊಟ್ಟಿದ್ದಾರೆ. ಇದನ್ನೂ ಓದಿ: ಜೈಲಿನಲ್ಲಿ ಸೊಳ್ಳೆ ಕಚ್ತಿದೆಂದು ನಿದ್ರಿಸದೆ ಸಂಜನಾ ರಂಪಾಟ!

ಆರೋಪಿ ವೈಭವ್ ಜೈನ್ ಪೊಲೀಸರ ಮೊಬೈಲ್‍ನಿಂದಲೇ ಫೋನ್ ಮಾಡಿದ್ದನು. ಈ ವೇಳೆ ಆರೋಪಿ ವೈಭವ್ ಪೊಲೀಸರ ಮೊಬೈಲ್‍ನಿಂದ ಹೆಂಡತಿ ಬದಲು ಪ್ರಿಯತಮೆಗೆ ಫೋನ್ ಮಾಡಿದ್ದಾನೆ. ಮರುದಿನ ವೈಭವ್ ಪತ್ನಿ ಬಟ್ಟೆ ತೆಗೆದುಕೊಂಡು ಸಿಸಿಬಿ ಕಚೇರಿಗೆ ಬಂದಿದ್ದಾರೆ. ಈ ವೇಳೆ ಕಳೆದ ದಿನ ನೀವು ಮದುವೆ ಆಗಿ ವರ್ಷ ಆಯ್ತಂತೆ, ಫೋನ್ ಮಾಡಿದ್ನಲ್ವಾ? ಎಂದು ವೈಭವ್ ಜೈನ್ ಕರೆಯ ಬಗ್ಗೆ ಆತನ ಪತ್ನಿಗೆ ಪೊಲೀಸರು ಪ್ರಶ್ನೆ ಮಾಡಿದ್ದಾರೆ.

ಆಗ ಆತನ ಪತ್ನಿ, “ಇಲ್ಲ ಸಾರ್, ನನಗೆ ಫೋನ್ ಮಾಡಿಲ್ಲ. ನಮ್ಮ ಮದುವೆ ವಾರ್ಷಿಕೋತ್ಸವ ಇಲ್ಲ” ಎಂದು ಉತ್ತರಿಸಿದ್ದಾರೆ ಪತ್ನಿಯ ಉತ್ತರದಿಂದ ಪೊಲೀಸರ ಕೈಯಲ್ಲಿ ವೈಭವ್ ಜೈನ್ ರೆಡ್‍ ಹ್ಯಾಂಡಾಗಿ ಸಿಕ್ಕಿಬಿದ್ದಿದ್ದಾನೆ.

ವೈಭವ್ ಜೈನ್ ಲವ್ವರ್?
‘ಮಿಸ್ ಸೌತ್’ ಆಗಿದ್ದ ದಕ್ಷಿಣದ ಸುಂದರಿಯೇ ವೈಭವ್ ಪ್ರಿಯತಮೆ ಎಂದು ಹೇಳಲಾಗಿದೆ. ಆರೋಪಿ ಮದುವೆ ಆಗಿದ್ದರೂ ಸೌತ್ ಸುಂದರಿ ಜೊತೆಗೆ ಸಂಬಂಧ ಇಟ್ಟುಕೊಂಡಿದ್ದಾನೆ ಎನ್ನಲಾಗುತ್ತಿದೆ. ಪ್ರಿಯತಮಗೆ ವಿಚಾರದಲ್ಲಿ ವೈಭವ್ ಪತ್ನಿಯ ಜೊತೆ ಆಗಾಗ ಗಲಾಟೆ ಮಾಡುತ್ತಿದ್ದನು ಎಂದು ತಿಳಿದುಬಂದಿದೆ. ವೈಭವ್ ಜೈನ್ ಫೋನ್ ಹಿನ್ನೆಲೆಯಲ್ಲಿ ಸೌತ್ ಸುಂದರಿಗೂ ಕ್ರೈಂ ಬ್ರ್ಯಾಂಚ್ ಪೊಲೀಸರು ನೋಟಿಸ್ ಕೊಟ್ಟಿದ್ದಾರೆ.