ಸ್ನೇಹಿತರ ಜೊತೆ ಸೇರಿ ಎಫ್‍ಬಿ ಫ್ರೆಂಡ್‍ನಿಂದ ಬಾಲಕಿಯ ಮೇಲೆ ಗ್ಯಾಂಗ್‍ರೇಪ್

ನವದೆಹಲಿ: ಅಪ್ರಾಪ್ತ ಬಾಲಕಿಯ ಮೇಲೆ ಫೇಸ್‍ಬುಕ್ ಸ್ನೇಹಿತ ಮತ್ತು ಅವನ ಮೂವರು ಸ್ನೇಹಿತರು ಸೇರಿ ಮೂರು ಬಾರಿ ಬಾಲಕಿಯ ಮೆಲೆ ಸಾಮೂಹಿಕ ಅತ್ಯಾಚಾರ ಎಸಗಿರುವ ಘಟನೆ ಕಾನ್ಪುರದ ಚಕ್ಕೇರಿ ಪ್ರದೇಶದಲ್ಲಿ ನಡೆದಿದೆ.

ಆರೋಪಿಗಳಾದ ರಾಹುಲ್ ಸೋಂಕರ್ ಮತ್ತು ಮಿಥುನ್ ಸೋಂಕರ್‍ನನ್ನು ಪೊಲೀಸರು ಬಂಧಿಸಿದ್ದಾರೆ. ಈ ಕೃತ್ಯದಲ್ಲಿ ಭಾಗಿಯಾದ ಇನ್ನೂ ಇಬ್ಬರು ಆರೋಪಿಗಳಾದ ಸಾಹಿಲ್ ಮತ್ತು ವಿ.ಕೆ.ರಾಜಪೂತ್ ಪರಾರಿಯಾಗಿದ್ದಾರೆ.

ಪ್ರಕರಣದ ಹಿನ್ನೆಲೆ :
ಬಾಲಕಿಗೆ ಫೇಸ್ಬುಕ್ ಮೂಲಕ ಸಾಹಿಲ್ ಪರಿಚಯವಾಗಿ ಬಾಲಕಿ ಜೊತೆ ಸ್ನೇಹ ಬೆಳೆಸಿದ್ದಾನೆ. ಒಂದು ದಿನ ಸಾಹಿಲ್ ತನ್ನ ಸ್ನೇಹಿತರಾರದ ರಾಹುಲ್ ಮತ್ತು ಮಿಥುನ್‍ಗೆ ಬಾಲಕಿಯನ್ನು ಬೈಕ್‍ನಲ್ಲಿ ತ್ರಿಮೂರ್ತಿ ದೇವಸ್ಥಾನದ ಬಳಿ ಕರೆದುಕೊಂಡು ಬರಲು ಹೇಳಿದ್ದನು. ಆಗ ಬಾಲಕಿಯನ್ನು ಕರೆದುಕೊಂಡು ಸ್ನೇಹಿತರು ಬಂದಿದ್ದಾರೆ. ಸಾಹಿಲ್ ಮತ್ತು ವಿ.ಕೆ.ರಜಪೂತ್ ಕೂಡಾ ಮಾರ್ಗದ ಮಧ್ಯದಲ್ಲಿ ಕಾರ್‍ನಲ್ಲಿ ಬಂದು ಸೇರಿದ್ದಾರೆ. ಈ ವೇಳೆ ಬಾಲಕಿಗೆ ಅಮಲಿನ ಔಷಧ ಮತ್ತು ಕೆಲವು ನಿದ್ರೆ ಮಾತ್ರೆಗಳನ್ನು ಬಾಲಕಿಗೆ ತಿನ್ನಲು ಕೊಟ್ಟಿದ್ದಾರೆ.

ಆಗ ಬಾಲಕಿಯನ್ನು ಪ್ರಜ್ಞೆ ಕಳೆದುಕೊಂಡಿದ್ದಾಳೆ. ಆಗ ಕಾರಿನಲ್ಲಿ ಬಾಲಕಿಯ ಮೇಲೆ ಸಾಮೂಹಿಕ ಅತ್ಯಾಚಾರ ನಡೆಸಿದ್ದಾರೆ. ನಾಲ್ವರು ಸೇರಿ ಬಾಲಕಿಯನ್ನು ಏಕಾಂತ ಸ್ಥಳಕ್ಕೆ ಕರೆದುಕೊಂಡು ಹೋಗಿದ್ದಾರೆ. ಅಲ್ಲಯೂ ಬಾಲಕಿಯ ಮೇಲೆ ಅತ್ಯಾಚಾರ ಮಾಡಿದ್ದಾರೆ. ನಂತರ ಆರೋಪಿಗಳು ಅಪ್ರಾಪ್ತೆ ಬಾಲಕಿಯನ್ನು ಮಾರುಕಟ್ಟೆಯ ಮೇಲ್ ಛಾವಣಿಗೆ ಕರೆದೊಯ್ದು ಅತ್ಯಾಚಾರ ಮಾಡಿದ್ದಾರೆ. ಬಾಲಕಿಯ ಮೇಲೆ ಮೂರು ಬಾರಿ ಅತ್ಯಾಚಾರ ನಡೆದಿದೆ ಎಂದು ಅಧಿಕಾರಿ ಸತ್ಯಜಿತ್ ಗುಪ್ತಾ ಹೇಳಿದ್ದಾರೆ.

ಈ ಘಟನೆ ಬಾಲಕಿ ಪೊಷಕರಿಗೆ ತಿಳಿಸಿದ್ದಾಗ ಈ ಪ್ರಕರಣ ಬೆಳಕಿಗೆ ಬಂದಿದೆ. ಆರೋಪಿಗಳ ವಿರುದ್ಧ ಪೋಸ್ಕೋ ಕಾಯ್ದೆ ಅಡಿಯಲ್ಲಿ ಐಪಿಸಿ ಸಂಬಂಧಿತ ವಿವಿಧ ಸೆಕ್ಷನ್ ಅಡಿಯಲ್ಲಿ ಎಫ್‍ಐಆರ್ ದಾಖಲಿಸಲಾಗಿದೆ. ಇಬ್ಬರು ಆರೋಪಿ ರಾಹುಲ್ ಸೋಂಕರ್ ಮತ್ತು ಮಿಥುನ್ ಸೋಂಕರ್ ಅವರನ್ನು ನಾವು ಬಂಧಿಸಿದ್ದೇವೆ. ಸಾಹಿಲ್ ಮತ್ತು ವಿ.ಕೆ.ರಾಜಪೂತ್ ಅವರನ್ನು ಹುಡುಕುತ್ತಿದ್ದೇವೆ ಎಂದು ಪೊಲೀಸರು ಹೇಳಿದ್ದಾರೆ.