ಸಿಆರ್‌ಪಿಎಫ್ ಇನ್ಸ್‌ಪೆಕ್ಟರ್‌ಗೆ ಶೂಟ್ ಮಾಡಿ, ತಾನೂ ಗುಂಡು ಹಾರಿಸಿಕೊಂಡ ಎಸ್‍ಐ

ನವದೆಹಲಿ: ಸಿಆರ್‌ಪಿಎಫ್ ಇನ್ಸ್ ಪೆಕ್ಟರ್ ಗೆ ಸಬ್ ಇನ್ಸ್ ಪೆಕ್ಟರ್ ಶೂಟ್ ಮಾಡಿ, ತಾನೂ ಗುಂಡು ಹಾರಿಸಿಕೊಂಡಿರುವ ಆಘಾತಕಾರಿ ಘಟನೆ ನಡೆದಿದೆ.

ದೆಹಲಿಯ ಲೋಧಿ ಎಸ್ಟೇಟ್‍ನಲ್ಲಿ ಶುಕ್ರವಾರ ರಾತ್ರಿ 10.30ಕ್ಕೆ ಘಟನೆ ನಡೆದಿದ್ದು, ಲೋಧಿ ಎಸ್ಟೇಟ್‍ನಲ್ಲಿ ಗೃಹಸಚಿವಾಲಯದ ಬಂಗಲೆಯಲ್ಲಿ ಘಟನೆ ನಡೆದಿದೆ. ಪೊಲೀಸರು ಸ್ಥಳಕ್ಕೆ ಭೇಟಿ ನೀಡುವಷ್ಟರಲ್ಲಿ ಇಬ್ಬರು ಇನ್ಸ್ ಪೆಕ್ಟರ್ ಗಳ ದೇಹ ಕೆಳಗೆ ಬಿದ್ದ ಸ್ಥಿತಿಯಲ್ಲಿತ್ತು. ಇಬ್ಬರಿಗೂ ಸರ್ವಿಸ್ ಬಂದೂಕಿನಿಂದ ಗುಂಡು ಹಾರಿಸಲಾಗಿತ್ತು. ಪೊಲೀಸರು ಸ್ಥಳಕ್ಕೆ ತಲುಪುವಷ್ಟರಲ್ಲಿ ಸಾವನ್ನಪ್ಪಿದ್ದರು ಎಂದು ಪೊಲೀಸರು ವಿವರಿಸಿದ್ದಾರೆ.

ಇಬ್ಬರು ಸೈನಿಕರ ಮಧ್ಯೆ ಜಗಳ ನಡೆದಿದ್ದು, ಈ ವೇಳೆ ಸಬ್ ಇನ್ಸ್ ಪೆಕ್ಟರ್ ಕಾರ್ನಿಯಲ್ ಸಿಂಗ್ ತಮ್ಮ ಸಹೋದ್ಯೋಗಿ ದಶರಥ್ ಸಿಂಗ್ ಮೇಲೆ ಗುಂಡು ಹಾರಿಸಿದ್ದಾರೆ. ಸಬ್ ಇನ್ಸ್ ಪೆಕ್ಟರ್ ಜಮ್ಮು ಕಾಶ್ಮೀರದ ಉಧಂಪುರದವರು, ಇನ್ಸ್ ಪೆಕ್ಟರ್ ಹರಿಯಾಣದ ರೋಹ್ತಕ್‍ನವರು ಪೊಲೀಸರು ಮಾಹಿತಿ ನೀಡಿದ್ದಾರೆ.

ಕಳೆದ ರಾತ್ರಿ ಫ್ರ್ಯಾಟ್ರಿಸೈಡಲ್ ಕಾರ್ಯಕ್ರಮದಲ್ಲಿ ಸಿಆರ್ ಪಿಎಫ್ 122ನೇ ಬೆಟಾಲಿಯನ್‍ನ ಇನ್ಸ್ ಪೆಕ್ಟರ್ ಮೇಲೆ ಅದೇ ಬೆಟಾಲಿಯನ್‍ನ ಎಸ್‍ಐ ಗುಂಡು ಹಾರಿಸಿದ್ದಾರೆ. ನಂತರ ಸರ್ವೀಸ್ ಬಂದೂಕಿನಿಂದ ತಾನೂ ಗುಂಡು ಹಾರಿಸಿಕೊಂಡಿದ್ದಾರೆ. ಲೋಧಿ ಎಸ್ಟೇಟ್ ನಲ್ಲಿ ಘಟನೆ ನಡೆದಿದೆ. ಈ ಕುರಿತು ವಿಚಾರಣೆ ನಡೆಸಲು ಆದೇಶಿಸಲಾಗಿದೆ. ವಿಚಾರನೆ ಬಳಿಕ ಪ್ರಕರಣ ತಾರ್ಕಿಕ ಅಂತ್ಯ ಕಾಣಲಿದೆ. ಘಟನೆ ಹಿಂದಿನ ಕಾರಣ ತಿಳಿಯಲಿದೆ ಎಂದು ಸಿಆರ್ ಪಿಎಫ್ ಡಿಐಜಿ, ಅಧೀಕೃತ ವಕ್ತಾರ ಎಂ.ದಿನಕರನ್ ವಿವರಿಸಿದ್ದಾರೆ.