ರಾಮಾಚಾರಿಗೆ ಐರಾಳ ಗೂಗ್ಲಿ- ಶೇರಿಂಗ್, ಕೇರಿಂಗ್ ವೀಡಿಯೋ ವೈರಲ್

ಬೆಂಗಳೂರು: ಸ್ಯಾಂಡಲ್‍ವುಡ್ ರಾಜಾಹುಲಿ, ರಾಕಿಂಗ್ ಸ್ಟಾರ್ ಯಶ್ ಗೆ ಪುತ್ರಿ ಐರಾ ಚಮಕ್ ನೀಡಿದ್ದಾಳೆ. ಮಗಳ ಜೊತೆಗಿನ ಮುದ್ದಾದ ವಿಡಿಯೋ ಹಂಚಿಕೊಂಡಿರುವ ಗಜಕೇಸರಿ, ಶೇರಿಂಗ್ ಮತ್ತು ಕೇರಿಂಗ್ ಎಂದು ಬರೆದುಕೊಂಡಿದ್ದಾರೆ.

ತಂದೆ ಯಶ್ ಮುಂದೆ ಟೇಬಲ್ ಮೇಲೆ ಕುಳಿತ ಐರಾ ಐಸ್ ಕ್ರೀಂ ತಿನ್ನುತ್ತಿರುವ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದೆ. ಪುತ್ರಿ ಐರಾ ಐಸ್ ಕ್ರೀಂ ತಿನ್ನುವಾಗ ತಮಗೂ ನೀಡುವಂತೆ ಯಶ್ ಕೇಳಿದ್ದಾರೆ. ಆದ್ರೆ ಐರಾ ಮಾತ್ರ ಜಾಣತನದಿಂದ ಐಸ್ ಕ್ರೀಂ ತುಂಬಿದ ಸ್ಪೂನ್ ತಂದೆ ಬಳಿ ತೆಗೆದುಕೊಂಡಿ ತಾನೇ ತಿನ್ನುವ ಮೂಲಕ ಗೂಗ್ಲಿಗೆ ಗೂಗ್ಲಿ ಹಾಕಿದ್ದಾರೆ.

 

View this post on Instagram

 

Sharing is caring… not when it comes to ICE CREAM ???? (Getting a dose of my own medicine here ????)

A post shared by Yash (@thenameisyash) on Oct 25, 2020 at 3:56am PDT

ಪ್ಲೀಸ್ ಅಮ್ಮಾ, ಸ್ವಲ್ಪ ನೀಡು ಎಂದು ಯಶ್ ಕೇಳಿಕೊಂಡರೂ ಐರಾ ಮಾತ್ರ ಸ್ಪೂನ್ ಹತ್ತಿರ ತೆಗೆದುಕೊಂಡು ಹೋಗಿ ತಾನೇ ತಿಂದು ಚಮಕ್ ಕೊಟ್ಟಿದ್ದಾಳೆ. ಕೊನೆಗೆ ಮುಂದೆ ವಿಡಿಯೋ ಮಾಡುತ್ತಿದ್ದ ಮಾವನನ್ನ ಕರೆದ ಐರಾ, ಐಸ್ ಕ್ರೀಂ ತಿನ್ನಿಸುವಂತೆ ನಟಿಸಿ ಮಾಂಜಾ ಕೊಟ್ಟಿದ್ದಾಳೆ. ಕೆಲ ದಿನಗಳ ಹಿಂದೆ ಐರಾ ಲಾಲಿ ಹಾಡು ಸಹ ವೈರಲ್ ಆಗಿತ್ತು.