ಯಾದಗಿರಿ ಲಾಕ್‍ಡೌನ್ ಓಪನ್, ಮಾರುಕಟ್ಟೆಗಳಲ್ಲಿ ಜನಜಂಗುಳಿ

ಯಾದಗಿರಿ: ಮೂರು ದಿನ ಫುಲ್ ಲಾಕ್‍ಡೌನ್ ಆಗಿದ್ದ ಯಾದಗಿರಿ ಇಂದು ಮತ್ತೆ ಓಪನ್ ಆದ ಪರಿಣಾಮ, ಹೊಲ್ ಸೇಲ್ ಮಾರುಕಟ್ಟೆಯಲ್ಲಿ ಜನಜಂಗುಳಿಂದ ತುಂಬಿ ತುಳುಕುತ್ತಿದೆ.

ಪೊಲೀಸರಿಗೂ ಕೇರ್ ಮಾಡದ ಜನ, ಸಾಮಾಜಿಕ ಅಂತರ ಮರೆತು ವ್ಯಾಪಾರ-ವಹಿವಾಟು ನಡೆಸುತ್ತಿದ್ದಾರೆ. ಕಳೆದ ಮೂರುದಿನಗಳಿಂದ ಸಂಪೂರ್ಣ ಲಾಕ್‍ಡೌನ್ ಹಿನ್ನೆಲೆ,ಇಂದಿನಿಂದ ಬೆಳಗ್ಗೆ 6 ಗಂಟೆಯಿಂದ 10 ಗಂಟೆ ತನಕ ತರಕಾರಿ ಮತ್ತು ದಿನಸಿ ಖರೀದಿಗೆ ಅವಕಾಶವನ್ನು ಜಿಲ್ಲಾಡಳಿತ ನೀಡಿದೆ. ಆದರೆ ಕೋವಿಡ್ ನಿಯಮಾವಳಿಗಳನ್ನು ಪಾಲನೆ ಕಡ್ಡಾಯವಾಗಿದ್ದರು ಜನ ಮಾತ್ರ ತಮ್ಮ ಹಳೆಯ ಚಾಳಿ ಮುಂದುವರಿಸಿದ್ದಾರೆ.

ಪೊಲೀಸರು ಮತ್ತು ನಗರಸಭೆ ಸಿಬ್ಬಂದಿ ಮಾರುಕಟ್ಟೆಯಲ್ಲಿ ಜಾಗೃತಿ ಮೂಡಿಸುತ್ತಿದ್ದರು, ಜನ ಮಾತ್ರ ತಲೆ ಕೆಡಸಿಕೊಳ್ಳುತ್ತಿಲ್ಲ. ಇದರಿಂದಾಗಿ ಕೊರೊನಾ ಹರಡಲು ಮಾರುಕಟ್ಟೆ ಹಾಟ್ ಸ್ಪಾಟ್ ಆದಂತಾಗಿದೆ.