ಮೃತ ಕರುವಿನ ಮುಂದೆ ಗೋಳಾಡಿದ ಎಮ್ಮೆ- ವೀಡಿಯೋ ವೈರಲ್

ದಾವಣಗೆರೆ: ಎಮ್ಮೆಯೊಂದು ಮೃತ ಕರುವಿನ ಮುಂದೆ ಗೋಳಾಡಿದ ವೀಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.

ದಾವಣಗೆರೆ ಜಿಲ್ಲೆಯ ಚನ್ನಗಿರಿ ಪಟ್ಟಣದಲ್ಲಿ ರಸ್ತೆ ಬದಿ ಮೇವು ತಿನ್ನುವಾಗ ಕರುವಿಗೆ ಅಪಘಾತವಾಗಿದೆ. ಪರಿಣಾಮ ಕರು ಸ್ಥಳದಲ್ಲೇ ಸಾವನ್ನಪ್ಪಿದೆ. ಸಾವನ್ನಪ್ಪಿದ ತನ್ನ ಕರುವನ್ನು ನೋಡಿ ರಸ್ತೆಗೆ ಅಡ್ಡಲಾಗಿ ನಿಂತು ಎಮ್ಮೆ ಗೋಳಾಟ ಮಾಡಿದೆ.

ಕಳೆದ ಎರಡು ದಿನಗಳಿಂದಲೂ ಎಮ್ಮೆ, ತನ್ನ ಮೃತ ಕರುವನ್ನು ಬಿಟ್ಟು ಹೋಗುತ್ತಿಲ್ಲ. ಮೇವು ನೀರು ಕುಡಿಯದೇ ಮೃತ ಕರುವಿನ ಬಳಿ ಎಮ್ಮೆ ನಿಂತು ಕಣ್ಣೀರು ಹಾಕುತ್ತಿರುವುದು ಆ ಮಾರ್ಗವಾಗಿ ಸಂಚರಿಸುವವರ ಕಣ್ಣಂಚಲ್ಲೂ ನೀರು ತರಿಸಿದೆ.