ನವದೆಹಲಿ: ಮಹಿಳಾ ದಿನಾಚರಣೆಯ ಪ್ರಯುಕ್ತ ಟೀಂ ಇಂಡಿಯಾ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಪತ್ನಿ ಅನುಷ್ಕಾ ಶರ್ಮಾ ಹಾಗೂ ಮಗಳು ವಮಿಕಾರ ಫೋಟೋವನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ಈ ಫೋಟೋದಲ್ಲಿ ಅನುಷ್ಕಾ ಶರ್ಮಾ ಮಗುವನ್ನು ಎರಡು ಕೈಗಳಿಂದ ತಬ್ಬಿಕೊಂಡು ಮಗುವಿನ ಮುಖ ನೋಡುತ್ತಾ ಹೃದಯದಿಂದ ಮುಗುಳು ನಗೆ ಬೀರಿದ್ದಾರೆ.
View this post on Instagram
ಫೋಟೋವನ್ನು ಪೋಸ್ಟ್ ಮಾಡಿರುವ ವಿರಾಟ್, ಮಗುವಿಗೆ ಜನ್ಮ ನೀಡುವುದನ್ನು ನೋಡುವುದೇ ನಂಬಲಾಗದ ಹಾಗೂ ಅದ್ಭುತದ ಅನುಭವ. ಅದಕ್ಕೆ ಸಾಕ್ಷಿ ಮಹಿಳೆಯರು. ಮಹಿಳೆಯರಲ್ಲಿ ಶಕ್ತಿ ಮತ್ತು ದೈವತ್ವವನ್ನು ದೇವರು ಯಾಕೆ ಸೃಷ್ಟಿಸಿದ್ದಾನೆ ಎಂಬುವುದು ನಿಮಗೂ ಅರ್ಥವಾಗುತ್ತದೆ ಎಂದು ಕ್ಯಾಪ್ಷನ್ ಹಾಕಿದ್ದಾರೆ. ಜೊತೆಗೆ ಮಹಿಳೆಯರು ಪುರುಷರಿಗಿಂತಲೂ ಅತ್ಯಂತ ಬಲಶಾಲಿ. ನನ್ನ ಜೀವನದ ದಿಟ್ಟ, ಸಹಾನೂಭೂತಿ ಹಾಗೂ ಧೈರ್ಯಶಾಲಿ ಮಹಿಳೆ ಹಾಗೂ ಅಮ್ಮನಂತೆ ಬೆಳೆಯಲಿರುವ ಮಗಳಿಗೆ ಮಹಿಳಾ ದಿನಾಚರಣೆಯ ಶುಭಾಶಯಗಳು ಹಾಗೂ ವಿಶ್ವದ ಎಲ್ಲಾ ಮಹಿಳೆಯರಿಗೂ ಮಹಿಳಾ ದಿನಾಚರಣೆಯ ಶುಭಾಶಯಗಳು ಎಂದು ಪೋಸ್ಟ್ ಮಾಡಿದ್ದಾರೆ.
View this post on Instagram
ಕಳೆದ ತಿಂಗಳು ವಿರಾಟ್ ಕೊಹ್ಲಿ ಹಾಗೂ ಅನುಷ್ಕಾ ಶರ್ಮಾ ತಮ್ಮ ಮಗಳ ಫೋಟೋವನ್ನು ಇನ್‍ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದರು ಹಾಗೂ ವಮಿಕಾ ಎಂದು ಹೇಳುವ ಮೂಲಕ ಮಗಳ ಹೆಸರನ್ನು ಬಹಿರಂಗ ಪಡಿಸಿದ್ದರು.
Leave a Reply