ಬೆಂಗ್ಳೂರಲ್ಲಿ ಕೋವಿಡ್ ಲಸಿಕೆ ಕಳ್ಳಾಟ – ಲಸಿಕೆ ಪಡೆಯದೇ ಇದ್ದರೂ ಸಿಗುತ್ತೆ ಸರ್ಟಿಫಿಕೇಟ್..!

ಬೆಂಗಳೂರು: ಮಹಾಮಾರಿ ಕೊರೊನಾ ಅಬ್ಬರದ ನಡುವೆಯೇ ಸಿಲಿಕಾನ್ ಸಿಟಿಯಲ್ಲಿ ಕೋವಿಡ್ ಲಸಿಕೆ ಕಳ್ಳಾಟ ನಡೆಯುತ್ತಿದೆ. ಲಸಿಕೆ ಪಡೆಯದೇ ಇದ್ದರೂ ನಿಮ್ಮ ಹೆಸರಿನಲ್ಲಿ ಲಸಿಕೆ ಸರ್ಟಿಫಿಕೇಟ್ ಸಿಗುತ್ತದೆ. ಸರ್ಕಾರದ ವ್ಯಾಕ್ಸಿನ್ ಕಳ್ಳಾಟ ಪಬ್ಲಿಕ್ ಟಿವಿಯಲ್ಲಿ ಅನಾವರಣವಾಗಿದೆ.

ಹೌದು. ಬೆಂಗಳೂರಲ್ಲಿ ಲಸಿಕೆ ಕಳ್ಳಾಟದ ಮೂರು ಪ್ರಕರಣಗಳು ಪತ್ತೆಯಾಗಿವೆ. ಬೆಂಗಳೂರು ನಗರ ಜಿಲ್ಲೆ ವ್ಯಾಪ್ತಿಯ ಬಿದರಹಳ್ಳಿಯ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಲಸಿಕೆ ಕಳ್ಳಾಟ ನಡೆಯುತ್ತಿರುವುದು ಬಯಲಾಗಿದೆ. ಕೋವಿಡ್ ಲಸಿಕೆ ಪಡೆಯದ ರಾಮಮೂರ್ತಿ ನಗರದ ವೃದ್ಧೆಯೊಬ್ಬರಿಗೆ ಲಸಿಕೆ ಪ್ರಮಾಣ ಪತ್ರ ನೀಡಲಾಗಿದೆ.

ಮೇ5 ಕ್ಕೆ ಮಧ್ಯಾಹ್ನ 1 ರಿಂದ 5 ಗಂಟೆವರೆಗೆ ಡೋಸ್ ಪಡೆಯಲು ಅವಧಿ ನಿಗದಿಯಾಗಿತ್ತು. ಆದರೆ ವ್ಯಾಕ್ಸಿನ್ ಶಾರ್ಟೇಜ್ ಕಾರಣ ನೀಡಿ ಆರೋಗ್ಯ ಸಿಬ್ಬಂದಿ ವ್ಯಾಕ್ಸಿನ್ ನೀಡಿರಲಿಲ್ಲ. ಮೇ 7ಕ್ಕೆ ವ್ಯಾಕ್ಸಿನ್ ನೀಡಿರೋದಾಗಿ ಕೊವೀನ್ ಪೋರ್ಟಲ್ ನಲಲಿ ಆಪ್ ಧೃಡಕರಿಸಿದ ಆರೋಗ್ಯ ಸಿಬ್ಬಂದಿ, ಲಸಿಕೆ ನೀಡಿರೋ ವೈದ್ಯೆ ಶಿಲ್ಪಾಶ್ರೀ ಎಂದು ಸರ್ಟಿಫಿಕೇಟ್ ನಲ್ಲಿ ನಮೂದಿಸಲಾಗಿದೆ. ಈ ಮೂಲಕ ಎರಡನೇ ಡೋಸ್ ಗೆ ಹೋದ ವೃದ್ಧೆಗೆ ಮೊದಲ ಡೋಸ್ ಯಶಸ್ವಿ ಎಂದು ಎಡವಟ್ಟು ಮಾಡಲಾಗಿದೆ. ಬಳಿಕ ನ್ಯೂ ಬಾಗಲೂರು ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಮೇ 8 ರಂದು ಲಸಿಕೆ ಪಡೆದು ವೃದ್ಧೆ ಕುಟುಂಬಸ್ಥರು ನಿಟ್ಟುಸಿರು ಬಿಟ್ಟಿದ್ದಾರೆ.

ಇದೇ ರೀತಿ ಬಿದರಹಳ್ಳಿ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಜಗದೀಶ್ ಎಂಬ ವ್ಯಕ್ತಿಗೂ ಇದೇ ಅನುಭವವಾಗಿದೆ. ಸಮಸ್ಯೆ ಬಗ್ಗೆ ಕೇಳಲು ಹೋದ್ರೆ ಆಸ್ಪತ್ರೆ ಬಳಿ ಸಿಬ್ಬಂದಿಯೇ ನಾಪತ್ತೆಯಾಗಿದ್ದಾರೆ. ಇದು ತಾಂತ್ರಿಕ ಸಮಸ್ಯೆಯೋ ಅಥವಾ ಸರ್ಕಾರದ ಕಳ್ಳಾಟವೊ ಎಂಬ ಪ್ರಶ್ನೆ ಎದ್ದಿದೆ.

ಬೆಂಗಳೂರು ನಿವಾಸಿ ನಿವಾಸಿಯಾಗಿದ್ದ ಮಂಜುಳಾ ಎಂಬ ಮಹಿಳೆಗೂ ವ್ಯಾಕ್ಸಿನ್ ಪಡೆದಿದ್ದೀರಿ ಎಂದು ಮೆಸೇಜ್ ಬಂದಿದೆ. ಮೆಸೇಜ್ ಮಾಡಿದ ಹೆಸರುಗಳು ನಮ್ಮ ಮನೆಯಲ್ಲಿ ಯಾರಿಲ್ಲ ಎಂದು ಅವರು ತಬ್ಬಿಬ್ಬಾಗಿದ್ದಾರೆ. ಒಂದೇ ಮನೆಯಲ್ಲಿ ನಾಲ್ವರಿಗೆ ವ್ಯಾಕ್ಸಿನೇಷನ್ ಆಗಿದೆ ಅಂತ ಮೆಸೇಜ್ ನಲ್ಲಿ ತಿಳಿಸಲಾಗಿತ್ತು.