ಬಿಗ್‍ಬಾಸ್ ಮಂದಿಯನ್ನ ಬೆಚ್ಚಿ ಬೀಳಿಸಿದ ಚಪ್ಪಾಳೆ

ಬಿಗ್‍ಬಾಸ್ ಮನೆಯಲ್ಲಿ ಲೈಟ್ ಆಫ್ ಆದ್ರೂ ಸ್ಪರ್ಧಿಗಳು ನಿದ್ದೆಗೆ ಜಾರಲ್ಲ. ಒಬ್ರು ಮತ್ತೊಬ್ಬರ ಆಟ. ಹೀಗೆ ಹಾಗೆ ಅಂತ ಗುಸು ಗುಸು ಸ್ಟಾರ್ಟ್ ಆಗಿರುತ್ತೆ. ನಿನ್ನೆ ಸಹ ರಾತ್ರಿ ಒಂದು ಗಂಟೆ ಆಗಿತ್ತು. ನಿಧಿ ಮತ್ತು ಶುಭಾ ಇಬ್ಬರ ಪಿಸು ಮಾತು ಮಾತ್ರ ಕೇಳಿಸಿತ್ತು. ಬಹುತೇಕ ಎಲ್ಲರೂ ನಿದ್ದೆ ಮಾಡ್ತಿದ್ದರಿಂದ ಮನೆ ಶಾಂತವಾಗಿತ್ತು. ಅಷ್ಟರಲ್ಲಿ ಕೇಳಿದ ಚಪ್ಪಾಳೆ ಸದ್ದು ಮನೆ ಮಂದಿಯನ್ನ ಬೆಚ್ಚಿ ಬೀಳಿಸಿತು.

ರಾತ್ರಿ 1.5 ನಿಮಿಷಕ್ಕೆ ಎಲ್ಲರೂ ಮಲಗಿದ್ರೆ ಹೊಸ ಸ್ಪರ್ಧಿ ಚಕ್ರವರ್ತಿ ಚಂದ್ರಚೂಡ ಧ್ಯಾನ ಮಾಡ್ತಿದ್ರು. ಈ ವೇಳೆ ದಿಢೀರ್ ಅಂತ ಚಪ್ಪಾಳೆ ಹೊಡೆದ್ರು. ಮನೆ ಪೂರ್ಣ ಸೈಲೆಂಟ್ ಗಿದ್ದರಿಂದ ಚಪ್ಪಾಳೆ ಸೌಂಡ್ ಜೋರಾಗಿಯೇ ಕೇಳಿಸ್ತು. ಇನ್ನು ಪಿಸು ಮಾತುಗಳನ್ನಾಡುತ್ತಿದ್ದ ಶುಭಾ ಮತ್ತು ನಿಧಿ ಸಹ ಒಂದು ಕ್ಷಣ ತಬ್ಬಿಬ್ಬಾಗಿ ಯಾರು ಕ್ಲ್ಯಾಪ್ ಮಾಡಿದ್ದು ಅಂತ ಅತ್ತಿತ್ತ ನೋಡುತ್ತಿದ್ದರು.

ಚಪ್ಪಾಳೆಯ ಸದ್ದಿನಿಂದ ಎಚ್ಚರಗೊಂಡ ಶಮಂತ್ ಮತ್ತು ಅರವಿಂದ್ ಯಾರ್ ಗುರು ಕ್ಲ್ಯಾಪ್ ಹಾಕಿದ್ರೂ ಅನ್ನೋ ರೀತಿ ಸನ್ನೆ ಮಾಡಿದ್ರು. ನಂತರ ಚಕ್ರವರ್ತಿ ಅವರೇ ಚಪ್ಪಾಳೆ ಹಾಕಿದ್ದು ಅಂತ ತಿಳಿದು ಎಲ್ಲರೂ ನಕ್ಕು ನಿದ್ದೆಗೆ ಜಾರಿದ್ರು.

ಇನ್ನೂ ಬೆಳಗಾಗುತ್ತಲೇ ಚಪ್ಪಾಳೆ ವಿಷಯ ಮನೆಯ ಹಾಟ್ ಟಾಪಿಕ್ ಆಗಿ ಬದಲಾಯ್ತು. ಚಂದ್ರಚೂಡ ಮೆಡಿಟೇಷನ್ ಮಾಡುವಾಗ ಮಧ್ಯ ಒಂದು ಸಾರಿ ಚಪ್ಪಾಳೆ ತಟ್ಟುತ್ತೇನೆ. ಆದ್ರೆ ಮಂಜು ಕೂಗಿದ್ದು ಕೇಳಿಸಿಲ್ಲ. ನಿಮಗೆಲ್ಲ ತೊಂದರೆ ಆಗ್ತಿದ್ರೆ ಹೊರಗೆ ಮೆಡಿಟೇಷನ್ ಮಾಡ್ತೀನಿ ಅಂದ್ರು. ಇತ್ತ ಮಂಜು ಪಾವಗಡ ಮಾತ್ರ, ಕೇಳಿಸಿದ್ರೂ ಕೇಳಿಸದೇ ರೀತಿ ನಟಿಸರಬಹುದು ಅಂತ ಕಾಲೆಳೆದ್ರು.