ಪೊಲೀಸ್ ಕೈಗೆ ಮಗುವನ್ನು ನೀಡಿ ಮತದಾನ ಮಾಡಿದ ಮಹಿಳೆ- ಮಾನವೀಯತೆ ಮೆರೆದ ಪೇದೆ

ಚೆನ್ನೈ: ಮತದಾನ ಮಾಡಲು ತಾಯಿ ಒಳಗಡೆ ಹೋದಾಗ ಪೊಲೀಸ್ ಮಗುವನ್ನು ಜೋಪಾನವಾಗಿ ನೋಡಿಕೊಂಡಿರುವ ಫೋಟೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.

ನಿನ್ನೆ ನಡೆದ ತಮಿಳುನಾಡು ವಿಧಾನಸಭಾ ಚುನಾವಣಾ ಸಂದರ್ಭದಲ್ಲಿ ತಾಯಿಯೊಬ್ಬರು ತನ್ನ ಕಂದಮ್ಮನನ್ನು ಪೊಲೀಸ್ ಕೈಗೆ ಇಟ್ಟು ಮತದಾನ ಮಾಡಲು ಒಳಗೆ ಹೋಗಿದ್ದರು. ಈ ವೇಳೆ ಪೊಲೀಸ್ ಪೇದೆ ಮಗುವನ್ನು ಜೋಪಾನವಾಗಿ ನೋಡಿಕೊಂಡಿದ್ದಾರೆ. ಪೊಲೀಸ್ ಪೇದೆ ಮಗುವನ್ನು ಹಿಡಿದು ನಿಂತಿರುವ ದೃಶ್ಯವನ್ನು ಅಲ್ಲೇ ಇರುವವರು ಸೆರೆಹಿಡಿದು ಸೋಶಿಯಲ್ ಮೀಡಿಯಾದಲ್ಲಿ ಹರಿಬಿಟ್ಟಿದ್ದಾರೆ. ಪೊಲೀಸ್ ಪೇದೆಯ ಮಾನವೀಯತೆಗೆ ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

#APPolice‘s humane face at #TamilNaduElections: @AnantapurPolice constable deployed to #TamilNadu for #TamilNaduElections2021 carried & lulled a 1-month-old crying baby until the mother’s return from the voting booth, winning the hearts of many.#AndhraPradesh#Elections2021 pic.twitter.com/vk0DO2doJN

— Andhra Pradesh Police (@APPOLICE100) April 6, 2021

ತಾಯಿ ವೋಟ್ ಮಾಡಲು ಬಂದ ವೇಳೆ ತಮ್ಮ ಒಂದು ತಿಂಗಳ ಮಗವನ್ನು ಸಿಬ್ಬಂದಿ ಬಳಿಕೊಟ್ಟು ಮತಗಟ್ಟೆ ಒಳಗೆ ಹೋಗಿದ್ದಾರೆ. ತಾಯಿ ಬರುವರೆಗೂ ಜೋಪಾನವಾಗಿ ನೋಡಿಕೊಂಡಿದ್ದಾರೆ. ಈ ದೃಶ್ಯ ಮನ ಮುಟ್ಟುವಂತಿದೆ ಎಂದು ಬರೆದುಕೊಂಡು ಫೋಟೋವನ್ನು ಆಂಧ್ರಪ್ರದೇಶದ ಪೊಲೀಸ್ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.