ಪತ್ನಿ ಜೊತೆ ಆರ್ ಎಕ್ಸ್100 ಬೈಕ್ ಏರಿ ಹೊರಟ ‘ರೈಡರ್’

ರಾಮನಗರ: ಮಾಜಿ ಮುಖ್ಯಮಂತ್ರಿ ಕುಮಾರಸ್ವಾಮಿ ಮಗ, ನಟ ನಿಖಿಲ್ ಕುಮಾರಸ್ವಾಮಿ ಪತ್ನಿ ಜೊತೆ ಆರ್ ಎಕ್ಸ್ 100 ಬೈಕ್‍ನಲ್ಲಿ ಜಾಲಿ ರೈಡ್ ಹೋಗಿದ್ದಾರೆ.

ನಿಖಿಲ್ ಕುಮಾರಸ್ವಾಮಿಯವರು ರಾಮನಗರದ ಬಿಡದಿಯ ಕೇತಿಗಾನ ಹಳ್ಳಿ ಬಳಿ ಇರುವ ತೋಟದ ಮನೆಯಲ್ಲಿ ಪತ್ನಿ ರೇವತಿ ಅವರನ್ನು ಆರ್ ಎಕ್ಸ್ 100 ಬೈಕ್‍ನಲ್ಲಿ ಕೂರಿಸಿಕೊಂಡು ರೌಂಡ್ ಹೊಡೆದಿದ್ದಾರೆ.

ನಿಖಿಲ್ ಬಳಿ ಇರುವ ಬೈಕ್‍ಗಳಲ್ಲಿ ಆರ್ ಎಕ್ಸ್ 100 ಬೈಕ್ ತುಂಬಾ ಇಷ್ಟವಂತೆ. ಹಾಗಾಗೀ ಅದೇ ಬೈಕ್ ಏರಿ ಪತ್ನಿಯನ್ನು ತೋಟದ ಮನೆ ತುಂಬಾ ಸುತ್ತಾಡಿಸಿಕೊಂಡು ‘ರೈಡರ್’ ವಾಪಸ್ ಆಗಿದ್ದಾರೆ.

ನಿಖಿಲ್ ಕುಮಾರಸ್ವಾಮಿ ಮತ್ತು ರೇವತಿ ಅವರ ಮದುವೆ ಕಾರ್ಯಕ್ರಮ 2019ರ ಏಪ್ರಿಲ್ ತಿಂಗಳಲ್ಲಿ ಇದೇ ತೋಟದ ಮನೆಯಲ್ಲಿ ಸರಳವಾಗಿ ನಡೆದಿತ್ತು.