ನಾನೊಬ್ಬಳೇ ಅಲ್ಲ ಐಂದ್ರಿತಾ ಕೂಡ ಹೋಗಿ ಬರುತ್ತಿದ್ದಳು

– ವಿಚಾರಣೆ ವೇಳೆ ಬಾಯಿಬಿಟ್ಟಿದ್ದ ಸಂಜನಾ
– ಡ್ರಗ್‌ ಪೆಡ್ಲರ್ಸ್‌ಗಳ ಜೊತೆ ಐಂದ್ರಿತಾ ಫೋಟೋ

ಬೆಂಗಳೂರು: ಸ್ಯಾಂಡಲ್‌ವುಡ್‌ ನಟಿ ಐಂದ್ರಿತಾಗೆ ಸಂಜನಾ ಮುಳುವಾದ್ರಾ ಎಂಬ ಪ್ರಶ್ನೆ ಎದ್ದಿದೆ.

ಈ ಪ್ರಕರಣ ಬೆಳಕಿಗೆ ಬಂದ ಆರಂಭದಿಂದಲೂ ತಾರಾ ದಂಪತಿ ಹೆಸರು ಕೇಳಿ ಬರುತ್ತಿತ್ತು. ಆ ತಾರಾ ದಂಪತಿ ದಿಗಂತ್‌, ಐಂದ್ರಿತಾ ಆಗಿದ್ದರು. ಆದರೆ ಸಿಸಿಬಿ ಇವರಿಗೆ ನೋಟಿಸ್‌ ನೀಡಿರಲಿಲ್ಲ. ಆದರೆ ಈಗ ಎಲ್ಲ ಸಾಕ್ಷ್ಯಗಳನ್ನು ಸಂಗ್ರಹಿಸಿಕೊಂಡಿರುವ ಪೊಲೀಸರು ಬುಧವಾರ ಬೆಳಗ್ಗೆ 11 ಗಂಟೆಗೆ ವಿಚಾರಣೆಗೆ ಹಾಜರಾಗುವಂತೆ ನೋಟಿಸ್‌ ನೀಡಿದ್ದಾರೆ.

ಈ ನೋಟಿಸ್‌ ನೀಡಲು ಸಂಜನಾ ನೀಡಿದ ಹೇಳಿಕೆಯೇ ಕಾರಣ ಎನ್ನಲಾಗುತ್ತಿದೆ. ಸಿಸಿಬಿ ವಿಚಾರಣೆಯಲ್ಲಿ ಐಂದ್ರಿತಾ ಹೆಸರನ್ನು ಸಂಜನಾ ತಿಳಿಸಿದ್ದರು. ಶೇಖ್‌ ಫಾಝಿಲ್‌ ಜೊತೆ ಜೊತೆ ನಾನೊಬ್ಬಳೇ ಅಲ್ಲ, ಐಂದ್ರಿತಾ ಕೂಡ ಕ್ಯಾಸಿನೋಗೆ ಬರುತ್ತಿದ್ದಳು. ಆದರೆ ಆಕೆ ಡ್ರಗ್ಸ್‌ ತೆಗೆದುಕೊಳ್ಳುತ್ತಿದ್ದಾಳಾ ಇಲ್ಲವೋ ಗೊತ್ತಿಲ್ಲ. ಆದ್ರೆ ಪಾರ್ಟಿಗೆ ಬರುತ್ತಿದ್ದವರೆಲ್ಲ ಡ್ರಗ್ಸ್‌ ತೆಗೆದುಕೊಳ್ಳುತ್ತಿದ್ದರು ಎಂದು ತಿಳಿಸಿದ್ದರು. ಇದನ್ನೂ ಓದಿ: ಸಿಸಿಬಿ ಮುಂದೆ ತಮ್ಮ ಲವ್ ಬ್ರೇಕಪ್ ಸ್ಟೋರಿ ಬಿಚ್ಚಿಟ್ಟ ನಟಿಯರು

ವಿಚಾರಣೆಯ ಸಂದರ್ಭದಲ್ಲಿ ಈ ಪ್ರಕರಣದಲ್ಲಿ ಬಂಧಿತನಾಗಿರುವ ಮೊದಲ ಆರೋಪಿ ಶಿವಪ್ರಕಾಶ್‌ ಜೊತೆಗೂ ಐಂದ್ರಿತಾ ಫೋಟೋ ಇರುವುದು ಬೆಳಕಿಗೆ ಬಂದಿತ್ತು. ಡ್ರಗ್‌ ಪೆಡ್ಲರ್‌ ಸಂಜನಾ ಆಪ್ತ ರಾಹುಲ್‌ ಜೊತೆಯೂ ಐಂದ್ರಿತಾ ಇದ್ದ ಫೋಟೋ ಲಭ್ಯವಾಗಿತ್ತು. ಐಂದ್ರಿತಾ ಮತ್ತು ದಿಗಂತ್‌

2017ರಲ್ಲಿ ಐಂದ್ರಿತಾ ಶೇಖ್‌ ಫಾಝಿಲ್‌ ಒಡೆತನದಲ್ಲಿರುವ ಕೊಲಂಬೋ ಕ್ಯಾಸಿನೋಗೆ ತೆರಳಿ ಡ್ಯಾನ್ಸ್‌ ಮಾಡಿದ್ದರು. ಈದ್‌ ಸಮಯದಲ್ಲಿ ನಡೆದಿದ್ದ ಈ ಕಾರ್ಯಕ್ರಮದ ಆಹ್ವಾನ ಪತ್ರಿಕೆಯಲ್ಲಿ ಐಂದ್ರಿತಾ ರೇ ಬರಲಿರುವ ಮಾಹಿತಿಯನ್ನು ನೀಡಲಾಗಿತ್ತು.